姜大衛

姜大衛22歲仔姜卓文入行 全家錫到燶

入行五十多年的姜大衛,在劇集《逆緣》演黎耀祥阿爸、陳家樂個仔,做「廢老」角色入木三分,劇中老來得子,原來同現實一樣,當年孻仔卓文亦在John哥(姜大衛)49歲高齡時出世,同大家姐依蘭年齡相差21年;現年22歲的姜卓文,已經長得高過爸爸,更生得青靚白淨,還有一對單眼皮眼睛,成個韓仔Look外形煞食,出身於演藝世家的卓文,表演慾極強,早前秘密去Casting,娛圈好快又多個星二代。

撰文:東方新地|圖片:新傳媒圖片庫

姜大衛囝囝 有興趣演戲

近日在新劇《逆緣》演蠱惑的士司機,為人孤寒兼對兒子非常刻薄的「廢老」角色,70歲姜大衛演出贏得一致好評。不過,現實生活姜大衛卻是個好爸爸,對兩女一子非常愛錫,曾經有指John哥(姜大衛)曾助大女姜依蘭老公曹永廉在TVB發展,近日John哥再栽培22歲細仔姜卓文,為仔女仆心仆命。

姜大衛
李琳琳在96年以48歲高齡生孻仔姜卓文,明顯是家中寶貝的卓文,就好鍾意嗲媽媽。
姜大衛
姜卓文相當乖仔,唔會只掛住玩唔黐家,反而經常會抽時間陪父母。

據知情者透露,John哥細仔卓文原來對演戲唱歌都有興趣,更視爸爸為學習對象。「卓文細細個已經對做戲好有興趣,成日問爸爸做戲啲嘢,John哥都好鍾意同個仔分享自己經驗,佢畀好大自由度個仔,但就講明要佢讀完大學先諗去向,而卓文都好乖仔,好畀心機讀書,今年就大學畢業。」

姜大衛
15年農曆年,姜大衛一家人新春團拜,當時20歲的卓文(最後排左一)已經高過爸爸。
姜大衛
同老竇姜大衛冇年齡代溝,兩父子經常孖住出動。

孻仔孻心肝,加上老來得子,老婆李琳琳95年以48歲高齡誕下孻仔姜卓文,同大女依蘭年齡足足相差21年,二女依文亦相差9年。據知情者透露:「因為年齡相差咁遠,家姐依蘭好錫細佬,嗰時爹哋媽咪好忙,依蘭就幫手湊細佬,所以卓文好尊重呢個家姐,亦同姐夫曹永廉好friend ,佢成日都同兩個姪仔姪女玩,掉番轉睇住家姐兩個仔女大。」

姜大衛
表演慾強的姜卓文,本身亦自信爆棚,去到邊都愛自拍,在健身室抑或廁所一樣照影。

姜大衛

青靚白淨

眨吓眼卓文已經22歲,長得高過爸爸,而且生得青靚白淨,似足韓仔feel。據知情者透露:「卓文真係遺傳咗父母優良DNA,生得高大仲青靚白淨,成個韓仔咁款,同爸爸以前個大俠Look好唔同,但反而好啱呢個年代發展,呢啲外形好煞食。」

姜大衛
白淨大隻之外,仲有韓仔最煞食嘅單眼皮。

今年大學畢業的姜卓文,早前秘密去試鏡,John哥接受訪問時曾透露:「個仔想做明星,我哋唔會阻止,佢之前去咗試鏡,未知結果,要我帶佢入行好易,但我想佢靠自己。」

姜大衛
都話身教最重要,能夠教到個個仔女都咁孝順,姜大衛本身亦是廿四孝女婿,日前John哥就陪老婆約岳母到又一城吃越南菜。
姜大衛
出名錫老婆的姜大衛,日前專登陪老婆同岳母及老婆家人飯敍,吃飯期間更好好傾。

據知情者透露:「雖然個仔讀設計,但John哥冇話限住個仔一定要喺設計方面發展,佢知道個仔鍾意演戲,都好支持佢,畀好多鼓勵佢之外,話晒John哥喺圈中人脈廣,70年佢已經喺亞太展攞『最佳男主角』,話就話唔鋪路幫個仔入行,John哥阿哥秦沛、細佬爾冬陞都係同行,到時如果個仔開聲,John哥點會唔出手?佢又提醒個仔,如果決定入行,就畀心機努力做,唔好抱住玩玩吓心態。」

姜大衛
在商場上落扶手電梯,李琳琳全程緊張扶實媽媽手臂。

其實唔止姜大衛兒子,喺娛樂圈一班明星名模第二代經常有機會暴露在鎂光燈下,一舉一動都備受關注,更重要係遺傳到父母的優良基因,極有星味!如果眾星二代跟隨父母腳步踏入娛樂圈,屆時眾男神女神就肯定有一番龍爭虎鬥!唔講咁多,大家慢慢欣賞!

基因強大 贏在起跑線!最索星二代逐個捉

關禮傑女兒 關楓馨

藝人關禮傑大女關楓馨(Fabienne)智慧與美貌並重,被問到會否參加選美,爸爸關禮傑就指要視乎女兒的意願,不過最好先完成學業。Fabienne又靚又叻,又有一個錫佢的男朋友,爸爸唔使擔心啦!

Fabienne與男友Kris Wood是大學同學,男友已經融入家中,而Fabienne亦不時與男友遊歷世界。

陽光女孩Fabienne經常遊山玩水,大晒泳照。

任達華琦琦囡囡 有43吋長腿

話說任達華同琦琦個獨女任晴佳。13歲女身高已經超過5呎7吋,眼大鼻高、樣子甜美,隨意一身白T、熱褲平底鞋,又pure又true。五官完全集合父母優良DNA,不過一對又直又長的43吋長腿,更加搶晒鏡!

任達華囡囡
第一次做品牌model的任晴佳日前同埋媽咪去首飾店揀母親節禮物,13歲女生得牛高馬大,內裡仲係乖巧小女孩,坐在琦琦大腿撒嬌。

任達華囡囡

任達華囡囡
任晴佳專心揀首飾送畀媽媽,旁觀者就專心研究小美人對43吋又長又直嘅長腿,都係嗰句,這些機會⋯⋯

任達華囡囡

年紀細寧推job

今次就話係客串玩票性質做一次暑期工model,其實天生咁嘅條件又有影帝爸爸同超模媽媽教路,唔行天橋唔做幕前,真係好浪費,華哥講到明代女推咗唔少job,當中仲包括有真人騷㖭,中港台都𥄫住呢位長腿星二代,雖然親手推咗唔少錢走,不過華哥話一啲都唔會手軟,全因為囡囡仲細,暫時唔考慮住咁話呀!大家死咗條心等多幾年先啦!

任達華囡囡
九頭身標準身材外,晴佳五官亦標青又甜美,笑起上嚟見到棚箍牙,依然咁省鏡。

任達華囡囡

李嘉慧大女Valerie 高人一等

份屬琦琦同行、九十年代又係香港超模的李嘉慧婚後一生就係三個女,大女Valerie又係深得媽媽真傳,12歲已經腳長長高人一等,五官亦生得甜美。

星二代任達華囡囡

甄子丹大女Jasmine 間尺腳

唔係只得名模至基因強勁,宇宙最強甄子丹同太太汪詩詩個14歲大女Jasmine都生得高䠷,還有一對筆直長腿。

星二代星二代

星二代

陳奕迅女康堤高過媽咪

不得不提,陳奕迅同徐濠縈愛女陳康堤13歲女已經高過媽咪,氣質出眾還有時裝觸覺,絕對又係遺傳基因作崇。康堤著住同款風乾濕褸,好似孖妹,身形比例比阿媽更優勝。

星二代

星二代

星二代

仙氣林愷鈴 美腿吸睛

近年一眾明星的後裔備受關注,其中龔慈恩女兒林愷鈴 (Ashley) 今年只係18歲,身高1.73米,五官標緻身材均勻更有一對修長美腿,影相拍照有台型更有仙氣!

龔慈恩女兒

龔慈恩女兒

龔慈恩女兒

林愷鈴仙氣靚相吸人氣

得媽媽指點後識打扮識影相,更對自己外型愈來愈有信心,Ashley社交網終有大量高質仙氣靚相,比起當年在電視圈以氣質取勝的龔慈恩餅印得嚟更加青出於藍。

龔慈恩

龔慈恩

龔慈恩女兒

龔慈恩女兒

許紹雄囡囡 小性感

藝人許紹雄的女兒許惠菁(Charmaine)今年5月係佢21歲生日,不嬲愛錫女兒的許紹雄就當然同個女大搞生日派對,慶祝一番啦!當日派對上,除了有許紹雄一家人,佢哋兩公婆更邀請到圈中好友韓馬利、羅樂林及陳志健等人出席。而Charmaine當日就著上一條黑色低胸誘視裙,盡顯性感之餘,唔通想表達自己唔再係細路女?

剛剛踏入21歲嘅Charmaine,同爸爸媽媽溫馨合照,老竇許紹雄亦有留言祝賀愛女:「我女兒Charmaine,祝你生日快樂、身體健康!」

上山詩鈉女兒 Hilary

藝人上山詩鈉雖已年過半百,不過樣貌身材都保養得甚好,係圈中有名的「美魔女」。女兒Hilary完全遺傳到媽媽的美貌,小時候已經係十足的美人胚子,現時長大後更是散發陣陣仙氣,係公認的「至索星二代」!Hilary與媽媽感情要好,不時孖住出席公開場合,唔少人大讚佢哋似姊妹!

Hilary現時在外國讀書,在社交網絡非常活躍,經常上載自己靚樣,仲有同朋友四處玩樂的相片。

而且Hilary都好大方晒fit爆身材及健康膚色,真係冇得輸!

梁家輝大女 Nikkie

影帝梁家輝大女Nikkie有一雙水汪汪的大眼睛,笑容甜美,而且擁有魔鬼身材,IG已有兩萬幾followers!Nikkie長年在外國讀書,習慣了外國人較開放的風氣,早年曾上載性感露半球、夜店狂歡及攬啜友人等相片,不過事後極速刪除,相信係因為激嬲咗嚴父家輝!

Leungs (2)

Nikkie非常愛自拍,IG有大量自拍靚相,亦當然唔少得晒身材啦!

Nikkie早已名花有主,佢經常在網上大晒自己同鬼仔男友的合照。

梁家輝細女 Chloe

家姐Nikkie樣貌身材出眾,妹妹Chloe亦唔失禮,同樣擁有甜美笑容及fit爆身材,不過小編就覺得Chloe感覺上比家姐斯文內儉,比較有乖乖女feel!

chloe

早前,Chloe孖住家姐Nikkie一齊去睇學友嘅的演唱會以及曹星如的拳賽,兩姊妹都咁正,一齊出街肯定即時成為焦點!

邱淑貞大女 沈月

邱淑貞(豆斗)作為九十年代的性感女神,係唔少男士心目中完美的化身,不過佢自1999年嫁俾時裝公司I.T.老闆沈嘉偉後就淡出幕前。豆斗結婚後替老公誕下三個女兒沈月、沈日及沈晨,其中長女沈月生得亭亭玉立、氣質出眾,皮膚及標緻面孔都甚母親的影子!雖然沈月平日多以淡妝或素顏示人,不過都足以睇到佢係個美人,相信過多幾年後能與母親匹敵!

隨著沈月年紀漸長,除咗愈來愈靚之外,條腿都愈來愈長!

苗僑偉女兒 苗彤

「三哥」苗僑偉與太太戚美珍兩人都是獨當一面的藝人,女兒苗彤便盡得兩人優良基因,五官精緻之餘,笑容相當迷人,唔少人都覺得佢有潛力加入娛樂圈!早年苗彤在著名學府英屬哥倫比亞大學 (UBC)畢業,三哥夫婦專誠飛到加拿大參加其畢業禮,幸福得羨煞旁人。苗彤讀書叻又靚女,贏晒!

苗 (2)

苗彤不時都會在網上大晒惹火身材!

樣靚身材正的苗彤曾獲無線邀請參選港姐,但因無意在幕前發展而婉拒其好意。雖然沒有參選港姐,但卻擔任港姐的攝影師。從佢在網上分享的作品可見,她絕對是一個專業的攝影師。

王麗嘉愛晒奶

今年廿三歲嘅王麗嘉(Irisa)被外界稱為「王家最強基因」,無他嘅,皆因Irisa得父母優良DNA,擁有5尺11寸身高及標緻五官,而最令人留意嘅就緊係連老竇王敏德都多次投訴呀女太性感,經常晒嘅34D豐滿上圍啦!不過,鬼妹仔性格嘅Irisa就一於無理老竇,繼續多次晒奶!

View this post on Instagram

a century ago, 100 lashes was a bad thing🤔

A post shared by ISW (@irisashannon) on

近日,Irisa接受傳媒訪問,佢指自己15歲就去咗美國讀書,讀廣告畢業,因自覺自己唔適合坐喺office,仲話人愈大就愈鐘意面對鏡頭,所以大學返港後嘗試學媽咪做模特兒及時下流行嘅KOL工作。

View this post on Instagram

mom says i look like a giraffe🦒 , not mad about it tho

A post shared by ISW (@irisashannon) on

對於獲外界指自己擁「王家最強基因」,Irisa就謙虛笑指其實得個樣似爹地,其他嘢就係一個mix,又話覺得爹地幾靚仔又夠幽默,而媽咪就會寵仔女多啲。

Irisa無論係驕人嘅上圍定9頭身比例超長腿,都令唔少人非常羨慕!不過,佢就表示唔覺自己平日好性感,而且對於外界對佢衣著或身材嘅評價,佢就覺得冇咩所謂,最緊要自己鐘意同舒服就夠!

View this post on Instagram

🚁tail me something i don’t know

A post shared by ISW (@irisashannon) on

王麗嘉斥香港人太保守

Irisa有咁火辣嘅身材,佢就指香港太保守,雖然自己一早就慣咗被街外人「掃」望,坦言因自己都幾高,但啲男人由佢胸口位勁近咁望,好似成世人未見過人有胸咁!

佢仲話如果香港係個太保守嘅社會,啲人應該唔好望!大概,Irisa係想大家唔好經常將注意力放咗落佢噴血嘅上圍上!

View this post on Instagram

seaduction💦

A post shared by ISW (@irisashannon) on

王麗嘉想做「縮胸」手術

事實上,原來Irisa有諗過做「縮胸」手術,因認為有時著衫會唔靚,又寒背咁,但佢就指會等日後科技好啲先去做,因為唔想留條疤痕喺身上!咁大家第日咪冇嘢睇?

View this post on Instagram

back in HK but phuket, gonna post more pics

A post shared by ISW (@irisashannon) on

經常漏奶嘅Irisa更指自己因上圍大過一般人,所以想設計泳衣俾啲身材比例唔似普通人嘅人著,就好似佢咁。原來Irisa係搵唔啱適合自己嘅泳衣,先會不經意咁露出半球,咁大家就體諒一下啦!