AA

吳若希為搵奶粉錢續約無綫 讚公司好有誠意:依家係爭⋯⋯

一直係無綫「親生女」的吳若希(Jinny),與無綫經理人及星夢唱片合約即將屆滿,吳若希直認將會續約,更大讚公司好有誠意,而她續約後頭一炮,便是加入重頭綜藝直播節目《開心大綜藝》做主持,實行歌、視、主持三棲發展!

文:東方新地|圖:吳若希IG圖片及吳若希YouTube、無綫影片截圖

吳若希:奶粉錢好緊要

吳若希在去年11月誕下細仔何少弘(Kylian),近來吳若希除了開始經營個人YouTube頻道外,也積極為產後復出作準備,據知早前無綫高層樂易玲及星夢高層何麗全均曾約見她傾談續約一事,吳若希亦直認將會續約無綫:「依家係爭簽名咋,當然我都希望人工高啲,係樂觀嘅!」本來失寵處於劣勢,點知曾志偉上場來一個極地反身。

吳若希為搵奶粉錢續約無綫 讚公司好有誠意:依家係爭⋯⋯
產後復出的吳若希回復一副戰鬥格。(攝影:uniqhoto)

吳若希又大讚公司好有誠意,給予她好多機會,她笑言:「我自己都好滿意,都係嗰句啦,返工一係為錢一係為開心!依家我個小朋友又咁細,奶粉錢真係好緊要嘅!」

吳若希為搵奶粉錢續約無綫 讚公司好有誠意:依家係爭⋯⋯
被問到是否要再度與菊梓喬爭做「星夢一姐」?吳若希表示:「唔得閒爭,我忙到黐咗線!」(攝影:uniqhoto)

續約無綫後,吳若希將夥拍森美、Bob(林盛斌)、阮兆祥、農夫(陸永、C君)、陸浩明、方力申、伍詠薇、江美儀、麥美恩、馮盈盈等,主持無綫的新重頭節目《開心大綜藝》,節目將於4月11日起逢星期日在晚上8時至9時30分現場直播。

吳若希為搵奶粉錢續約無綫 讚公司好有誠意:依家係爭⋯⋯
吳若希指日前出席公司的綜藝記者會,見到公司未來發展有好大革新。
吳若希為搵奶粉錢續約無綫 讚公司好有誠意:依家係爭⋯⋯
在記者會上,吳若希站在Bob和麥美恩中間,明顯備受無綫重用,而Bob的《你又估我唔到》拍檔張秀文都只係企在兩人後面。

吳若希2017年誕下女兒何姿秋(Giselle),同年與何兆鴻(Alex)結婚,去年11月又誕下囝囝何少弘(Kylian),早前她曾貼出細仔Kylian的正面照,樣貌被指與爸爸十足餅印一樣。

吳若希為搵奶粉錢續約無綫 讚公司好有誠意:依家係爭⋯⋯
約4個月大的囝囝Kylian個樣同爸爸餅印一樣。
吳若希為搵奶粉錢續約無綫 讚公司好有誠意:依家係爭⋯⋯
產後約4個月的吳若希,近日開始重返節目《姊妹淘》做主持。
吳若希為搵奶粉錢續約無綫 讚公司好有誠意:依家係爭⋯⋯
又積極跑步操Fit自己,及用「168斷食減肥法」減磅,為復出做準備!

重溫:吳若希開腔爭做一姐 最關心事業運 搵陳定幫師傅批十年運程

吳若希曾經在事業上要風得風,是唱片公司高層何哲圖的愛將,不過自從17年在她事業高峰時突然結婚生女,同年公司簽了菊梓喬,從此地位大易轉,眼見頒獎禮上一次又一次被菊梓喬揮低,今年更捧蛋收場,吳若希唔認命誓要鬥到底,更向玄學師傅陳定幫指點迷津,不停追問有冇得做一姐,對自己的事業相當著急﹗

吳若希 一姐 陳定幫
吳若希去年11月誕下二仔Kylian,激罕晒B真面目,更連1月的頒獎禮都缺席,外界以為她生仔無心戀戰,咁就大錯特錯,吳若希對一姐地位原來一直耿耿於懷,更開到聲想爭做一姐,想鬥贏菊梓喬的鬥心極大!

吳若希搵師傅急問事業運

吳若希在YouTube開設頻道自我宣傳谷人氣,第一條片已經玩虐夫來刺激點擊,更承諾每周三上新片,無得靠公司惟有靠自己。而第二條片吳若希搵來玄學大師陳定幫為自己開盤問前程,而已婚有一對子女的吳若希,最關心的是能否再做一姐,搞到見慣風浪的幫幫師傅都一度語塞。

吳若希 一姐 陳定幫
吳若希一聽到師傅指她今年可能會轉工,立即露出驚慌表情,師傅即話:「可能轉公…..司都唔定﹗」

吳若希聽到會轉工即時被嚇呆

吳若希請師傅為她批十年運,最關心是事業運,師傅批吳若希今年工作上會有轉變、可能會轉工,吳若希一聽到「轉工」表現驚訝,陳定幫師傅即答:「或者係轉公….司﹗咁依家喺YouYube拍片都係一種新嘅轉變,呢個新轉變反應幾好,仲要幾爆㖭﹗」吳若希聽到立即有番笑容。

吳若希 一姐 陳定幫
吳若希喊咁口話爭「一姐」呢件都被談論多年。
吳若希 一姐 陳定幫
吳若希一臉慘情追問師傅自己「有冇機會做一姐」?

吳若希恨做一姐

吳若希接著一臉苦腦問:「其實我想問呢….講咗咁多年,(托頭兼哭腔)我有冇機會做一姐?」師傅即臉有難色吞吞吐吐:「一姐呢家嘢呢就……er….er….」吳若希大叫:「喂呀﹗點解你咁嘅反應嘅?」師傅就話:「一姐呢就睇你同咩比,咁你喺屋企都係一姐嚟﹗」

吳若希 一姐 陳定幫
被吳若希追問能否做一姐,師傅竟然口窒窒不停er……er…..好似hang機一樣。然後話吳若希喺屋企係一姐圖逃過被追問。

不停追問能否當一姐

吳若希淒慘追問:「跟住呢?即係咪我做唔到一姐?」陳定幫即答:「我甚少睇新聞嘅﹗」吳若希咄咄迫人追問:「係咪做唔到一姐呀?」被吳若希多番盤問,陳定幫就答:「咁….唔係﹗即係可以話呢,你可以做一姐,但係唔刻意去爭,你會舒服啲。但如果你刻意去爭就會造成反效果﹗」吳若希聽到有機做一姐,才鬆一口氣話:「太好喇,好彩我嘅心態都冇爭過啫。咁我之後嘅事業都係穩步直上嘅係咪?」陳定幫師傅點頭:「無錯,今年同出年對你嚟講都幾重要嘅一年, 有啲位你會慢慢開竅嘅﹗」未知師傅所指開竅是否指吳若希對一姐的執著。

吳若希 一姐 陳定幫
師傅被吳若希連番追問有冇機做一姐,顯得相當為難:「一姐呢家嘢就…….。」吳若希個樣勁灰。
吳若希 一姐 陳定幫
吳若希死心不息,不停問個究竟,對一姐地位相當肉緊。

陳定幫師傅又指吳若希的子女宮幾旺,指她可以生夠三個以上都得,吳若希嚇到碌大雙眼話自己係豬乸命,又話自己生到驚「依家生咗兩個已經好驚﹗」

吳若希 一姐 陳定幫
師傅指吳若希生子女後都唔會影響生活質素,叫佢放心生。

吳若希聽到師傅話自己好生得,生三個以上都冇問題,佢立即問師傅:「我老公今年會唔會做結紮手術?」仲搞笑話:「我塞少少錢畀你,你幫我同老公講佢今年適宜做一個手術﹗」師傅搞笑答好﹗

吳若希 一姐 陳定幫
吳若希搞笑問師傅老公今年會唔會做結紮手術,師傅笑住答:「咁要開佢個盤先得喎﹗」

之後吳若希問同老公的愛情運如何,師傅直指:「你會好睇佢唔順眼囉,其實就冇乜嘢,佢會就晒你嘅﹗今年你會有啲嘢好火嘅,會指住佢嚟鬧﹗(咁我老公會唔會有第二個女人?)唔會﹗」吳若希再問師傅自己會唔會有第二個男人,師傅一臉為難反問:「你想我點答先?」吳若希話唔覺得自己有桃花,成日喺街見到小鮮肉但都唔覺有桃花撲埋嚟,師傅即刻話:「咪玩啦,你點會冇呀﹗」然後再話做藝人需要有桃花,並指吳若希不但旺桃花,而且有貴人星,相當適合在娛樂圈發展﹗

吳若希 一姐 陳定幫
師傅指吳若希會睇老公Alex唔順眼,不過唔緊要因為老公會百般遷就佢,所以不成問題,吳若希又問老公會唔會有第二個女人,師傅快答冇,攞晒彩的吳若希笑言:「不過我都仲係睇佢唔順眼囉﹗」
吳若希 一姐 陳定幫
正努力減肥的吳若希,一聽到師傅批她呢十年都容易肥,嚇到碌大雙眼。

師傅健康送一個肥字

吳若希聽到自己有利在娛樂圈發展,便追問呢十年是否可不勞而穫?師傅就話:「你都有少少呢啲命,不過頭嗰五年未得住,係比較舒適,之後會愈來愈懶、鍾意吃喝玩樂,同埋將啲心機放喺家庭度﹗」吳若希問到健康運,師傅答佢一句字「肥」仲話:「呢十年都係容易肥﹗」聽到後即唉聲嘆氣,突然叮一聲對住鏡頭話:「各位美容界嘅同業,如果有乜需要,或者想搵減肥代言人,可以搵我吳若希㗎﹗」把握機會𢱑撈﹗

吳若希當場為自己宣傳指歡迎做減肥代言人。
吳若希當場為自己宣傳指歡迎被邀做減肥代言人。
吳若希 一姐 陳定幫
吳若希努力拍片自谷人氣。

讀者留言