七萬步徒步由天水圍行路去柴灣!Youtuber「Cedric社職仔」爆紅破萬follower上位

熱話

廣告

Youtube英雄出少年!繼雞丁之後,最新一位受關注的演出者,係剛剛突破13,000訂閱的中學生「Cedric社職仔」,由14歲嘅細路自己拍片,上位之作就係「walking challenge」,憑一條「徒步由天水圍行路去柴灣」甚獲好評,得到超過14萬views,一齊睇下有咩吸引之處⋯⋯

文:潮聞社

今次「Cedric社職仔」的壯舉花了14小時,徒步由天水圍行路去柴灣!總共42公里,濃縮成20分鐘的短片,路線途經:元朗、八鄉丶上村丶大帽山郊野公園丶荃灣丶葵涌丶南昌丶旺角丶何文田丶紅磡碼頭丶北角丶太古⋯⋯以柴灣為終點,行足70,000步!沿途仲有好多fans加入:

其實「行路挑戰」其實已經係第 3集!「Cedric社職仔」1月初攝此拍片期間,youtube訂閱只係剛剛突破400人,不過此片一出之後,訂閱人數火速上升,片尾Cedric表示條片過到80like就會籌拍「行路挑戰4」,結果影片得到超過5,000 likes,仲有145,988 views,反應遠超預期!

邀請觀眾參加、沿途多人加入!「Cedric社職仔」自述拍片難度

話咁快就行路挑戰3,因為我知道真係好多人想睇,今次我哋再加難度,由天水圍行到去柴灣,總共42公里,行左14個鐘,今次嘅行路挑戰非常特別,有觀眾主動約我一齊參加,我係諗都冇諗過。啱啱由天水圍開波嗰陣時,係非常靜嘅,唔似上一次。同埋今次嘅行路挑戰有山路,對我來講都有難度,我行行吓隻腳竟然扭親,不過都冇事仍然繼續挑戰。啱啱喺荃灣開始見到班觀眾真係好尷尬,一嚟佢哋太多人,我擔心行唔行得晒,二來我哋唔熟,淨係第一次見面,淨係講咗幾句嘢,Rose同Brian因為覺得尷尬得滯而中途走咗,淨係陪我行咗去荃灣,壞人就代替左佢哋,所以真係好尷尬嫁,因為我淨係識Ryan一個。後尾我哋落港島之後就開始熟,開始一齊傾計,開始影人哋影人哋影人哋影嘢,雖然係無聊,但係增進左唔少感情,最難忘嘅係我行行吓竟然破左400訂閱,多得班觀眾唔少,令我啲訂閱數不斷上升,有380飆到去420,所以話,做得YouTuber要同其他YouTuber合作,咁你嘅曝光率先會上升,以後可以嘅一定再約佢哋拍片。仲有今次行路挑戰特別嘅係第一次搭船,我哋搵咗個紅磡碼頭好耐先去到,最慘嘅係睇住上一班船走,雖然係個壞消息,但係我又有個好消息,就係我趕到尾班船,拼曬命跑落去紅磡碼頭,不得不佩服我同我班兄弟。今次總共行咗70,000步,比上一次多咗,證明我又行得勁過上次,上次行得嗰35公里,今次42公里,但兩次同樣都係用咗14個鐘,證明我行得快左(其實只係拖慢步速嗰啲人冇嚟😂)。返到屋企,已經就嚟12點啦,好彩聽日唔使返學啫, Ryan就慘啦要返學幫手搞啲嘢,哈哈哈。雖然隻腳都係起晒枕,隻襪啲色甩咗落隻腳度,但今次我唔同上一次咁樣即刻瞓着,可能係第一次見到班觀眾興奮得滯,搞到我瞓唔着。今次我好好彩,行行吓冇肚痛或者胃痛,係上一次太驚先會胃痛,上次大埔道就係最具挑戰性嘅地方啦,今次呢就係柴灣道嗰條斜路,黐孖筋㗎 !條柴斜好鬼死斜㗎,我同班fd作死咁樣跑左上去,都唔知我哋個腦係咪裝屎㗎,行完之後即刻喘晒氣。同埋我應承咗大家,如果呢條片個80個like,(同埋我臨時加多左個條件:就係要過450個訂閱)我就會拍行路挑戰4,至於邊度行去邊度我仲未諗到,有咩建議歡迎留言同我講,我哋會考慮吓,希望呢條片會過3000個觀看次數,講真我哋係未死過,就算蕩失路又或者比狗咬過吓好驚,但係我都係好有興致再行路,我一定會再拍行路挑戰4,各位到時我出咗條片再見啦!拜拜
(by Cedric)

網友回應:

##embed-label-0##

想認識多啲位Youtuber,大家可以睇睇佢嘅「萬人訂閱Q&A」:

影片精選了60幾條問問題,有fans表示「由150訂閱追到你一萬訂閱,呢個速度真係值得令人佩服佩服」:

重溫:徒步挑戰 2 上水行路去尖沙咀!

「要行三十幾公里,呢次行路挑戰比上次難,講錯咗係行怒挑戰,首先啦我哋有六個人,要兼顧晒佢哋所有需要係好難嘅,所以進度就慢咗好多,尤其是天黑前仲行緊山路真係好危險」

&t=170s

重溫:徒步挑戰 1 屯門行路去寶琳!

開台4年13,000訂閱,惡搞Zoom爆18萬views

Cedric社職仔」頻道在 2016年7月5日開台,至今年5月剛好突破13,000人訂閱,高收視作品包括:

當你用Zoom上課時⋯

當你用zoom上課時⋯丨七種用zoom會發生的事 話說呢個肺炎而家搞緊香港,好多學校為咗安全起見,就停咗課,坊間就好多人要實施停課不停學嘅行動,就要求啲學生停課嘅時候都要上堂,自己繼續學習。所以就用zoom呢個應用程式,就可以好多人一齊視像通話咁樣見面上堂,當中就會有好多尷尬嘅事會發生,咁究竟係咩呢,我諗大家就心中有數。至於如何避免呢啲尷尬事發生呢,影片中會有提及,咁慢慢睇啦。

忍住尿搭九巴53號線!

巴士模型大對決!鬥快砌好巴士模型

破解手繪QR code之謎!能Scan到嗎?

由1,000訂閱到10,000訂閱,只係幾星期嘅事,疫情停課為佢帶嚟唔少諗頭!
由1,000訂閱到10,000訂閱,只係幾星期嘅事,疫情停課為佢帶嚟唔少諗頭!