feat_1165_20

擘面升級!洪永城咬住唔放 《多功能老婆》續集飛起朱晨麗

金牌監製陳寶華回巢力作《多功能老婆》,去年播出口碑載道,除了演失婚藍飛的楊千嬅與 Oppa周柏豪一對獲觀眾喜愛,劇中另一對冤氣夫妻朱晨麗、洪永城亦被網民Like爆,劇裡 Sweet劇外兩人卻因洪永城被爆自加攬啜戲而鬧不和;以為劇集曲終人散三個幾月,一切事過境遷,但原來洪爺怒火未消,至今仍咬住朱晨麗唔放,背後狂唱女方小題大做外,近日再反過來扮受害人,向高層扭計拒絕再與朱晨麗合作,更揚言「有佢冇我」勢不共存,令盛傳將開拍續集的《多功能老婆》隨時要改動陣容,演活巴辣人妻馬思蕾的朱晨麗,隨時被拖累而冇得留低!

撰文、圖片:東方新地

洪永城咬住唔放 欲趕絕朱晨麗拍續集

加入無綫八年,近日朱晨麗在《法證先鋒 IV 》及《大醬園》演出均有好表現,由她擔正女一的《大醬園》,結局最高收視更高達36.5點,成功令她躋身一線花旦位置,不過未及開心慶功,近日朱晨麗卻被是非牽連,被洪永城「有你冇我」論贈「㷫」!近日盛傳《多功能老婆》將開拍續集,監製陳寶華意欲原班人馬再演出,不過,在《多功能老婆》與朱晨麗演鬥氣夫妻的洪永城,就因為不滿被爆自加親熱戲,至今仍咬住朱晨麗唔放,近日更將行動升級,向高層扭計拒再與朱晨麗合作,實行趕絕女方再拍《多功能》續集機會。

有指 《多功能老婆》計劃開拍續集,被洪永城拒合作慘成磨心的朱朱,隨時被飛出局。
有指 《多功能老婆》計劃開拍續集,被洪永城拒合作慘成磨心的朱朱,隨時被飛出局。
被朱晨麗大爆拍《多功能老婆》時自加親熱戲後,洪永城雖公開承認有加戲事件,但就偏唔肯認錯,更一直咬住朱晨麗唔放,背後不停唱女方麻煩外,近日再向高層投訴拒與朱晨麗合作,實行一拍兩散!
被朱晨麗大爆拍《多功能老婆》時自加親熱戲後,洪永城雖公開承認有加戲事件,但就偏唔肯認錯,更一直咬住朱晨麗唔放,背後不停唱女方麻煩外,近日再向高層投訴拒與朱晨麗合作,實行一拍兩散!
在《多功能老婆》演恩愛夫妻的洪永城、朱晨麗,劇中有唔少親密演出,但原來當中不少攬啜戲是洪永城自加!更因此引爆二人不和關係。
在《多功能老婆》演恩愛夫妻的洪永城、朱晨麗,劇中有唔少親密演出,但原來當中不少攬啜戲是洪永城自加!更因此引爆二人不和關係。

擘面升級!洪永城咬住唔放 《多功能老婆》續集飛起朱晨麗

「洪爺」橫行電視城 懶理和事佬幫口

據知情者透露:「自從17年開始劇接劇拍唔停,洪永城已經當正自己一哥,態度囂張打橫行,班幕後仲幫佢起朶『洪爺』,加戲事件爆出之後,佢當然唔忿氣,覺得朱朱擺明向佢挑機,周圍唱女方小題大做麻煩不特止,仲同高層投訴,話畀朱朱破壞晒佢嘅形象,講明以後都唔想再同朱朱合作,直頭惡人先告狀!講真,以前都有過唔少『鹹豬手』同『鹹豬嘴』事件,當事人一定會被捉去照肺,點會好似洪爺咁巴閉,可以插番人轉頭,其實件事發生之後,都有唔少人試過做和事佬,分別勸佢兩個擺平件事,話晒喺電視城隨時會撞到,無謂面阻阻吖!但洪爺就一意孤行,仲講明同朱朱勢不兩立!男人嚟講,佢都算冇風度!」

朱晨麗日前出席 《法證先鋒IV》宣傳活動,回應洪永城「有你冇我」論,就揚言所有工作由公司安排,表現比洪爺大方得多,不過,被人狂插打沉士氣,當日朱朱明顯心情麻麻,全程笑容牽強!
朱晨麗日前出席 《法證先鋒IV》宣傳活動,回應洪永城「有你冇我」論,就揚言所有工作由公司安排,表現比洪爺大方得多,不過,被人狂插打沉士氣,當日朱朱明顯心情麻麻,全程笑容牽強!
洪永城與朱晨麗早在15年已經合作拍劇集《味想天開》,不過當時二人演兄妹冇親熱戲,加上洪永城身邊有個熱情如火的蔡思貝埋身,仲要借朱朱做掩護,當時三人便相處融洽!
洪永城與朱晨麗早在15年已經合作拍劇集《味想天開》,不過當時二人演兄妹冇親熱戲,加上洪永城身邊有個熱情如火的蔡思貝埋身,仲要借朱朱做掩護,當時三人便相處融洽!
被指囂張扮大牌,加上擔演的劇集《黃金有罪》收視一般(平均收視25點),洪永城近日開拍的新劇《陀槍師姐2020》亦被陳豪、羅仲謙力壓僅成男三。
被指囂張扮大牌,加上擔演的劇集《黃金有罪》收視一般(平均收視25點),洪永城近日開拍的新劇《陀槍師姐2020》亦被陳豪、羅仲謙力壓僅成男三。
有指洪永城愛向拍劇的女拍檔加戲抽水,更被花旦封做「多嘴城」。
有指洪永城愛向拍劇的女拍檔加戲抽水,更被花旦封做「多嘴城」。

監製唔俾面 唔合作隨時一齊 Out走

在《多功能老婆》成功將巴辣人妻馬思蕾演得生動可愛的朱晨麗,一直恨拍續集延續傻大姐形象,今次被洪永城拒合作,隨時再拍無望,加上被對方周圍唱,心情更跌落谷底!據知情者透露:「始終馬思蕾同楊宏立(兩人《多》劇角色)係兩位一體先有火花,洪爺唔肯再同朱朱合作,擺明想將朱朱踢出局,聞說寶華姐計劃開《多功能》續集都考慮過加入新角色,為咗保留原有嘅角色神髓,講明如果佢兩個唔能夠和平共處,就寧願將佢哋一齊 Out走,咁難得先搵到有得發揮嘅傻大姐戲路,朱朱知道之後真係怕冇得留低,呢排都好唔開心!」日前出席劇集宣傳活動,朱晨麗回應遭洪永城拒絕再合作一事, 就表現無奈:「我冇芥蒂,有冇得再合作,拍戲、做活動呢啲都係公司安排,我所講嘅嘢唔會生安白造,件事都隔咗咁耐,唔好再將件事放大!」

有指監製陳寶華想以原班人馬開拍《多功能老婆》續集,不過,洪永城扭計拒同朱晨麗再合作,令寶華姐有意將兩人角色同時 out走,重新加入新角色,朱晨麗大有可能被拖累而冇得留低!
有指監製陳寶華想以原班人馬開拍《多功能老婆》續集,不過,洪永城扭計拒同朱晨麗再合作,令寶華姐有意將兩人角色同時 out走,重新加入新角色,朱晨麗大有可能被拖累而冇得留低!
背後小動作多多,洪永城表面就繼續風平浪靜,一方面氹掂純情女友梁諾姸同居試婚,又在個人社交網分享行山及落區派口罩照片發放正能量,掩飾小家行為!
背後小動作多多,洪永城表面就繼續風平浪靜,一方面氹掂純情女友梁諾姸同居試婚,又在個人社交網分享行山及落區派口罩照片發放正能量,掩飾小家行為!

擘面升級!洪永城咬住唔放 《多功能老婆》續集飛起朱晨麗 擘面升級!洪永城咬住唔放 《多功能老婆》續集飛起朱晨麗

朱晨麗有麝自然香 拍三哥卓羲攻內地

其實有麝自然香,朱晨麗近期擔演的劇集收視屢創新高,五月又將會拍攝邵氏與內地合拍的網劇《飛虎3之壯志英雄》,與苗僑偉、吳卓羲、黃翠如合作攻內地市場,唔拍洪永城一樣大把機會,朱朱不如快些收拾心情準備新劇好過。而眼見緋聞女友被篤花,近日趕拍《食腦喪 B 》忙爆的何廣沛,便密密上門呵番女友,日前何廣沛駕駛其 Audi座駕去到朱晨麗的 Parkside寓所,未有將車泊入大廈停車場,反而泊到對面的爛地停車場,落車後,在座位摷東摷西,然後匆匆趕上樓會女友。其實,近日新冠肺炎肆虐,仲有劇開已經是萬幸,與其搞風搞雨,不如用心做好本份,珍惜機會更實際!

洪永城不滿又如何?朱晨麗同緋聞男友何廣沛拍住上演出的《大醬園》,最高收視高達 36.5點,成績亮眼!
洪永城不滿又如何?朱晨麗同緋聞男友何廣沛拍住上演出的《大醬園》,最高收視高達 36.5點,成績亮眼!
緋聞女友被抹黑,正在趕拍《食腦喪B》的何廣沛,即使爆忙仍趕去女友朱晨麗寓所,上門呵番女神!
緋聞女友被抹黑,正在趕拍《食腦喪B》的何廣沛,即使爆忙仍趕去女友朱晨麗寓所,上門呵番女神!
何廣沛駕駛其Audi座駕去到朱晨麗Parkside寓所,先將車泊到對面的爛地停車場,然後一個人上樓會女友。
何廣沛駕駛其Audi座駕去到朱晨麗Parkside寓所,先將車泊到對面的爛地停車場,然後一個人上樓會女友。

擘面升級!洪永城咬住唔放 《多功能老婆》續集飛起朱晨麗

何廣沛同大廈保安都見慣見熟,上樓通行無阻。
何廣沛同大廈保安都見慣見熟,上樓通行無阻。