新年

10種過年「斷六親」嘅職業 新年無假放都做得咁開心工種係…

熱話

廣告

過年有邊個唔想放假、一家人齊齊整整過佳節,不過有好多人過年都仲要返工,我哋一齊睇下以下10種過年「斷六親」嘅職業,有冇一種係你或你屋企人做緊嘅職業?一齊為佢地加加油!

圖文:潮文社|編輯:東方新地

01|醫護界

醫護工作向來都好重要,過年有咩唔好彩無咗佢哋真係唔知點算!今個兔年,呢個行業尤其受到關注,因為疫情威脅之下,醫護面臨嚴重的壓力。

新年 有傳瑪麗醫護集體請「病假」,因為不滿隔離病房防疫差⋯⋯
有傳瑪麗醫護集體請「病假」,因為不滿隔離病房防疫差⋯⋯

02|飲食業

過年要返工嘅工種,第一個諗起一定係飲食業,由年三十晚團年飯起,忙忙忙到年初一二三,都無得抖,除非係家庭式餐廳,否則真係不愧為「斷六親」⋯⋯

新年

03|戲院業

過年最多人做嘅活動,一定係去睇戲,中西賀歲片套套都想破票房紀錄,做戲院賣飛同帶位嘅,同飲食業一樣咁忙,又係一個斷六親嘅行業!

新年

04|新聞業

正所謂日日都有新聞,報紙日日都會出街,而家網絡年代仲要無時無刻都要做新聞,真係年中無休,邊有分過年唔過年呀。

新年 記者真係咩時間都要返工。
記者真係咩時間都要返工。

05|捐血站

大年初一起,捐血站開放時間有變。捐血站嘅職員幫大家抽完血,夜晚應該仲可以陪屋企人。

新年 2023年捐血站開放時間表。
2023年捐血站開放時間表。

06|酒店旅遊業

農曆新年絕對係外遊高峰,呢個時間領隊導遊都求才若渴,不過工作也特別艱辛,因為呢段時間嘅旅客亦都係最難服侍、好多家庭客好日唔出埠,呢段時間全家外遊特別多要求,而目前多個國家都唔使封關,相信好多人都會選擇去旅行過年。

新年

07|消防員

消防都係為咗保護市民安全,新年都一樣要返工,唔止火燭,仲有困𨋢或者交通事故都要隨時候命,更應該要致敬!

新年

08|公共交通

各位司機大佬,過年都要照常開工,唔係你地邊有車搭呢?除了的士、小巴同埋渡輪,當中尤其以巴士司機特別受人敬重:

新年 九巴司機真係充滿正能量!
九巴司機真係充滿正能量!

09|外賣仔

自從網上外賣愈來愈流行之後,「外賣仔」業界幾幾何級數攀升,當中仲有好多係外藉電單車手,新春期間如果叫外賣,不妨畀多少少貼士吧!

新年 「外賣仔」業界已經不限於茶餐廳⋯⋯
「外賣仔」業界已經不限於茶餐廳⋯⋯

10|看更

看更過年要開工,不過睇佢地由朝到晚都四萬咁口,就知道應該賺唔少,分分鐘係過年開工最開心嘅一種職業。

新年 每年新年看更特別勤力。
每年新年看更特別勤力。
新年 但另一方面,又的確係有好多屋苑護衛員偷懶成性,只在農曆年期間才「突然醒神」⋯⋯
但另一方面,又的確係有好多屋苑護衛員偷懶成性,只在農曆年期間才「突然醒神」⋯⋯

網友再補充:「其實過年要開工嘅行業點止10個! 」

##embed-label-0##

關鍵詞
新年職業
撰文:東方新地圖片來源:網上圖片