feat_1191_20

踩過界 | 朱千雪為做大狀慳住使 街坊裝出巡肉緊箍老公

無綫劇集《踩過界》有朱千雪客串演出,現年32歲的「民選港姐」朱千雪,出道已備受觀眾喜愛,火速成為無綫上位花旦及廣告商寵兒,賺錢能力高企,不過理想遠大的她,卻在事業如日方中之際,選擇過平淡的學生生活,花了四年時間完成城市大學法律系博士學位,上月正式受聘成為執業大律師,在有名的張健利律師行掛牌。

撰文、圖片:東方新地

《踩過界》朱千雪放棄演藝工作專心做律師

為圓律師夢,朱千雪甘願放棄本來豬籠入水的演藝工作,寧願做律政新人由低做起,剛成為執業律師始終未有大 case埋身,賺錢唔多的她乜都慳住使,美貌與智慧並重之外,更加情操高尚!

今年六月完成城市大學法律系博士學位的朱千雪,加入張健利資深律師行做實習生,九月更正式受聘成為執業大律師,律師樓官網可見朱千雪一身西裝專業人士打扮,簡介中更註明她專打民事和刑事案件。
今年六月完成城市大學法律系博士學位的朱千雪,加入張健利資深律師行做實習生,九月更正式受聘成為執業大律師,律師樓官網可見朱千雪一身西裝專業人士打扮,簡介中更註明她專打民事和刑事案件。
朱千雪同老公Justin在同一間醫院出生,雙方父母早是世交,千雪BB更得老爺奶奶錫到燶!
朱千雪同老公Justin在同一間醫院出生,雙方父母早是世交,千雪BB更得老爺奶奶錫到燶!
去年在峇里舉行童話婚禮,結婚一年兩人亦有共識再過下二人世界先,將生B大計延後。
去年在峇里舉行童話婚禮,結婚一年兩人亦有共識再過下二人世界先,將生B大計延後。

街坊裝去平民咖啡店歎咖啡

日前兩公婆一身街坊裝恩愛拍拖出巡,到銅鑼灣平民咖啡店歎咖啡,做咗賢妻的朱千雪,對老公相當體貼,入到咖啡店會主動幫老公去買咖啡,唔會乜都等人服侍!兩公婆唔介意逼埋細小的餐枱邊飲邊傾,千雪BB更帶埋筆記研究相當勤力,歎咖啡個多小時,兩公婆手拖手散步行返屋企!超級 Sweet!

雖然家境不俗,但朱千雪同老公都非常貼地,兩人平日衣著簡單樸實,崇尚自然舒服與名牌從不掛鈎的千雪BB,當日一身T恤短牛街坊裝同老公去歎咖啡。
雖然家境不俗,但朱千雪同老公都非常貼地,兩人平日衣著簡單樸實,崇尚自然舒服與名牌從不掛鈎的千雪BB,當日一身T恤短牛街坊裝同老公去歎咖啡。
原本Justin在新加坡醫院擔任顧問醫生,不過為陪老婆朱千雪在港工作,Justin已將生活和工作基地移到香港。
原本Justin在新加坡醫院擔任顧問醫生,不過為陪老婆朱千雪在港工作,Justin已將生活和工作基地移到香港。
朱千雪同老公到跑馬地平實的咖啡店歎啡,千雪BB更非常體貼,入到店舖即主動幫老公去買咖啡。
朱千雪同老公到跑馬地平實的咖啡店歎啡,千雪BB更非常體貼,入到店舖即主動幫老公去買咖啡。
兩公婆有默契各自睇手機,千雪BB更帶埋筆記研究。
兩公婆有默契各自睇手機,千雪BB更帶埋筆記研究。
做咗人妻的朱千雪,相信婚後經常留家炮製美食餵飽老公,Justin明顯幸福肥脹咗成個碼。
做咗人妻的朱千雪,相信婚後經常留家炮製美食餵飽老公,Justin明顯幸福肥脹咗成個碼。

獨家!32歲朱千雪街頭肉緊箍老公 為夢想慳住使街坊裝出巡

兩人婚後搬入以千二萬購入的跑馬地山光苑居住,兩公婆拖住手散步行返寓所,相當有情趣!
兩人婚後搬入以千二萬購入的跑馬地山光苑居住,兩公婆拖住手散步行返寓所,相當有情趣!
行到差唔多返入住所,原本搭著老公膊頭的朱千雪,突然肉緊箍住老公脖子,背後睇都勁Sweet!
行到差唔多返入住所,原本搭著老公膊頭的朱千雪,突然肉緊箍住老公脖子,背後睇都勁Sweet!

好老公願為老婆放棄新加坡事業

為做大律師淡出娛樂圈,朱千雪再無後顧之憂,多得背後有個與她思想和價值觀一致的好老公支持,原本在新加坡擔任顧問醫生的老公吳崑倫( Justin),為陪老婆在港執業當律師,已由新加坡移回香港生活和工作。據知情者透露:「難得娶到個咁有上進心同唔受物質引誘嘅好老婆,Justin不知幾支持老婆嘅決定,Justin好錫 Tracy,乜都老婆行先,老婆之前要專心學業,依家律師事業又剛起步,佢好體諒老婆,兩公婆有共識遲吓先要 BB,其實 Justin同 Tracy嘅價值觀好貼近,兩個都追求簡單,就算家底好都唔會揮霍,兩個都覺得窩心嘅家根本唔需要好大,依家住緊嘅都係跑馬地屋苑小型單位,平日生活亦好貼地!收入少咗要慳住使,對 Tracy嚟講一啲都唔成問題!」

美貌與智慧並重的朱千雪婚後變萬能賢妻,日前她一個人去銀行辦理私務,之後便駕車去接老公,慳家的千雪 BB,當日所著的 T恤短牛與波鞋,同前幾天的打扮一式一樣。
美貌與智慧並重的朱千雪婚後變萬能賢妻,日前她一個人去銀行辦理私務,之後便駕車去接老公,慳家的千雪 BB,當日所著的 T恤短牛與波鞋,同前幾天的打扮一式一樣。
接埋老公一齊去咖啡店買咖啡外賣,之後一齊返屋企。
接埋老公一齊去咖啡店買咖啡外賣,之後一齊返屋企。

獨家!32歲朱千雪街頭肉緊箍老公 為夢想慳住使街坊裝出巡