feat_1174_11

第一代星女郎兼全裸先鋒 莫文蔚出道27年首次為無綫劇唱主題曲

吳若希、菊梓喬、胡鴻鈞、許廷鏗然後再吳若希、菊梓喬、胡鴻鈞、許廷鏗……咩話?無綫終於有套電視劇唔係佢哋幾個唱主題曲同插曲?係世界變了定順應民意?咩原因都好,總算畀啲新意唔再係嗰幾把聲無限loop,對廣大電視觀眾同歌迷嚟講,點都係件謝主隆恩嘅好事!

撰文、圖片:東方新地

莫文蔚首次為無綫劇唱主題曲

講緊套年度大製作《飛虎之雷霆極戰》,既然同優酷合拍、製作費上億、雲集無綫最強卡士、亦被安排搶先喺全國播放(首播錄得45億破紀錄點擊),所以連主題曲都要重金禮聘個有番咁上下份量、紅遍全亞洲嘅莫文蔚至得!為隆重其事,去年優酷首播有國語版〈只是不夠愛〉,今個月無綫啟播,再配番首廣東話版〈呼吸有害〉,講緊亞洲天后、金曲歌后上次出廣東話新歌已經係十年前嘅事,今次仲係莫文蔚出道27年來第一次幫無綫唱電視劇集主題曲,真係好巴閉喎!

無綫重頭劇《飛虎之雷霆極戰》唔止卡士勁,連主題曲都搵嚟天后級嘅莫文蔚主唱〈呼吸有害〉,今次仲係佢出道27年來第一次為無綫劇唱主題曲。
無綫重頭劇《飛虎之雷霆極戰》唔止卡士勁,連主題曲都搵嚟天后級嘅莫文蔚主唱〈呼吸有害〉,今次仲係佢出道27年來第一次為無綫劇唱主題曲。
由舊愛變成老友,2016年星爺誠邀莫文蔚為其執導電影《美人魚》唱電影插曲〈世間始終你好〉,當時莫文蔚更笑指星爺終於知道佢係最好!
由舊愛變成老友,2016年星爺誠邀莫文蔚為其執導電影《美人魚》唱電影插曲〈世間始終你好〉,當時莫文蔚更笑指星爺終於知道佢係最好!
攞過兩屆台灣金曲歌后,莫文蔚唱得又演得,曾贏過金像女配角獎,電影經典作無數亦係第一代星女郎,《食神》中嘅廟街「雞姐理由唔識。
攞過兩屆台灣金曲歌后,莫文蔚唱得又演得,曾贏過金像女配角獎,電影經典作無數亦係第一代星女郎,《食神》中嘅廟街「雞姐理由唔識。
當年莫文蔚同星爺真係合作無間,大部分電影都係經典之作,包括:《喜劇之王》《回魂夜》 、 《食神》 、 《少林足球》 、《算死草》 、 《西遊記》 系列等等。
當年莫文蔚同星爺真係合作無間,大部分電影都係經典之作,包括:《喜劇之王》《回魂夜》 、 《食神》 、 《少林足球》 、《算死草》 、 《西遊記》 系列等等。
莫文蔚嘅媽媽莫何敏儀來頭亦唔少,曾經係香港政府高級新聞官,亦係當時第一代電視人。去年媽媽八十大壽,莫文蔚孖德籍老公Johannes左及哥哥莫理斯齊齊為媽媽慶祝。
莫文蔚嘅媽媽莫何敏儀來頭亦唔少,曾經係香港政府高級新聞官,亦係當時第一代電視人。去年媽媽八十大壽,莫文蔚孖德籍老公Johannes左及哥哥莫理斯齊齊為媽媽慶祝。

第一代星女郎兼全裸先鋒

既然係相隔十年再唱廣東歌,仲係第一次幫無綫唱電視劇主題曲,相信唔少聽吳若希、菊梓喬、許廷鏗、胡鴻鈞大嘅90後、00後都未必知呢件事有幾隆重、莫文蔚有幾巴閉!今年50歲,出道27年,莫文蔚係少數同時喺電影及音樂事業上取得極高成就嘅全方位女藝人。唔止係周星馳舊愛兼御用嘅第一代「星女郎」、兩屆台灣金曲獎歌后,亦喺中國內地及台北小巨蛋舉行最多場個人演唱會嘅香港女歌手㖭!仲有一樣嘢你一定要知,就係廿年前曾拍過全裸唱片封套,被公認為最完美體態女星,廿年後依然fit到零走樣,去年台北個唱一襲肉色透視歌衫,今時今日啲所謂女神全盛時期都未必carry到!

勤做運動保養得宜,年近半百嘅莫文蔚去年喺台北開騷時,著上一襲肉色透視歌衫,身材若隱若現依然 fit 到漏!
勤做運動保養得宜,年近半百嘅莫文蔚去年喺台北開騷時,著上一襲肉色透視歌衫,身材若隱若現依然 fit 到漏!
90年代出道做歌手,96年《全身》全裸唱片封套絕對係樂壇經典。
90年代出道做歌手,96年《全身》全裸唱片封套絕對係樂壇經典。
相隔19年,去年為宣傳自家設計嘅牛仔褲拍宣傳照,再次以大露背示人,身材廿年不變。
相隔19年,去年為宣傳自家設計嘅牛仔褲拍宣傳照,再次以大露背示人,身材廿年不變。
2013年為慶祝入行20周年,大膽僅以保鮮紙包裹全身拍寫真,完美曲線一覽無遺。
2013年為慶祝入行20周年,大膽僅以保鮮紙包裹全身拍寫真,完美曲線一覽無遺。
2000年莫文蔚赤裸上身為首個紅館騷影海報,成為一代經典。莫文蔚係大陸舉行最多場次嘅香港女歌手,一共近90場。佢亦係唯一喺台北小巨蛋五度舉行個唱嘅香港女歌手㖭!
2000年莫文蔚赤裸上身為首個紅館騷影海報,成為一代經典。莫文蔚係大陸舉行最多場次嘅香港女歌手,一共近90場。佢亦係唯一喺台北小巨蛋五度舉行個唱嘅香港女歌手㖭!
向來前衞嘅莫文蔚一雙纖長美腿以及苗條身材正是她多年來嘅招牌!
向來前衞嘅莫文蔚一雙纖長美腿以及苗條身材正是她多年來嘅招牌!