Clip_2afea

台灣校園片《我的少女時代》8大必睇位

Clip Clip_3

繼2011年《那些年》後,最近台灣又再捲起校園片《我的少女時代》熱潮,以九十年代做背景,故事講述林真心(宋芸樺飾)係一位平凡高中女生,喜歡同校男神歐陽非凡(李玉璽飾),卻發現對方同校花陶敏敏(簡廷芮飾)有曖昧,真心睇完一封連鎖信後認識喜歡敏敏嘅流氓學生徐太宇(王大陸飾),兩人組成「失戀陣線聯盟」,誓言拆散對金童玉女,但反而令彼此走得更近。重回那個傳呼機、電話及卡式帶年代,徐太宇向林真心告白後告別,當劉德華在台北舉行「2015真心愛你演唱會」卻出現童話式結局!

上映日期:10月15日

 

雖然又係呢啲明愛暗戀嘅青春校園愛情片,不過下頁開始嘅8大必睇位,肯定勾起大家唔少集體回憶!

 

明星相重現

Clip_7

Clip_6

當年四大天王紅遍亞洲,fans亦喜收藏四人明星相!而片中女主角林真心最愛劉德華,經常睇住華仔明星相發白日夢!更提到最愛睇周星馳經典作品《家有囍事》、《西遊記》系列,全部都係70後港人至愛!

 

玩滾軸溜冰

12ed8p11new

依家啲後生仔,未必經歷過滾軸溜冰(踩Roller)風行一時年代,可能對此活動感到陌生!當年年青人娛樂較少,行街睇戲食飯之外,最愛就去踩Roller,喺呢個聚腳地狂歡之餘亦能擴闊社交圈子,同依家流行喺fb add朋友完全兩回事!

 

貼紙紀念冊

12ed8p9

筆者記得以前畢業時,各同學仔都會於對方紀念冊上寫上真摯留言,更會貼上對方喜愛嘅偶像貼紙,有些更藉此向心儀已久嘅對象表白,不過通常都係失敗居多!

 

電話簿

12ed8p8

依家人人都用手機儲電話號碼,以前如果唔記得對方冧把,就要好似片中少女林真心,睇番本摺紙式電話簿,再用地線電話打俾徐大宇呢幕夠晒經典;另外,林真心期間以卡式機聽歌及卡式walkman重聽當年徐大宇嘅錄音,都係唔少港人回憶。

 

偷錫劉華

12ed8p1new

長大後的林真心由陳喬恩飾演,更在公園遇上小時候嘅偶像劉德華,興奮不已,而後來劉德華「要求」同陳喬恩合照時,陳喬恩扮偷吻華仔,fans肯定好葡萄!

 

感動重逢

12ed8p2

畢業後嘅林真心(陳喬恩飾),跟大家一樣生活未如人意,就算上網訂偶像劉華演唱會飛依然失敗。不過幸運之神仍眷顧她,因野生捕獲劉華而有機入場睇演唱會,就喺入場前跟曾向自己表白嘅徐太宇(言承旭飾)重逢,好touching!

 

扮華Dee

12ed8p12

原來女導演陳玉珊係劉華die hard粉絲,所以呢幕男主角徐太宇騎電單車向校花陶敏敏示愛,跟足華仔當年喺電影《天若有情》華Dee造型,落車除頭盔配以<天若有情>主題曲,雖然好型,但最後被校花以單車撞開。

 

叫劉華唱歌

Clip_8

林真心跟徐太宇因有共同目標而走在一起,兩人相處間慢慢產生好感。徐大宇對一直都係劉華死硬fans嘅林真心誇下海口,指着劉德華唱片的人形宣傳牌大叫「我叫他(劉德華)唱給你聽」。呢句話最後跟片尾劉華出現互相呼應。

 

 

如欲率先接收資訊,請讚好我們的FB專頁並於「已讚好」選單設定「搶先看」,多謝支持。