張敏

半百張敏處女長期內地發展 直播帶貨貪靚用濾鏡出事

最新娛聞

廣告

一代女神張敏淡出幕前多時,近年主力在內地參與慈善活動,不時傳出張敏復出消息不過得個傳字,年屆 53歲的張敏卻緊貼內地直播帶貨潮流,日前處女直播帶貨。不過向來被指保養得宜的張敏,卻因用了美顏濾鏡,令出鏡時雙眼離奇變大而下巴尖到似冰插,網民紛紛大叫認唔出是「綺夢」。

文:東方新地| 圖:張敏微博、微博網上截圖

長期眼鏡示人 直播帶貨網民認唔出

張敏今次孖住內地網紅一起直播帶貨,由到步一刻已在鏡頭之下,張敏下巴尖到呈直角。
張敏今次孖住內地網紅一起直播帶貨,由到步一刻已在鏡頭之下,張敏下巴尖到呈直角。
張敏的側面好似月亮一樣,難怪不被網民認出。
張敏的側面好似月亮一樣,難怪不被網民認出。

張敏直播一小時袋一球人仔

張敏早前跟內地綜藝節目《我就是演員》總導演吳彤相聚,導演在微博晒合照,即傳出張敏復出的消息,不過傳足兩個月未有任何動靜。紛絲們一心以為張敏亮相綜藝節目落空,不過張敏用另一個方式「復出」。日前張敏和內地網紅許華升齊齊玩直播帶貨,52歲的張敏一身黑長外套長皮褲束馬尾,甚有台型,由抵達一刻開始直播,張敏不時對鏡微笑,不過卻誤用變靚濾鏡出事,張敏膚色不但白到反晒光,雙眼變尖又長,臉尖更呈三角型,加上一口烈艷紅唇,有點嚇人,不少網民都認唔出這位就是「綺夢」張敏,更直指張敏老到唔認得。
向來被讚凍齡,廿年如一日的張敏,今次真係老貓燒鬚﹗不過有傳今次張敏直播一小時已可獲近一百萬人仔,咁好搵被人點彈點踩都冇所謂啦﹗

張敏首次開直播帶帶,對住網民留言感到相當有興趣,唔知有冇睇到網民話佢同後面海報差太遠呢?
張敏首次開直播帶帶,對住網民留言感到相當有興趣,唔知有冇睇到網民話佢同後面海報差太遠呢?
張敏唔止變外星人,更現老態。
張敏唔止變外星人,更現老態。
張敏雙眼變長而尖,下巴更尖到插得死人,加埋對兜風耳,變了外星人一樣。
張敏雙眼變長而尖,下巴更尖到插得死人,加埋對兜風耳,變了外星人一樣。
網民都話唔認得呢個係張敏。
網民都話唔認得呢個係張敏。
網民紛紛留言話認唔出係張敏,又直指她變老了。
網民紛紛留言話認唔出係張敏,又直指她變老了。
有網民見到張敏孖網紅開直播,都覺得甚為出奇。
有網民見到張敏孖網紅開直播,都覺得甚為出奇。
早前張敏貼出近照,keep得好好,不過直播帶貨卻變外星人,比蛇精更嚇人。
早前張敏貼出近照,keep得好好,不過直播帶貨卻變外星人,比蛇精更嚇人。
張敏近年不時孖莫少聰等人到內地山區行善。
張敏近年不時孖莫少聰等人到內地山區行善。