保安

上司針對 豪宅保安𢭃唔到利是 一支公抗議兼企圖跳樓!

熱話

廣告

新年期間,大家都知好多保安都會突然笑容滿面,好禮貌兼特別殷勤,目的係咩不言而喻啦!不過今日就有報道指,一名豪宅保安竟然因為收唔到利是而寫大字抗議,仲企圖跳樓!究竟咩事呢?

圖文:潮文社| 編輯:東方新地

喺跑馬地豪宅樂景園當值嘅一個保安,因為年初一被安排在停車場貨𨋢工作,搞到一蚊利是都收唔到,佢嬲到震之餘,仲單人匹馬帶埋大字報去抗議。呢位保安企咗喺灣仔合和中心門口簷篷上面聲稱要自殺,搞到出動警察同消防。10幾分鐘後,佢被勸服返落地面。

0

呢位57歲嘅保安接受記者訪問時,心情依然好激動。佢話如果上級公平地安排各同事過年期間輪流當值,收唔到利是都心甘命抵!但佢認為自己係被主管針對,原因係今次被調派嘅崗位,以往從來冇人喺嗰度當值過喎。

0

保安解釋指,之前佢因為巡樓時跌倒,令左腳骨折被判工傷,之後一直放病假休息。直到上年年頭,腳傷有好轉先復工,而上年新年佢就總共收到大約萬3蚊利是。不過,返咗一個月工再次因腳傷復發要請病假,直到今年1月先返工⋯ 加上原本上司竟然安排佢初一至初八之間放6日假,佢反映不滿後,就多咗初一同初四兩日返工,不過就被安排到停車場守貨𨋢,唔好話收利是,全日連一個人都見唔到⋯ 0

合和實業回應指有員工因不滿工作向上司反映過,同埋安排公司有規定,任何員工不可以主動向住客收取利是。睇到呢到都唔知邊個啱邊個唔啱啦⋯

0

消息來源:蘋果日報

關鍵詞
新年