ft pic

小儀冇行了 余文樂攬周冬雨示威

日前驚傳小儀同余文樂公開戀情,事隔不足半日,余文樂即親自否認,並寸爆話如果18年都未有女朋友,先肯同小儀「在一起」,擺明嫌棄呢段長短腳之戀!品味無端端降呢,樂仔梗係心急「洗底」啦!日前樂仔上載了緋聞女友周冬雨親密合照,相中樂仔攬到對方實一實,擺明叫小儀死心!

其他文章:

唔驚伍允龍呷醋? 劉佩玥晒陳展鵬露點合照

蘋果做餌 周汶錡囝囝萌爆學爬

早前網上瘋傳一篇「傳余文樂、小儀公開戀情,承認相戀」文章,指34歲的樂仔與45歲的小儀相戀,消息一出震驚全城,嚇到樂仔一改以往低調作風,急急否認!反而小儀得知緋聞後開心到爆,公開在電台節目《早霸王》向樂仔求愛:「我哋一齊啦!」

小儀擺明唔係樂仔杯茶,為免呢段無厘頭緋聞繼續瘋傳,樂仔日前突然po咗同緋聞女友周冬雨嘅合照!兩人攬到實一實,感覺同之前拍真人騷《我們相愛吧》一樣甜蜜!有網友更大嗌兩人正式拍拖,粉絲顯然對「樂雨戀」相當受落。

其實樂仔近年工作不斷,戲接戲極之搶手,而且又靚仔孝順顧家,絕對係男神級數!咁好嘅筍盤,幾時輪到小儀先?

全文完