佘詩曼

【延禧攻略】嫻皇后爆高峰 佘詩曼半年生金半億

一部《延禧攻略》,令唔少人煲劇煲到變熊貓,更帶挈劇中演員由主角到配角全部爆紅,當中唯一香港演員佘詩曼,更被讚連手指都識做戲,神級演技搶盡一班後宮妃嬪風頭,氣勢凌駕主角吳謹言,明知觀眾睇《延禧》未夠喉,近日就有超過十部內地劇集及電影爭搶嫻妃演出,當中更有六部是宮廷劇,雖然之前盛傳阿佘拍《延禧》只收二百萬,但爆紅嫻妃身價已十級跳,據悉現時阿佘劇價已高達二千萬人仔一輯,就連人氣綜藝節目亦搶住要皇后娘娘駕到,呢期最紅嘅嫻皇后,半年已生金半億。

撰文:東方新地|圖片:新傳媒圖片、微博、Instagram

佘詩曼 六部宮廷劇吼實

相隔十三年再演清裝劇《延禧攻略》,雖然唔係主角,不過佘詩曼就憑超班演技贏盡民心,一夜間嫻妃紅遍中港兩地,工作不斷撲埋身,唔止內地劇集爭搶阿佘演出想延續嫻妃氣勢,就連人氣綜藝節目、真人騷都一樣要叨娘娘風頭。兩年前阿佘成立工作室,今年再簽約古天樂旗下,後台強勁,近半個月阿佘帶同自己御用工作團隊,由西安拍到去長沙,為亮相六大內地電視台的中秋晚會錄影,直至日前終於返到香港,聯同劇中令妃吳𧫴言為《延禧攻略》宣傳。據知情者透露:「嫻妃娘娘嘅氣勢真係好勁,呢一個月就有成幾十個Job撲埋嚟搵阿佘做,只要喺活動露吓面酬勞已經過百萬,就連真人騷都傾緊佢!」

佘詩曼
佘詩曼是《延禧攻略》唯一香港演員,演出更贏盡口碑,將外表溫柔內裡狠毒的嫻妃演得淋漓盡致,令觀眾睇到心寒!

延禧攻略

繼無綫劇《金枝慾孽》後再演奸妃,阿佘將劇中由忠變奸的嫻妃娘娘演得淋漓盡致,近一個月已經有超過十部內地電視 劇及電影吼實阿佘神級演出,當中更有六部是宮廷劇,之前有傳阿佘拍《延禧攻略》只收二百萬酬勞,但大熱嫻妃身價十級跳,據悉現時阿佘劇價已接近二千萬一部,據知情者透露:「阿佘喺呢行成廿年,真係乜嘢大場面都見過晒,雖然依家啲價畀到好癲,但佢明白錢搵唔晒,依家佢唔會乜嘢都接,特別係拍劇,佢好謹慎揀劇本,就算依家有成六部宮廷劇搵佢,佢反而想演一啲未做過嘅戲路,因為一拍劇佢就瞓晒身,所以佢都唔心急,想放鬆吓先!其實以前拍《宮心計》同《公主嫁到》,佢就因為日日戴住好重嘅頭飾,搞到頸椎出問題,條頸唔舒服咗好耐,所以佢再接《延禧攻略》,佢考慮咗好耐,最後都係因為劇本太吸引先打動到佢!」今時今日話晒佘詩曼身家以億計,當然唔係單憑錢可以打動佢!

佘詩曼
隨住嫻妃爆紅,近月阿佘已經接超過20項工作,曝光率驚人,相信仲有排紅。
佘詩曼
連月來,阿佘密走內地工作,早前被內地市民捕獲帶住口罩乘高鐵去漢中。

連環上內地綜藝

單係今個中秋節,阿佘就亮相了湖南衛視、北京衛視、東方衛視、陝西衛視、鳳凰衛視、央視的中秋晚會,成為人氣皇后。

佘詩曼
央三中秋晚會《遇見》
佘詩曼
湖南衛視中秋晚會
佘詩曼
東方衛視、北京衛視、陝西衛視、鳳凰衛視聯合播放 《寒風秋云》中秋晚會

內地收視破百億的《延禧攻略》,氣勢一時無兩,八月中,一眾演員就挾《延》劇聲勢率先上內地人氣綜藝節目《快樂大本營》。阿佘與富察皇后秦嵐並排而坐,更在節目內開金口演唱《下一站天后》。

佘詩曼
《快樂大本營》

皇后駕到

嫻妃娘娘紅遍中港兩地,內地綜藝節目爭搶嫻妃亮相,近半個月,阿佘就帶住自己御用工作團隊,由西安拍到去長沙,為三個內地中秋晚會錄影。

佘詩曼

賺到笑

《延禧攻略》帶挈佘詩曼人氣急升,瞬間紅遍中港的她,工作排山倒海,保守估計半年已吸金超過半億。

佘詩曼

佘詩曼
湖南衛視中秋晚會
佘詩曼
口服美容液
佘詩曼
健康飲品
佘詩曼
時裝品牌活動

Charmaine Sheh 佘詩曼(@charmaine_sheh)分享的貼文 張貼

佘詩曼
化妝護膚廣告

Charmaine Sheh 佘詩曼(@charmaine_sheh)分享的貼文 張貼

Charmaine Sheh 佘詩曼(@charmaine_sheh)分享的貼文 張貼

Charmaine Sheh 佘詩曼(@charmaine_sheh)分享的貼文 張貼