A

入行30週年演唱會 周慧敏胸降紅館

「玉女掌門人」周慧敏(Vivian)為慶祝入行30周年,喺紅館舉行4場《一萬天荒愛未老.周慧敏30週年演唱會》,並穿上有天使翼的華麗長裙登場,感謝歌迷入場支持,一起見証她入行30年,並再次唱起於7年前的個唱沒有唱到的<癡心換情深>。當然最令歌迷驚喜的,是Vivian和王馨平、湯寶如再度合體,一齊著上水手服造型,大唱經典〈美少女戰士〉!

撰文:東方新地

圖片:新傳媒圖片庫

周慧敏天使降臨

Vivian闊別紅館七年,一出場就以華麗的白色長裙配襯巨型天使翼,從空中花園中現身,猶如天使降臨人間。其後周慧敏換上性感宮庭裝亮相,並指是總監古巨基指定的造型,因這是她的經典造型和給歌迷的集體回憶。Vivian由經典的〈最愛〉、〈愛你多過愛他〉、〈歲月的童話〉、〈紅河村〉、〈痴心換情深〉、〈感情的分禮〉、〈可知我想他〉唱到近年的〈咖啡在等一個人〉等歌曲,令不同年代的歌迷都聽出耳油。

周慧敏
Vivian一出場就以天使降臨的造型震撼全場。

周慧敏
Vivian在演唱會上亦有著宮廷裝,但相對當年「波濤洶涌」的造型,今次就較為保守。
周慧敏
當年Vivian的宮廷裝造型曾迷倒萬千少男。
周慧敏
講到當年的宮廷裝,Vivian話有個小秘密:「當年有粉絲攞呢張相畀我簽名,我都會特登簽個好大個名喺個心口遮住,希望你哋唔好介意,係我個幾傻回憶!」

美少女戰士再合體

接著令人最驚喜的,莫過於請來王馨平、湯寶如任嘉賓,和周慧敏一起化身美少女戰士,在安歌部份重唱當年火紅的動畫主題曲,引來全場尖叫聲不絕!美魔女Vivian希望可以唱〈美少女戰士〉唱到60歲,王馨平更承諾話:「只要你哋夠膽聽,我哋就夠膽唱!」

王馨平 湯寶如 周慧敏
三位美魔女話希望可以唱〈美少女戰士〉唱到60歲!
王馨平 周慧敏
王馨平同Vivian一樣凍齡有術,小露纖腰勁吸睛。
湯寶如 周慧敏
湯寶如又谷事業線又晒髀,在三位「美魔女戰士」中最性感。
湯寶如 周慧敏 王馨平
〈美少女戰士〉一曲勾起粉絲青春回憶,全場歌迷都忍唔住跟三位美魔女合唱「你你你!快跪下!」

緋聞情侶話當年

而另一嘉賓則是黃凱芹,與Vivian一起獻唱情歌。黃凱芹曾經係Vivian緋聞男友,兩人不停話當年,黃凱芹笑指:「你媽成日對住我媽話我好樣、人品好,最緊要對老人家好,但冇辦法,你媽對我好都係廢嘅,可能你記仇,我第一日見你就鬧你!」周慧敏話:「係呀!由二樓鬧到三樓都聽到。」又指黃凱芹係佢嘅Role Model:「你做唱歌比我先,做DJ比我先,離開電台都比我先⋯⋯」黃凱芹插咀話:「我將來離開呢個世界都比你先,所以你學定嘢!」Vivian即笑言:「好呀,我幫你化妝!」認真百無禁忌。

周慧敏
Vivian同老友黃凱芹齊著白色禮服出場,十足舉行婚禮。
黃凱芹 周慧敏
Vivian與黃凱芹相識逾30年,Vivian竟然話冇黃凱芹手機號碼,仲問佢有冇Whatsapp?黃凱芹就反駁話:「我Whatsapp淨係加我屋企人,你又唔做我屋企人!」
黃凱芹 周慧敏
黃凱芹笑談同Vivian多年的緋聞,指兩人就好似韓劇入面的主角一樣:「永遠修唔成正果!」
周慧敏
黃凱芹仲展示當年離開香港時,Vivian送畀佢的一張YES咭,上面寫住「Have a wonderful life」。

自彈自唱

除了經典宮廷裝和美少女戰士造型外,Vivian仲分別著上性感的黑白天鵝裝,大演「天鵝湖」,仲自彈自唱〈時間〉,大展琴技。

周慧敏

Vivian以肉色打底服作假透視裝,先後扮演白天鵝和黑天鵝。

周慧敏
兩個造型同樣仙氣十足。
周慧敏
Vivian坐在近三、四米高的天鵝上唱出〈可知我想他〉。
周慧敏
身穿黑色Deep V晚裝的Vivian自彈自唱〈時間〉。

台上仲播出Vivian嘅成長照,真係由細靚到大!

周慧敏

演唱會上Vivian晒出不少舊照,和現在樣貌相差不遠。

周慧敏
有幾張齊蔭頭造型,充滿少女味。
周慧敏
更有Vivian的BB時期竹旳照片,眼仔碌碌,勁cute!