feat_other_ling

54歲麥玲玲都試過「瘦身唔瘦胸」 重溫月減15磅40G巨胸屹立不倒經典時刻

人生有幾多個10年?你仲記得10年前嘅自己係點嗎?10年前,如果你好記性,應該會記得當年睇電視,有個到樣貌身材同樣好有福氣的著名玄學家麥玲玲在皇室纖形廣告最後一幕出現,玄學家走去做瘦身代言人,坊間大多反應是:「唔系啩?」麥師傅以行動話你知「真係」,而且仲非常成功,瘦身唔瘦胸,趁2月3日係麥玲玲師傅54歲生日,即刻同大家回帶呢個happy moment!

撰文、圖片:東方新地

麥玲玲減肥增名氣成功瘦身唔瘦胸

麥師傅原本重130磅,其圓碌碌的身形配合永遠燦爛的笑容,開心親民的形象深入民心,但當年突然接拍纖體廣告,不怕減得太瘦,會影響其面相運程嗎?

圓碌碌向來是師傅的標誌,予人可愛親切的感覺,其實大家應該不會太介意她肥少少,只是她眼見自己一年肥過一年,變成梯形身材,終於抵唔住頸,始終瘦啲,上鏡靚啲吖嘛!
努力一個月,44歲的玲玲上圍不變,依然屬40G重量級,不過巨胸以下明顯縮曬水,腰圍減4吋,手臂各減1.5吋,大髀各減2吋,整體感覺輕盈得多,以後唔使着西裝褸遮肥肉喇!

擔心太瘦破壞專業形象

「財運嚟講,的確肥少少容易賺錢啲,所以做生意嘅人肥啲會好啲,不過名氣方面,瘦啲又會好啲喎,所以啲明星個個都咁瘦囉!唉!就算我減,都唔會瘦到條藤咁啦,以前over咗啫,依家要適中啲,財運、名氣咪均勻啲囉!其實我關心健康多啲,我入行10年,每年肥1磅,由120磅肥到130磅,再咁落去唔掂,其實之前好多纖體公司搵過我,但我擔心破壞專業形象,呢間最好係唔使我着泳衣出嚟見人,如果話明要着,阿德(老公)都唔會俾啦,佢哋話着套裝已經OK,咁好容易啫!」

瘦人唔瘦胸,最開心係我老公!(設計對白)

老公回應:「點解個籮仲係咁大嘅?」

那老公對其瘦身成果滿意嗎?「佢都話我條腰瘦咗,背肌冇咁厚,仲好奇怪點解對胸冇細到,不過佢話『點解個籮仲係咁大嘅?』真係俾佢激死!」可能阿德只是想激勵老婆繼續努力啫!

經典倒奶大字馬 瘦過結婚嗰陣

講真,當年44歲的麥師傅為減肥真的毅力十足,除了每星期去纖體公司做兩次機,自己亦不停做運動,每朝 7 點半落街跑步或者在屋企跳完 funky dance 先返工,每星期又上兩堂泰拳,四管齊下,不少街坊都盛讚麥師傅瘦咗又靚咗,她笑言:「好彩登曬廣告話自己減肥,唔係啲人仲以爲我有病,家陣真係瘦過結婚嗰陣(15年前)。」

每周師傅都會去灣仔的Force One跟女泰拳教練Jaguar To上堂,初初只是做warm up已經嗌曬救命,其實師傅,你着到咁sexy去做掌上壓,我哋都頂唔順啦!

不要以爲師傅只是擺甫士給我們影相,佢堅做!
師傅自稱柔軟度高,但冇體力,做多兩做已經「啤」曬。

要身材唔要錢 酬金全數做善事好心有好波

經過一個月的瘦身療程,成功減去15磅肥肉,腰圍勁減4吋,麥師傅成功瘦身不瘦胸,招牌波罅仍然養眼,40G 龐然巨胸屹立不倒,連老公阿德都嘖嘖稱奇,不過最奇還是麥師傅要身材唔要錢,將全數50萬酬金捐給東華三院做善事,可能真係好心有好波!

師傅上圍重成咁,又的確幾難平衡,教練真係要幫幫手。
學了一個月,師傅的飛腳有闆有眼,專踢男人要害!
終於扭埋一嚿,大功告成!

天生「肥底」未瘦過 後生激似松田聖子

麥玲玲自稱小五後體重未試過低於100磅,絕對是天生「肥底」,不過看回15年前的結婚相,當時24歲的師傅雖然塊面圓圓哋,但仲見到條腰,無論樣貌髮型都有七成似年輕的松田聖子,真系好驚喜!

老公阿德都斯文白淨,仲有啲似黎明,絕配!絕配!

松田聖子

關鍵詞
麥玲玲