39歲容祖兒荷蘭有「艷遇」 Siri亂入破壞好事

娛聞

廣告

超額完成香港演唱會後,容祖兒又馬不停蹄飛到荷蘭海牙舉行 《 Pretty Crazy Love in Europe 》巡迴演唱會,趁空檔遊玩期間,仲竟然有艷遇㖭!

撰文、圖片:東方新地

容祖兒首次荷蘭開個唱得Miffy做神秘嘉賓

第一次到荷蘭演出,面對遠方熱情嘅粉絲,祖兒在台上相當興奮:「 人生一直有一個願望可 以嚟荷蘭開演唱會,因為荷蘭係一個我好喜歡地方,今日在座咁多位一齊見證我願望成真一 刻,我真係好開心,好難形容自己心情,夢境成真之下,眼淚湧湧吓又要故作堅強嘅感受,我只可以用百感交集嚟形容。」

人生第一次到荷蘭舉行演唱會,門票一早已被秒殺,令祖兒又驚又喜。
人生第一次到荷蘭舉行演唱會,門票一早已被秒殺,令祖兒又驚又喜。
落力唱跳博得全場掌聲,更有粉絲大讚服裝靚絕。
落力唱跳博得全場掌聲,更有粉絲大讚服裝靚絕。

台下嘅歌迷來自五湖四海,唔單止有荷蘭人,仲有唔少歌迷由香港、新加坡、馬來西亞、巴黎甚至南美巴西飛來捧場,祖兒一一多謝大家:「 冇諗過世界上咁遠嘅地方都有咁多鍾意我嘅人,希望大家睇得開心!」 除勁歌熱舞外,祖兒仲請咗個當地人人都鍾意嘅特別嘉賓現身,佢就係 Miffy 啦!祖兒一見到巨型 Miffy 即撲上前又攬又抱:「 一見到 Miffy,我即刻開心到變番七歲,今次都係得到 Miffy 保祐,我嘅荷蘭演唱會先咁成功,賣到爆晒,哈哈!」

祖兒發現有位荷蘭籍男歌迷竟然識唱佢嘅歌:「佢真係識得唱晒我啲歌,佢唱嗰陣我好似睇緊超級無敵估歌仔咁,又開心又好笑又感動,真係無諗過佢咁有心,學唱晒我啲歌嚟捧場,真係好厲害!」
祖兒發現有位荷蘭籍男歌迷竟然識唱佢嘅歌:「佢真係識得唱晒我啲歌,佢唱嗰陣我好似睇緊超級無敵估歌仔咁,又開心又好笑又感動,真係無諗過佢咁有心,學唱晒我啲歌嚟捧場,真係好厲害!」
十年前祖兒已經同荷蘭出產嘅Miffy合作過一齊出演唱會T 恤,今次祖兒親臨荷蘭開騷,Miffy 二話不說做特別嘉賓,出場陪祖兒一齊唱歌。
十年前祖兒已經同荷蘭出產嘅Miffy合作過一齊出演唱會T 恤,今次祖兒親臨荷蘭開騷,Miffy 二話不說做特別嘉賓,出場陪祖兒一齊唱歌。

閒逛遇人送公仔 Siri亂入破壞荷蘭「艷遇」

演唱會順利完成,祖兒趁機四圍遊玩,竟在商場發生「艷遇」,遇上一位小男孩送上一隻 Miffy 公仔畀佢,點知祖兒手機 Siri 亂入突然響起一句「 人類最大嘅恐懼,就係恐懼本身 」,嚇到 小男孩即時掉頭走,無言傻笑嘅祖兒笑謂:「其實我只係想每日平平淡淡咁過日子,點解總有笑料。」十分搞笑!

39歲容祖兒荷蘭有「艷遇」  Siri亂入破壞好事

祖兒自言愛上荷蘭:「 很喜歡荷蘭那片寧靜,連空氣都有善良的感覺,我一定要再來。」
祖兒自言愛上荷蘭:「 很喜歡荷蘭那片寧靜,連空氣都有善良的感覺,我一定要再來。」
喺海牙遇上熱情小男孩送公仔,估唔到最後被Siri破壞好事。
喺海牙遇上熱情小男孩送公仔,估唔到最後被Siri破壞好事。

關鍵詞
容祖兒