世界盃

世界盃開波啦!識睇梗係要睇靚女主持|回顧世盃女主持 邊個最掂?

2018世界盃將於本周四(6月14日)開鑼,今屆世界盃由Now同ViuTV播放,ViuTV更會安排19場免費直播,球迷喺睇波之餘,識睇梗係要睇埋靚女主持!

而為迎接世界盃,ViuTV推出節目《Good Night Show全民睇波派對》及《Good Night Show全民星戰 – 世界盃變「新」》,搵來杜汶澤孭飛做主持,暫時未知有咩靚女主持睇,不過多年來TVB同有線爭播世盃賽事,都有唔少索爆嘅主持小花,佢哋未必個個有專業球評水準,但學張國強話齋「有波、有分析」,真係有少少鍾意咗佢哋!

撰文:東方新地|圖片:新傳媒圖片庫