111111111111

張景淳繼KC後離《家》出走 明斷「龔水」線

喺處境劇《愛.回家之開心速遞》飾演「舅父」KC嘅歐瑞偉,早前忽然宣布即將離《家》,令網民都好擔心佢同Terry呢對《愛.回家》嘅「最強CP」將會冇好結果,仲有人話要罷睇㖭!估唔到冇幾耐輪到飾演「龔燁」的張景淳同樣因有新工作安排而暫時離《家》,網友話斷咗佢同「熊若水」呂慧儀呢條線「龔水」線,好唔捨得⋯

撰文:東方新地|圖片:張景淳IG

張景淳離《家》出走 斷「龔水」線

前晚《愛》劇講飾演「龔燁」因為幫「熊若水」食死貓,最後要辭職離開香港去新加坡,作為佢「消失」嘅原因。網友紛紛喺IG留言,話好唔捨得佢走,又話好鍾意佢同「熊若水」呂慧儀呢條感情線,希望佢快啲返嚟,仲有網友大玩「龔燁」個諧音話要發起「工業行動」要令佢返家呀!

張景淳
張景淳同呂慧儀合作無間!
張景淳
張景淳離家,網民希望佢快啲返家⋯

其實張景淳之所以被消失,係因為公司安排咗其他新工作畀佢,所以才會以此方式離開。張景淳又話雖然只係加入《愛》短短四個月,但團隊氣氛好,而且同拍檔呂慧儀的合作都係好有默契,對於能否再加入《愛》都係隨緣!

張景淳
張景淳因為感謝編劇同監製,畀佢先後演家明同龔燁呢兩個角色,令多人認識佢。

張景淳

講到大批網友要景淳快回家,問到景淳咁幾時回家呀?他說:「我見佢哋集氣又喺討論區開Post講,真係好緊張,自己好感恩好開心,其實我自己心情都佢哋一樣,『龔水』呢條線有冇得繼續就要睇緣分,大家要繼續睇落去。」

張景淳
景淳早年在劇集《天與地》飾演「家明」一角而令人熟悉,之佢加入《愛·回家之開心速遞》演「龔燁」一角人氣急升!

張景淳

張景淳

歐瑞偉:只係離開個幾月

除了張景淳,早前歐瑞偉都宣布離開《愛.回家》!喺呢套劇中佢因為同「Terry」李偉健嘅曖昧HeHe情而大受歡迎,歐瑞偉出席一個活動時喺台上預告將會離開《愛》劇組,仲話:「喺呢個月底會有三集都係講我,係一個幾特別嘅經歷,好開心,但係都好傷感,不過傷感得嚟,又好好笑喎,真係好多謝劇組,可以令到呢套劇咁多人鍾意!」呢段說話一出,即有網民問「Terry點算?」甚至話要罷睇《愛.回家》,不過歐瑞偉就話佢只係返內地拍《包青天》:「大約會拍個幾月,拍完之後就會投入番《愛.回家》嘅劇組。」仲叫大家千祈唔好罷睇㖭!

歐瑞偉
歐瑞偉日前喺活動上宣布即將離開劇組嘅消息。
歐瑞偉
KC歐瑞偉同Terry喺《愛.回家》入面易服加SM一幕,令觀眾印象深刻。
歐瑞偉
歐瑞偉同Terry一段疑幻疑真嘅HeHe情勁受網民關注。
歐瑞偉
其實除咗HeHe情外,歐瑞偉同姚瑩瑩喺《愛.回家》中亦有一段曖昧關係。
歐瑞偉
大小姐林淑敏上載同送水輝嘅婚紗照,似乎兩人嘅感情終於可以開花結果,對於歐瑞偉嘅離開,佢話:「舅父只係去拍戲啫,之後會返嚟嘅!」

網民最喜愛的《愛.回家》HeHe情侶

拍得住當年《真情》集數嘅《愛.回家》 系列,現在依然《開心速遞》中,是香港人食飯時嘅最佳配菜,已經播到第三輯嘅《愛.回家》 出咗唔少對讓觀眾津津樂道嘅熒幕情侶,每一對情侶嘅愛情故事都刻骨銘心,有歡樂有悲傷。Terry(李偉健飾) 同KC (歐瑞偉飾)呢對活寶每次出場都笑料百出,佢哋兩人嘅關係錯綜複雜,既係兩師徒又係好拍檔,仲上演過男男SM戲碼,趣味性十足,亦看得出兩人嘅感情十分好!

歐瑞偉
雖然劇中KC歐瑞偉係Terry嘅舅父,但佢哋二人嘅互動經常讓觀眾疑惑真係舅甥咁簡單?
歐瑞偉
2016年KC歐瑞偉和Terry曾獲提名「最受歡迎劇集搭檔」。
歐瑞偉
更有網民指「好想可以日日睇KC (歐瑞偉) 教Terry溝女!」

關鍵詞
張景淳