feat_1191_6

黃智雯被改奇怪花名、李佳芯、高海寧拍完劇唔捨得分開!圈中隱藏9對閨密大揭露

開戲拍劇動輒三、五個月,成班演員台前幕後日對夜對幾個月,何止混熟直情見得多過屋企人啦,就算拍完戲劇集煞科,都冇話各散東西反而自成一黨變成老死嘅大有人在!好似胡說八道會、少婦聯盟、處女黨等等,隨手可以數出好幾個小圈子出嚟。其實呢行仲有好多好朋友低調得嚟常伴左右互相扶持,friend 過夾band都唔使一定要改埋隊名敲鑼打鼓嘅!

撰文、圖片:東方新地

黃翠如 連詩雅 陳自瑤

失驚無神,本來牛頭不對馬嘴嘅黃翠如、連詩雅同陳自瑤成為各自社交網絡常客,一齊食一齊玩一齊做運動一齊慶祝大日子,直到兩月前《那些我愛過的人》播出,謎底終於解開,其實2018年初開始拍攝,三位就因為年紀相若又啱嘴形而成為好友,劇都拍完年多兩年,仲係老死。

黃智雯被改奇怪花名、李佳芯、高海寧拍完劇唔捨得分開!圈中隱藏9對閨密大揭露 黃智雯被改奇怪花名、李佳芯、高海寧拍完劇唔捨得分開!圈中隱藏9對閨密大揭露

李佳芯 高海寧

又係因為連續開劇成為密友,李佳芯、高海寧合作過《 BB來了 》後再在《 殺手 》遇上對方,本來已經啱傾又玩得,再因為台灣外景日對夜對難捨難離。劇集煞科都未捨得分手,二人拍完劇即時度番個閨密假期,一齊飛咗去巴塞羅納玩餐飽。

黃智雯被改奇怪花名、李佳芯、高海寧拍完劇唔捨得分開!圈中隱藏9對閨密大揭露 黃智雯被改奇怪花名、李佳芯、高海寧拍完劇唔捨得分開!圈中隱藏9對閨密大揭露

唐詩詠 張曦雯

2018年初一齊拍完《 白色強人 》,唐詩詠同張曦雯因此結為好友,原來緣份都未完,煞科未夠兩個月,又落實會喺新劇《 解決師 》繼續合作,連續日見夜見大半年後,唐詩詠、張曦雯感情大躍進,正式升格成為閨密。

黃智雯被改奇怪花名、李佳芯、高海寧拍完劇唔捨得分開!圈中隱藏9對閨密大揭露 黃智雯被改奇怪花名、李佳芯、高海寧拍完劇唔捨得分開!圈中隱藏9對閨密大揭露

蔡思貝 湯洛雯

相隔一年同樣憑港姐選舉入行,一樣備受無綫力捧劇接劇大有機會成為新一代當家花旦,蔡思貝同湯洛雯在公係競爭對手,在私其實感情好過親生姊妹。大時大節一定一齊慶祝,仲會上門開睡衣派對傾通頂!最甜係早前靚湯同前度羅天宇分手,蔡思貝親自送花到靚湯門口,仲求保安保守秘密成功製造驚喜。

黃智雯被改奇怪花名、李佳芯、高海寧拍完劇唔捨得分開!圈中隱藏9對閨密大揭露 黃智雯被改奇怪花名、李佳芯、高海寧拍完劇唔捨得分開!圈中隱藏9對閨密大揭露

黎姿 郭可盈

份屬同代無綫當紅花旦,前後腳淡出幕前然後又在同年加入人母行列,近年黎姿同郭可盈交流聚會比起做花旦年代更多更緊密,黎姿公司活動郭可盈必定支持、可盈有親子活動又必定會預埋黎姿母女,黎姿孖女同可盈女兒Tania份屬同年,早前一齊出海遊船河就黐住一齊玩,同媽咪一樣係好姊妹。

黃智雯被改奇怪花名、李佳芯、高海寧拍完劇唔捨得分開!圈中隱藏9對閨密大揭露 黃智雯被改奇怪花名、李佳芯、高海寧拍完劇唔捨得分開!圈中隱藏9對閨密大揭露

李嘉欣 盧淑儀

一個係88年港姐冠軍、一個係92年港姐冠軍,李嘉欣同盧淑儀喺娛樂圈未有機會深交,反而喺社交圈因為共同朋友愈走愈近,更昇華成為閨中密友。早前盧淑儀慶祝47歲生日,李嘉欣與胞姐仲有另一位閨密邱李茂琪一齊為佢慶祝。而年前李克勤喺紅館開個唱,李嘉欣仲帶埋老公許晉亨捧場,更去後台打招呼。

黃智雯被改奇怪花名、李佳芯、高海寧拍完劇唔捨得分開!圈中隱藏9對閨密大揭露 黃智雯被改奇怪花名、李佳芯、高海寧拍完劇唔捨得分開!圈中隱藏9對閨密大揭露

黃智雯 何遠東 胡鴻鈞

兩輯《 降魔的 》都大受歡迎收視高企,一眾演員亦都因此建立特別感情,唔講唔知,「 石敢當 」胡鴻鈞、「 龍貓 」何遠東,仲有「 芷若 」黃智雯拍完第一輯後成為老死,兩位男士親熱叫黃智雯做「 黃屎屎 」,亦都皇帝唔急太監急,經常催佢快啲嫁。

黃智雯被改奇怪花名、李佳芯、高海寧拍完劇唔捨得分開!圈中隱藏9對閨密大揭露 黃智雯被改奇怪花名、李佳芯、高海寧拍完劇唔捨得分開!圈中隱藏9對閨密大揭露

鄧麗欣 姜麗文

15年套葉念琛年度電影《 紀念日 》係 Stephy 同方力申分手前嘅最後合作,不過亦係 Stephy 同姜麗文友情萌芽嘅溫床。不時成熟穩重一本正經嘅 Stephy,對住姜麗文總會放下包袱盡情玩樂。姜麗文年初公布接受求婚,亦都一早講定會預 Stephy、應采兒做姊妹陪嫁。

黃智雯被改奇怪花名、李佳芯、高海寧拍完劇唔捨得分開!圈中隱藏9對閨密大揭露 黃智雯被改奇怪花名、李佳芯、高海寧拍完劇唔捨得分開!圈中隱藏9對閨密大揭露

郭嘉文 江嘉敏

拍拖四年、地位鞏固、半隻腳都幾乎踏進李家家門,郭嘉文極速上位得到小小超厚愛,其中一個原因就係知慳識儉生活貼地,雖然身家身份今非昔比,依然同無綫小花林凱恩、江嘉敏保持閨密關係。今個月林凱恩生日一班好姊妹秘密籌備驚喜派對,仲有鄺潔楹份㖭!

黃智雯被改奇怪花名、李佳芯、高海寧拍完劇唔捨得分開!圈中隱藏9對閨密大揭露 黃智雯被改奇怪花名、李佳芯、高海寧拍完劇唔捨得分開!圈中隱藏9對閨密大揭露