ft pic

春美奸得滯 吳家樂自認冇信心做得好

《城寨英雄》劇情進入高潮,白面馮春美奸足咁多集,害死城寨唔少街坊同刁蘭好姊妹胡妮,結果壞人冇好報,周四晚終於俾花曼殺死,復仇成功!春美血腥告別,演技獲激讚嘅吳家樂日前接受訪問,話自己開拍前完全冇信心演好「春美」一角,好在監製不斷鼓勵,觀眾先有機會見到呢個脫胎換骨嘅家樂仔咋!

延續閱讀:

《城寨》老戲骨梁舜燕鬼馬搶戲

女神王君馨索爆丁圖

害人無數嘅春美,晌第18集終於被花曼殺死,仲要以一招「猛虎硬爬山」K.O呢個城寨惡人,大快人心!春美臨死前終於流露出一副驚恐嘅表情,比起之前個冷血陰濕樣,明顯又係另一個層次。

未睇《城寨英雄》前,都唔知原來家樂仔係咁好戲!日前家樂仔自爆其實開拍前係零信心,「未造型之前,我其實有啲擔心,直接同監製講『我冇信心』!但造完型之後再傾清楚個故仔,再開咗一兩日工之後,監製都俾咗好多鼓勵我,等我慢慢入到呢個角色!」

家樂仔仲話自己唔使剝衫,全套劇都係着住長袍,可以偷懶唔操肌,仲有得晚晚食宵夜!其實家樂仔平時有玩開運動,身型未必好輸蝕,下次監製記得要家樂仔爆肌啊!

 

9

全文完