YouTuber

港女YouTuber車廂拍片搞到日本人黑面 網民:大鄉里出城!影衰晒!

熱話

廣告

香港人最討厭強國遊客喺香港搞亂檔,不過香港人去外地旅行時,會唔會都做咗啲乞人憎嘅嘢呢?港女YouTuber阿貝@貝遊日本,成日去日本,YouTube channel又主打日本嘢,理應比一般香港人更了解當地文化,點知出事!話說阿貝最近去咗日本留學,咁就拍片直擊電車車廂喺早上繁忙時間擠迫嘅「盛況」,不過就犯咗日本人唔鍾意俾人影嘅禁忌,亦無視咗日本有「肖像權」呢樣嘢,兜口兜面影其他乘客,搞到人哋黑晒面!

原文:環球膠報|圖片:貝遊日本、Youtube截圖

港女YouTuber車廂拍片搞到日本人黑面

主打日本嘢嘅YouTuber,又去得日本留學,理應對日本文化有返咁上下認識,原來唔係咁!

阿貝話想介紹下日本嘅電車喺繁忙時間係有幾迫幾恐怖喎!不過呢樣日本特色好似人人都知喎,真係需要介紹咩?

其實香港人日日都迫緊啦!港鐵朝早條條線都迫到沙甸魚咁啦!好出奇咩?

佢係咁講:「好恐怖呀!好恐怖呀!好恐怖呀!好恐怖呀!好恐怖呀!」

識得後製遮樣,即係知道日本人禁忌啦!咁仲影?

有日本人留言叫佢唔好亂咁影人。

亦都俾香港網民鬧爆。

大鄉里出城!未見過世面!

老老實實,佢係咪冇喺日本或者香港搭過地鐵?

睇片

https://www.youtube.com/watch?v=znFJaD3ouh8

&feature=youtu.be

同場加映:7位個樣「差少少」嘅女YouTuber一覽

|申倩瑋 Stephanie Sun

申倩瑋 Stephanie Sun,又名日本妹,雖然唔係真日本人,又唔識日文,不過擁有「個性細眼」同「特色顴骨」,真係有幾分似來自日本嘅麵包超人!網民就話雖然佢唔係話好靚女,不過好在身材唔錯,同埋識打扮,彌補返個樣嘅缺憾!

|小白 Baka Shiro

小白 Baka Shiro,網民認為佢「MK妹化身,面扁氣息暗淡,濃妝似阿嬸」!而佢喺YouTube上嘅簡介就自稱「行為很像怪叔叔」、「一直都在扮醜」、「搞笑是我的樂趣」,睇嚟佢都幾有自知之明,行唔到美女路線,咁行搞笑路線囉!

好似有啲身材咁喎!

|易健兒 Creamy Yick

易健兒 Creamy Yick,網民話「呢件真係無死角醜女,咩角度都咁樣衰」,「唇太厚,嘴邊有舊肉癡住」!厚唇、雀斑同埋棚牙係佢嘅個人標記,配合佢拍片時把聲、行為同表情,跟「弱智路線」完美結合!

|The Little Balu

The Little Balu,網民就品評佢「氣息差,笑時牙肉露出太多,法令紋好深」,雖然Balu五官麻麻,不過勝在個樣好有喜感,睇落幾搞笑,都有charm嘅一面!加上佢拍嘅片都唔係賣樣,所以網民都話冇所謂喎!

|陳怡 Chan Yee

陳怡 Chan Yee,YouTube上嘅個人簡介話「假假地都係一個女神」,加上經常拍片話自己俾痴漢性騷擾,唔睇樣嘅話真係以為係一個美女!身為一個年輕女子但擁有一副大媽面孔,拍片內容又成日觸及結婚話題,加上「法令紋好深,面頰兩邊肉下垂,雙下巴開始出現」,網民都話以為佢「上咗年紀」,咁其實佢對促進「YouTuber 耆英化」都有好大貢獻!

|海恩奶油 Hein Cream

海恩奶油 Hein Cream,現留學台灣嘅港女,網民話佢常常chok出「台式可愛樣」,加埋棚好「突出」嘅牙,同埋笑到瘋狗症咁嘅表情,幾樣嘢夾埋變成「加乘效應」,毛管戙指數急升!

|貓女孩 CatGirl

終極武器……CatGirl!