feat_1154_kalok

41歲黃家樂不介意女友曾離婚 越愛越高調聽晒女友話

拍拖三年,黃嘉樂同攝影師女友江惠賢(Samantha)感情愈嚟愈穩定,個人IG 不時晒恩愛,早前記者撞到兩口子恩愛行街睇戲,同一般情侶無異,其實只要同鍾意嘅人一齊,做乜都開心!

撰文、圖片:東方新地

黃嘉樂不介意女友曾離婚 明言賺多2年錢即結婚

逢過時過節慶祝生日同「鐵馬家族」老友聚會實帶埋Samantha出 席,女友結過婚又聲明絕不介意,近日仲愈愛愈高調,男方話明要拼搏事業賺多一、兩年錢後,就會迎娶女友過門。婚事只差一步,不過睇吓小兩口出街拍拖其實已經十足老夫老妻一樣有默契,都係爭嗰一紙婚書啫!

拍拖三年,黃嘉樂同攝影師女友江惠賢(Samantha)感情愈嚟愈穩定,個人IG 不時晒恩愛。
拍拖三年,黃嘉樂同攝影師女友江惠賢(Samantha)感情愈嚟愈穩定,個人IG 不時晒恩愛。
拍完劇集《鐵馬尋橋》結成鐵馬家族定期聚會,呢三年次次同鄭嘉穎伉儷、馬國明、唐詩詠仲有林子善等人團拜 或聚會,都會見到嘉樂帶埋Samantha一齊出席。

黃嘉樂拍拖多年話題不斷 識做男友聽晒女友話

男女朋友去拍拖,就算係黃嘉樂同Samantha,其實來來去去都係行街食飯睇 戲嗰啲指定動作。日前就見嘉樂同Samantha去咗IFC過日辰,去到商場先去食肆 醫肚,拍拖咁耐依然話題不斷,見嘉樂望住女友不停笑,睇到都戥佢開心!醫完 肚行去買戲飛,趁電影未開場,時間校得啱啱好,仲可以一齊去連鎖店買吓新衫 裝吓身。雖然係買衫畀自己,嘉樂樣樣都問女友意見,都未娶過門已經聽晒對方話。買完衫心滿意足,二人十指緊扣行去戲院,冤氣到呢!

拍拖三年仲認埋有結婚計劃,黃嘉樂呢日有假放又同女友 Samantha 孖公仔拍拖去咗 IFC 撐枱腳。
以往接受訪問經常將女友掛喺口唇邊,黃嘉樂全程飯局同女友有講有笑,sweet爆!
女友一聲令下,黃嘉樂即醒目埋單走人。
原本已買飛睇戲,但見仲有時間剩,二人手拖手行去連鎖店買衫。
睇啱款式,黃嘉樂都會徵詢女友意見。
極速掃完貨,黃嘉樂又拖實女友去睇戲,高調晒愛。

關鍵詞
黃嘉樂