ft pic

〈愛如潮水〉衰咗 胡杏兒旗袍黑絲再挑機

早前參加內地歌唱節目《跨界歌王》嘅胡杏兒,上兩集揀咗Adele首〈Someone like you〉同張惠妹隻〈姊妹〉,雖然被唔少人批評唱得冇感情、唔識用氣、唔及原唱咁好聽,但起碼過到評判嗰關,有得上大舞台表演,仲差少少有得晉級添!點知開心過後,杏兒上集唱張信哲首〈愛如潮水〉,竟然因為用力太猛導致囧樣重現兼走音,結果連舞台都冇得上,試唱60秒後直接被out!

其他文章︰

王喜 明仔風雨同路十四載

《一屋老友記》續放笑彈 Bobby扮鬼上身

由驚喜巨肺變返胡囧,跌落谷底嘅杏兒決定捲土重來!上集衰咗之後,杏兒接受訪問時話下集要再揀隻難度更高嘅歌,似乎信心爆棚!

新一集要星期六先有得睇,但已有新造型曝光!杏兒身穿棗紅色旗袍加黑絲,又唱又跳似係唱快歌,雖然未知今次會唔會再失手,但話晒係港姐出身,唔唱得都睇得先啦!

全文完