忽那汐里

《死侍2》可愛美女忽那汐里 演Yukio大受歡迎

《死侍2》(Deadpool 2) 上星期喺香港上畫,呢位Marvel最瘋狂又爆笑的角色再次回歸,相信唔少朋友已經入咗場欣賞!片中雖然以死侍、Cable、Domino及火拳等角色最重戲份,不過由日本美少女忽那汐里飾演的Yukio(雪緒),短短出場幾幕已經叫人留下深刻印象,呢位可愛女生眼大大笑容甜美,其實演出過唔少著名作品,又攞日本電影金像獎新人獎,前途一片光明呀!

撰文:東方新地|圖片:電影劇照、截圖、IGshiolikutsuna

《死侍2》日本美女忽那汐里

《死侍2》中,日本女星忽那汐里飾演Yukio雪緒,一頭粉紅色齊蔭髮型,聲線可愛嬌嗲,在片中為另一角色「彈頭」的女朋友。Yukio能夠操縱雷電去使出電鞭,有型!雖然戲份唔算多,不過Yukio每次出場都同死侍有著可愛的互動,簡單一句「Hi Wade!」以及迷死人的笑容,停留喺小編腦海好耐好耐!

忽那汐里 忽那汐里

Hi Yukio!

《死侍2》上映後,忽那汐里隨即受到世界各地影迷的關注,Instagram的粉絲數目不斷上升,最搞笑係唔少人都會喺相片留言「Hi Yukio!」!原因係片中死侍每次見到Yukio時,都會煞有介事咁打招呼:「Hi Yukio!」,然後忽那汐里就會回應一句:「Hi/Bye Wade!」可見佢喺電影中與死侍的互動,已經深入民心!

忽那汐里

澳洲長大

1992年出生的忽那汐里現年25歲,出生於澳洲悉尼,自小在當地長大,所以講得一口流利英文。忽那汐里本應擁有日澳雙重國籍,但根據日本法律,佢必須在22歲之時選擇其中一國之國籍,而佢最後選了日本籍。忽那汐里2006年時回到日本發展,參加全日本國民美少女比賽並獲得「審查員特別獎」,小編就覺得佢當之無愧啦!

忽那汐里忽那汐里

演出經驗豐富

忽那汐里年紀輕輕但演出經驗豐富,曾在大熱日劇《家政婦三田》飾演家中長女一角,因此廣為日本觀眾認知;另外仲有《鴨川食堂》、《3年B組金八先生》等。

《家政婦三田》
《家政婦三田》
《鴨川食堂》

曾獲金像獎新人獎

忽那汐里亦有出演真人版《名偵探柯南》中的女主角毛利蘭,佢更於2014年憑著電影《不可饒恕》及《艷之夜》獲得第37回日本電影金像獎新人獎,前途無可限量呢!

講得一口流利英文確係極大優勢,忽那汐里曾參演Netflix原創電影《局外人》(Outsider),與「小丑」謝勒力圖(Jared Leto)、淺野忠信等前輩猛人合作。如今忽那汐里正式於Marvel宇宙登場,未來可能有更多機會見到Yukio!

編劇都話要加佢戲份

你話如果講索講身材,忽那汐里當然唔及片中飾演死侍女朋友的Morena Baccarin,不過有著可愛齊蔭髮型、又圓又大的眼睛,傻呼呼帶點稚氣,相信唔少男士都同小編一樣,散場之後即刻search佢係何方神聖!忽那汐里正值25歲之齡,可愛親和冇難度,同時又緩緩地散發半熟女人魅力… 據知《死侍2》兩位編劇都對其讚賞有加,表示今次Yukio戲份太少,希望未來會好好對待呢個角色!

關鍵詞
死侍2