OS894AP023-103-300×233

黃翠如 蕭宅侍寢




黃翠如、蕭正楠、曹永廉、黃智雯主演嘅無綫劇集《師奶Madam》熱播,話就話有幾位主要演員,但焦點梗係落喺因拍此劇而撻着嘅「翠蕭戀」身上,翠如BB有高層余詠珊撐腰,難怪可以攞正牌人前人後同男友打情罵俏。相比其他藝員拍拖要偷偷摸摸敢拍唔敢認,真係得個恨字囉!而喺《師奶》劇宣傳活動上,翠如BB被問到會唔會仿效周杰倫咁舉行童話式婚禮,佢話:「唔使啦!我哋拍劇時同居咗兩個月,連婚紗相都影過!唔使啦!」嗰陣就話劇情需要而同居,依家佢哋已係公開嘅一對,同居都唔係咩新奇事啫!上周本刊記者連日追蹤所見,翠如BB無論係得佢一個人,抑或同男友一齊收工,都好自然地返去蕭正楠位於荔景嘅寓所,直至第二日至捨得走,拍拖一年都依然要晚晚侍寢,可見仲係處於熱戀期!