mo399_5353606183334340852_n_1808329733609a0d2e329ef-1024×936

影后毛舜筠將與姜濤拍電影演母子 彭秀慧促成姜濤處男作

正所謂塞翁失馬,焉知非福,呢句說話毛姐毛舜筠呢期就最有體會。前年佢間樓上餅店結業,原本諗住再搵地方開舖,但仔細考慮完都係決定擱置,呢段時間可以趁機陪下囡囡,反而仲賺咗!近日毛舜筠現身Mirror演場會,並與成員姜濤合照,同場還有彭秀慧導演,有指彭導拉線促成姜濤處男作與毛姐演母子!

撰文、圖片:東方新地、毛舜筠Facebook

姜濤獲彭秀慧睇中 傳處男電影與毛舜筠演母子

毛舜筠日前現身Mirror演場會,事後上載多張照片,包括與彭秀慧導演合照。有指當日毛姐現身演唱會,是因為將與姜濤合作拍電影,彭導促成兩人初次見面!

毛舜筠與彭秀慧現身Mirror演唱會。(圖片來源:毛舜筠Facebook)
毛舜筠與彭秀慧現身Mirror演唱會。(圖片來源:毛舜筠Facebook)
毛姐大晒與Mirror合照!(圖片來源:毛舜筠Facebook)
毛姐大晒與Mirror合照!(圖片來源:毛舜筠Facebook)
有指二人將合作拍電影演母子。(圖片來源:毛舜筠Facebook)
有指二人將合作拍電影演母子。(圖片來源:毛舜筠Facebook)

毛舜筠兩索女勁吸睛 母親節大晒與細女合照

多年前樓上餅店結業後,毛姐打算另覓街舖再大展拳腳,正當搵緊廠家之際,毛姐經過再三慎重考慮 後,卒之都決定擱置開舖計劃。諗真啲,局勢前景都未明朗,避免不必要損失,遲啲再開舖亦無妨,無謂攞苦嚟辛之餘,仲賺咗好多親子時間㖭!當年連飛去美加探大女之旅都由兩個星期變兩個月玩番夠本,今勻止蝕得嚟仲賺凸囉!近日毛姐再次大哂母親節與細女的合照,20歲的Jill超索!

毛姐細女Jill現年20歲。(圖片來源:毛舜筠Facebook)
毛姐細女Jill現年20歲。(圖片來源:毛舜筠Facebook)
細女Jill笑容甜美,相當陽光。(圖片來源:毛舜筠Facebook)
細女Jill笑容甜美,相當陽光。(圖片來源:毛舜筠Facebook)
大女區令山留喺美國開學,早排一家人飛去當地度假玩足兩個月敍天倫。
大女區令山留喺美國開學,早排一家人飛去當地度假玩足兩個月敍天倫。
去美國探大女玩足兩個月,返到香港毛姐毛舜筠嘅長假仲未放完,日前又趁星期日一家三口去淺水灣 family day。
去美國探大女玩足兩個月,返到香港毛姐毛舜筠嘅長假仲未放完,日前又趁星期日一家三口去淺水灣 family day。
細女區亦山19歲女都仲好黐家又乖巧,去到邊都黐實媽咪。
細女區亦山19歲女都仲好黐家又乖巧,去到邊都黐實媽咪。

20歲二女婷婷玉立 出街翹手媽咪做貼心閨密

由美加番嚟,大女區令山喺當地開學,細女區亦山就跟住父母一齊返香港繼續做媽咪嘅貼心閨密,毛姐嘅長假亦未放完,日前又見佢同老公區丁平、細女區亦山一齊去到淺水灣食lunch。

一家三口揀間西餐廳開揚位置坐低,叫完嘢食,區亦山自拍合照又捉住媽咪傾偈,兩母女好多話題。
一家三口揀間西餐廳開揚位置坐低,叫完嘢食,區亦山自拍合照又捉住媽咪傾偈,兩母女好多話題。

影后毛舜筠將與姜濤拍電影演母子 彭秀慧促成姜濤處男作

眨吓眼都20歲,婷婷玉立又靚女,估唔到亦山黐家得嚟仲鍾意黐住父母,周末陪父母lunch,食餐飯都要黐實媽咪坐,全程有講有笑,食完嘢都好似兩姊妹一樣翹住手一齊行街,咁乖巧嘅女仔今時今日真係買少見少!

食完嘢行去攞車,慈父區丁平亦趁機攬實愛女。
食完嘢行去攞車,慈父區丁平亦趁機攬實愛女。
不過細女似乎黐媽咪多啲,轉頭又走去翹實毛姐。
不過細女似乎黐媽咪多啲,轉頭又走去翹實毛姐。

讀者留言