港女

港女搭飛機遲大到 上唔到機爆粗遷怒地勤

熱話

廣告

「唔通要我喺度等呀?九唔X搭八!」日前網上有一港女大鬧機場地勤的片段流出,據知一班有男有女的乘客,喺機場禁區歸咎過關排隊時間太長,最後遲了八分鐘到達登機閘口,以致未能上機。當地勤告知要補錢轉乘其他航班後,其中一名港女戴黑超港女隨即發爛,爆晒粗大鬧職員…

撰文:東方新地|圖片:網上圖片

港女遲大到 上唔到機爆粗遷怒地勤

片段疑早喺聖誕節假期,直至近日先在網上流傳。據網民指,班機開 09:10 a.m.,但呢一班有男有女的乘客09:18先到閘口,然後歸咎過關排隊時間太長,所以先遲到。( 最底有片 ) 地勤女職員當然解釋,旅客有責任預早到機場,點知有人隨即發脾四:「你知節日好X多人,跑過嚟呀!仲要補錢?你冇嘢呀?」

 

當地勤告知要補錢轉乘其他航班後,港女又繼續鬧:「依家拿拿臨安排下一班機畀我啦,快啦!唔通要我喺度等呀?九唔X搭八。」其實搭飛機要早去機場是常識吧,準時到閘口就唔使多講㖭啦,點解總係有啲人咁蠻不講理?話說片中班機場職員服務態度夠好,保持冷靜,真係要俾返個Like啊!

港女歎Coffee搞到遲?

另外,就有網民指出,見到佢惡港女一行人原來事前去咗買咖啡,其實係咖啡店排長龍先搞到送機尾!哦,明白晒,原來惡人先告狀!

更有網民質疑,「機場帶黑超?是否一早打算上鏡?」

有片睇,大家評評理:

港女發爛炸講粗口大鬧職員 Part 1

Posted by O咀新聞台 on Monday, 16 April 2018

港女發爛炸講粗口大鬧職員 Part 2

Posted by O咀新聞台 on Monday, 16 April 2018

延伸閱讀:

「照騙」靚女真身原來係肥妹 辯稱水腫咗20公斤…