feat_1177_18

41歲吳卓羲半億樓贈母婚後要同住 身家暴漲全靠高人指點買樓催運

娛聞

曾是無綫上位小生的吳卓羲(Ron),當年是非、緋聞多不勝數,非常惹火,不過自15年離巢無綫外闖,近年他愈變愈低調踏實,雖然不再是話題人物,但吳卓羲離巢五年,事業一帆風順,更生財有道,中港兩地秘揸半億物業,是圈中隱形筍盤,原來近年吳卓羲得隱世高人苗師傅教路,發展順風順水,17年跟足高人指點搬入大埔比華利山獨立屋催運,在內地工作愈來愈暢旺,狂執人仔,在港曝光率相對不多,但在新劇《飛虎之雷霆極戰》熱播人氣火速攀升,賺錢能力高,搵到錢更是出名孝順仔,八年前首置物業已經是寫媽咪名,近日又蠢蠢欲動,儲夠首期計劃再入市買樓贈母。百善孝為先,抵佢發達!

撰文、圖片:東方新地

吳卓羲離巢無綫事業一帆風順

十七年前備受無綫力捧的《衝上雲霄》「 S4 」吳卓羲、陳鍵鋒、黃宗澤及馬國明,近年個個獨當一面,15年離巢無綫外闖的吳卓羲,兩年內拍了五套內地劇,間中拍邵氏出品劇集,中港兩邊走事業一帆風順,除了成為邵氏御用演員,連拍三部中港合拍網劇《飛虎》系列,更踩入電影圈。據知情者透露:「阿 Ron喺內地好吃香,一直有唔少工作,其實佢好早喺內地已經有知名度,04年佢同林峯主演嘅 TVB劇《大唐雙龍傳》,雖然香港收視一般,但喺內地就好受歡迎,幫佢兩個打出名堂,之後 Ron都拍咗唔少內地劇,長期 keep住人氣賺人仔,近年喺影壇又一片接一片,非常當旺!」

吳卓羲日前一個人出動到住所附近的電器舖買家電,穿著一身黑的他,頭帶Cap帽、黑色口罩更拉到貼近眼睛,幾乎冇人認到這個熱播中劇集《飛虎》的章 sir。
吳卓羲日前一個人出動到住所附近的電器舖買家電,穿著一身黑的他,頭帶Cap帽、黑色口罩更拉到貼近眼睛,幾乎冇人認到這個熱播中劇集《飛虎》的章 sir。

"吳卓羲在電器<br

落舖一心想買吸塵機的吳卓羲,見到減價電器亦停步研究一輪。
落舖一心想買吸塵機的吳卓羲,見到減價電器亦停步研究一輪。
不過吳卓羲最後只扑槌買了一部收納容易的家居吸塵機,即時排隊付錢離開。
不過吳卓羲最後只扑槌買了一部收納容易的家居吸塵機,即時排隊付錢離開。
吳卓羲攞住戰利品行去街尾上七人車。
吳卓羲攞住戰利品行去街尾上七人車。
近年收入水漲船高,吳卓羲出入亦聘有司機接載。
近年收入水漲船高,吳卓羲出入亦聘有司機接載。

掘金能力強三年供完一層樓

出道即爆紅,當時年少氣盛的吳卓羲好玩車,戰車換個不停,曾被拍到駕駛百萬 Benz跑接載緋聞女友張馨予,不過自12年和張馨予分手,狂換戰車時期亦已成過去式,並落力儲錢買磚頭。據好友爆料:「出道冇耐就紅又搵到,後生仔邊個唔貪玩?捨得揈錢買衫、買名錶、玩模型、玩車,都係啲揮霍玩意,有段時間真係儲唔到錢,連吳媽媽都好擔心佢,一路提佢儲錢買樓!」

離開無綫五年發展一帆風順的吳卓羲,17年首度拍電影便夥拍天王劉德華主演《拆彈專家》,令他在電影圈成功企穩陣腳,上年更連拍三部電影。
離開無綫五年發展一帆風順的吳卓羲,17年首度拍電影便夥拍天王劉德華主演《拆彈專家》,令他在電影圈成功企穩陣腳,上年更連拍三部電影。
在內地人氣頗高的吳卓羲,近年商演不斷,更有份參與電視台的春晚節目演出。
在內地人氣頗高的吳卓羲,近年商演不斷,更有份參與電視台的春晚節目演出。

原來令吳卓羲有如此大改變是得隱世高人苗師傅指點,13年,吳卓羲終於儲夠彈藥,以九百萬首次置業兼圓母心願。據知情者透露:「以前掛住玩車洗腳唔抹腳,阿 Ron亦唔識投資,但自從得苗師傅指點之後,佢成個改變晒,喺買第一層樓,阿 Ron就得苗師傅指點買入深井碧堤半島,話有助佢運勢,而阿 Ron買咗碧堤之後,又真係事業愈嚟愈好,15年離開無綫發展亦得心應手,碧堤物業仲喺三年內就供完。」

早在12年拍《缺宅男女》時,吳卓羲已經透露媽媽最大心願是想他快些置業,侍母至孝的他果然聽話,翌年已成功以900萬上車,買入深井碧堤半島一個1200呎單位送給媽咪,且三年已供完層樓。
早在12年拍《缺宅男女》時,吳卓羲已經透露媽媽最大心願是想他快些置業,侍母至孝的他果然聽話,翌年已成功以900萬上車,買入深井碧堤半島一個1200呎單位送給媽咪,且三年已供完層樓。

高人指點計劃再入市

據知吳卓羲是透過圈中好友,認識被喻為隱世高人的苗師傅,得苗師傅指點迷津,阿 Ron近年事業暢旺兼遠離是非,手上物業亦愈滾愈多。據知情者透露:「苗師傅批 Ron條命要買樓投資會令佢事業財運都相得益彰,17年Ron聽高人意見再入市,買咗一個二千幾呎物業,嗰時阿 Ron覺得層樓個價好乸脷,仲驚唔知幾時升值,又怕自己負擔唔到,好在聽從師傅意見,買完後工作接唔停手,更喺呢年高薪簽做邵氏御用演員,層樓上年亦供完!就連喺內地置業都有斬獲,所以佢好信苗師傅,只要苗師傅講一句,佢二話不說照做!」

得隱世高人苗師傅指點,吳卓羲17年再投資買另一物業,亦於三年多供滿貸款。近年他再聽從高人指示,以月租五萬搬入大埔比華利山獨立屋催運。
得隱世高人苗師傅指點,吳卓羲17年再投資買另一物業,亦於三年多供滿貸款。近年他再聽從高人指示,以月租五萬搬入大埔比華利山獨立屋催運。

孝順仔結婚都與母同住

風生水起的吳卓羲,聽從苗師傅的建議把脾氣收斂,不再揮霍,唯一不變是入行至今非常孝順,大部分物業都寫媽咪名,近日又已經儲夠首期準備今年再買樓贈母。據身邊人透露:「阿 Ron好錫媽咪,買樓都係想媽咪住得舒服啲,佢講過就算將來結婚,都一定要同媽咪同住,搬入大埔比華利山,雖然話係師傅教路,但其實阿 Ron一路都想搬住獨立屋,因為佢喺屋企擺咗好多巨型模型公仔,霸佔咗好多地方,佢唔想媽咪行開行埋畀啲公仔阻到,所以想搬大啲間屋,而Ron媽對住屋最大要求係要近住街市,比華利山位置較偏,所以阿Ron亦專登請司機,接載媽咪出外買餸同約街坊見面!」果然乖仔真係有運行!

吳卓羲鮮有將家人曝光,19年為母慶生時,只晒出過一張高抄同媽咪的背影合照。
吳卓羲鮮有將家人曝光,19年為母慶生時,只晒出過一張高抄同媽咪的背影合照。
早於04年,吳卓羲已和林峯憑《大唐雙龍傳》打入內地市場,兄弟幫頻返內地吸金。
早於04年,吳卓羲已和林峯憑《大唐雙龍傳》打入內地市場,兄弟幫頻返內地吸金。

唔儲老婆本 吳卓羲撲水買玩具去北京開博物館

吳卓羲前年在北京開了首家玩具博物館,雖然相比起古天樂的玩具倉只是小巫見大巫,不過吳卓羲的博物館就公諸同好,免費開放同路人參觀,而租地 方、請人打理博物館始終都要皮費,吳卓羲為圓玩具夢,近年密密接job拍戲冇停過,撲水買玩具花費不菲,唔知佢幾時先肯儲老婆本成家立室呢?

os_feat_1150_ron

吳卓羲北京開玩具博物館供同好免費參觀

前年吳卓羲在北京開了全國第一間figure博物館,名為《吳卓羲個人雕像模玩博物館》,展出了他收藏的超級英雄figure,包括Marvel、DC都有。

吳卓羲收藏品最貴的是價值 13萬的 1:1鋼鐵俠銅像,以及他身後的 1: 1蝙蝠俠銅像。
吳卓羲收藏品最貴的是價值 13萬的 1:1鋼鐵俠銅像,以及他身後的 1: 1蝙蝠俠銅像。
吳卓羲自小對figure勁有興趣,因為想有一個地方可以與其他 figure狂熱分子交流,所以年初在北京開了這個博物館。
吳卓羲自小對figure勁有興趣,因為想有一個地方可以與其他 figure狂熱分子交流,所以年初在北京開了這個博物館。
▼吳卓羲多年 收藏以鋼鐵俠, 漫威、DC等超級英 雄模玩手辦為主,其 藏品豐富程度足以 讓他開博物館。

吳卓羲多年 收藏以鋼鐵俠, 漫威、DC等超級英 雄模玩手辦為主,其 藏品豐富程度足以 讓他開博物館。
博物館開業初期非常多人慕名而來,當中有不少是吳卓羲國內的忠粉。
博物館開業初期非常多人慕名而來,當中有不少是吳卓羲國內的忠粉。
收藏模型除了花費金錢,仲要有時間同心機,博物館內每一 隻figure都係吳卓羲親手砌。
收藏模型除了花費金錢,仲要有時間同心機,博物館內每一 隻figure都係吳卓羲親手砌。

吳卓羲專心搵玩具錢 密密接job唔儲老婆本

吳卓羲表示選擇開博物館是因為他收藏嘅figure數量實在太多,而他希望每一個figure都要放在可以完全欣賞到的地方,屋企已經放唔落,再加上屋企養了幾隻貓,主子好易整爛figure。所以吳卓羲就把自己多年的珍藏運上北京,放在該博物館展示,博物館一共有三層,一層和三層是模玩手辦陳列區,二樓是辦公室,看到吳卓羲博物館的陳列品豐富程度,估計這些年吳卓羲的血汗錢都花在玩具上。

開業初期,由於運輸不方便,博物館陳列品只是吳卓羲收藏的三分之一,所以每次赴京,他都親手把自己的收藏隨身運送到博物館。
開業初期,由於運輸不方便,博物館陳列品只是吳卓羲收藏的三分之一,所以每次赴京,他都親手把自己的收藏隨身運送到博物館。
每次搵到心頭好,吳卓羲都會開心在社交網上放閃。
每次搵到心頭好,吳卓羲都會開心在社交網上放閃。
15年吳卓羲離開無綫向外闖, 成立工作室「管理」自己的事業版圖, 轉攻影壇的他首套電影即夥拍劉德華演出 《拆彈專家》,從中體會到認真兼拼搏的「牛華精神」,之後戲接戲又返國內發展,發展甚為理想。
15年吳卓羲離開無綫向外闖, 成立工作室「管理」自己的事業版圖, 轉攻影壇的他首套電影即夥拍劉德華演出 《拆彈專家》,從中體會到認真兼拼搏的「牛華精神」,之後戲接戲又返國內發展,發展甚為理想。
近年成為邵氏御用演員的吳卓羲,在三部中港合拍網劇《飛虎》系列都擔演重角,在熱播中的《飛虎之雷霆極戰》更艷福無邊,同蔡潔、余香凝都有感情線。
近年成為邵氏御用演員的吳卓羲,在三部中港合拍網劇《飛虎》系列都擔演重角,在熱播中的《飛虎之雷霆極戰》更艷福無邊,同蔡潔、余香凝都有感情線。

40歲吳卓羲半億樓贈母婚後要同住 身家暴漲全靠高人指點買樓催運

讀者留言