李明蔚

抗癌勇士李明蔚不敵癌魔 終年31歲 好友馬浚偉代公布死訊

最新娛聞

廣告

歌手李明蔚(Sarena)2012年患上罕見癌症「鼻咽腺樣囊性癌」,一直積極面對努力抗癌,今日下午終不敵癌魔折磨離世,終年31歲,一直出錢又出力的好友馬浚偉代李明蔚在facebook公布死訊。

撰文:東方新地|圖:李明蔚fb

馬浚偉在李明蔚facebook宣布

按照Sarena 李明蔚的意願,本人(馬浚偉)代表她的家人在此公告,明蔚於今天,即2021年5月4日下午5時10分,回到了天父的懷抱。感謝各方對明蔚一直以來的關心、支持和愛護!
感恩!
祝福大家!
Amen!

疫癌勇士李明蔚不敵癌魔 終年31歲 好友馬浚偉代公布死訊
馬浚偉一直出錢出心出力幫助李明蔚度過困境,又陪伴她抗病。

馬浚偉當正李明蔚是妹妹,不但為她代公布死訊,又在fb哀痛發文悼念:

不用痛了!
不用怕了!
乖乖在天家等馬仔哥哥!
我們靜待那天,再見!

上月留言會努力戰勝癌魔

上月尾30日,病情再度反覆的李明蔚,亦請馬浚偉在fb代留言:

「大家好,我係Sarena,多謝大家對我的關心,由於我的身體狀況已經變得比較差,實在沒有辦法再一一回覆大家的問候,多謝你們對我的關心和支持!未來嘅路會係點,我自己都唔清楚,不過我依然會努力,希望!我喺呢度再次多謝馬仔哥哥送呢隻MV俾我,喺呢度我將呢一首「交換愛情」MV送畀大家。」

李明蔚雖然自己患病,但對身邊及社會發生的事都相當關心,在疫情期間曾勸喻大家多留家中,以免增加醫護負擔。
李明蔚雖然自己患病,但對身邊及社會發生的事都相當關心,在疫情期間曾勸喻大家多留家中,以免增加醫護負擔。

患癌器官衰竭兼面癱 感激馬浚偉出錢出力圓歌唱夢

每個人生命中都會遇上很多意外,但是當你知道自己患上癌症的時候,你又會怎樣面對?年紀輕輕的女歌手李明蔚(Sarena)在22歲確診患上癌症,經歷了長達多年的地獄日子,電療、化療讓她痛不欲生,本來漂亮的容貌也因為副作用出現了變化。最讓她傷心的是她的唱歌夢也因為這個病難以實現,雖然生命正在倒數,也不知道生存到哪一天,但是她選擇樂觀面對,最開心的就是前輩馬浚偉主動幫助她完成她的歌唱夢,是她生命中的天使!

疫癌勇士李明蔚不敵癌魔 終年31歲 好友馬浚偉代公布死訊
31歲李明蔚未婚,去年在朋友為她拍下復古婚紗照,算是圓了結婚之夢。

女歌手李明蔚抗癌7年器官衰竭 生命在倒數

歌手李明蔚在19歲的時候被星探發掘,20歲就加入了歌唱組合,可惜在2012年22歲的她就被確診患上罕見的鼻咽腺樣囊性癌,可是李明蔚的腫瘤貼近鼻腔血管位置不能做手術,所以只能靠做化療、電療醫治。半年內就進行了38次電療和4次化療,慢慢出現了口腔潰爛、皮膚敏感甩皮還有牙骹肌肉痿縮而不能開口,連進食都有難度,體重跌到只有80磅。李明蔚一度以為自己是絕症快要死了,用了整整1年的時間才接受到。

李明蔚的病情一直都起伏不定,在2016年的時候病情突然惡化,腫瘤再次擴大,癌細胞擴散到肺部,手術後更因為神經發炎引致面癱,右耳只有3成聽力。曾經夢想再唱歌的她非常擔心。更試過躲在家裡幾個月不見人,但是她最後還是選擇積極面對,又努力練習咬字,終於推出個人專輯《交換愛情》。

可是上天總是殘忍的,在2017年李明蔚忽然狂流鼻血,為免血液流入氣管阻礙呼吸致死,必須在喉嚨做手術開洞幫助呼吸,最後發現原來是鼻子裡的腫瘤出血。可是最讓人傷心的就是手術後她的聲帶癱瘓,連說話都難,更何況唱歌,就連醫生都說她很可能很快就離開世上,那一刻她只想著唱歌。

疫癌勇士李明蔚不敵癌魔 終年31歲 好友馬浚偉代公布死訊

到了2018年李明蔚情況還是沒有很大進展,她的面癱讓眼睛一直不能閉上,導致紅腫發炎,而且到今年腫瘤已經擴散到她的肝、腎等多個器官,還出現器官衰竭的問題。李明蔚深知自己病情嚴重,生命正在倒數,但她依然勇敢面對,還想可以出書鼓勵有同樣遭遇的人。

也許堅強生存的李明蔚感動了很多人,她的身邊有很多前輩都幫助她完成她的夢想。在她抗癌的期間成功推出了個人專輯,特別是馬浚偉。當時面癱的李明蔚內心非常可望擁有自己的歌曲,也是她唯一未完成的夢想。當馬浚偉知道後,主動為她錄製新歌出碟,即使中途李明蔚入院做手術,馬浚偉都依然繼續幫她宣傳,又為她準備簽唱會。後來馬浚偉在自己的舞台劇也有邀請李明蔚擔任舞台劇幕後助理,還特意向觀眾介紹她,讓她非常感動。

馬浚偉主動幫忙

曾經患上過抑鬱症的馬浚偉很明白患者的心情,身邊人的支持非常重要!他的母親也是因為癌症逝世,妹妹也曾經患上乳癌,所以他非常關心李明蔚:「我覺得明蔚好有potential,我只係出好少嘅力,只要佢好返,我能力範圍內想做乜嘢咪幫佢做,要完成佢音樂上或演藝上嘅心願。」他的善心真的讓人動容!

李明蔚也曾經有過2個男朋友,第1個拍拖8個月,第2個只有3年,但是她依然覺得自己很幸運,感恩身邊很多好人,感恩自己還能講到話,即使不知道剩下多少日子,但是這一刻依然生存,所以她一直都努力樂觀地與癌症搏鬥,積極接受治療,讓身邊很多人都被她感染,把正能量傳播出去!

精選重溫:娛樂圈好人好事多到數唔晒:

黃子華初出道 青雲貼心義氣相助

黃子華棟篤笑《金盆𠺘口》嘅尾聲時段都會同大家分享吓被貴人幫助嘅故事,趁機會公開多謝呢啲朋友!事緣早年黃子華嘅棟篤笑騷都仲未係好賺到錢嗰陣,某次表演完,雖然未到尾場,但子華有啲朋友睇完演出就興高采烈咁叫子華去慶功,子華雖然心想平時都係尾場先慶功,不過朋友叫到人多開心嘛,就話好啦!於是子華與當時包括劉青雲等一行20幾人去食飯慶功,其實入面就得三、四個人係識嘅,但仲要食高級日本料理喎!子華話嗰陣一場棟篤笑唔係賺到好多錢,仲笑言:「都唔知啲日本人點解咁勁,發明樣樣嘢食都係咁貴嘅。」

黃子華

|子華激讚青雲「有大俠風範」

不過主人家子華無奈都要埋單㗎啦,話晒廿幾個人,都幾甘㗎嘛!正當佢諗住找數嘅時候,個收銀員竟然同佢話「啊邊個」幫你俾咗喇。子華講到呢度已經開始哽咽都講唔到落去,飲咗啖水,先笑番咁自嘲話,大家睇下佢個人幾睇重錢喎!
「啊邊個」其實係劉青雲!青雲嗰時同子華講:「我知道呢度好多人同你唔熟,我幫你搞掂喇!」子華忍唔住個感動樣,諗番都話一個人好哋哋點解會幫人埋單呢,但子華話最觸動到佢嘅唔係因為劉青雲俾錢,「而係因為佢(青雲)知道呢餐飯對呢個人(子華)嚟講係一個數目。」最後,子華仲讚多句話青雲「有大俠風範,好嘢!」,全場拍手,掌聲雷動!劉青雲真係好型啊!

黃子華大爆與發哥相識經過

而喺另一場棟篤笑臨近尾聲時,子華就突然指自己好開心,因為發哥周潤發亦有到場睇騷!其後,子華透露自己與發哥相識的一場經過,佢指自己當年還是寂寂無名的藝人 ,但發哥已是位大明星。第一次與發哥相識是在酒店中菜廳,子華表示當時佢見到發哥一直望住自己,並向自己走過來。子華當時就心諗發哥應該唔識自己,點知發哥真係行過嚟,仲同自己握手,子華就坦言當時真係好驚喜!

疫癌勇士李明蔚不敵癌魔 終年31歲 好友馬浚偉代公布死訊

|發哥贈靚相

件事仲未完,十年後,一次子華同Do姐於西貢拍攝《男親女愛》片頭時,原來發哥當時亦於西貢影相。過咗一排,有TVB同事搵子華,仲話發哥有嘢俾佢,一拆開原來係一張相。嗰張相,就係子華在西貢拍片頭當日,發哥不作聲拍低子華衝線一刻,之後仲將相裱好,送給子華做禮物!子華當晚還特別帶埋發哥呢份禮物上台,公開感謝發哥,並指估唔到冇乜人識的時候,有人會對自己咁好。

疫癌勇士李明蔚不敵癌魔 終年31歲 好友馬浚偉代公布死訊

鼎爺義氣助呂良偉

事件要講番41年前,當時只得21歲的呂良偉加入第六期無綫藝員訓練班,同學有陳玉蓮及「阿燦」廖偉雄等。呂良偉精通幾種語言,而且自細練得一身好武功,肯搏又肯捱,可惜畢業後無綫並無同佢簽約,仲表明與佢同類的演員有太多。

鼎爺
呂良偉

|鼎爺拍檯同高層講數

當時鼎爺李家鼎憑《香港八一》系列「李威」一角走紅,並在無綫兼任武指及馬術指導,鼎爺得知無綫唔簽呂良偉,即時致電對方,並答應為佢向無綫高層反映。據知當時鼎爺霸氣十足,對住高層拍晒檯話:「你唔簽佢吖嘛,咁我簽佢做龍虎武師囉!」結果無綫高層隨後同呂良偉簽約,並開始拍劇。之後的事大家都知,呂良偉憑《上海灘》「丁力」一角紅遍亞洲、之後又憑《跛豪》提名金像獎影帝!

鼎爺
鼎爺義氣幫呂良偉

|呂良偉一生感激

呂良偉之前拍攝中藥廣告時,表示入行以來遇過唔少困難,其中鼎爺喺佢最困難時出手相助,令佢成功同無綫簽約,所以佢一生都會感激對方!而鼎爺日前接受媒體訪問時,直認當年有呢件事發生過,不過自己唔會再提,費事好似叨人哋光咁。鼎爺呢啲義氣仔女,幫過人當然唔會周圍講,心知就得!

鼎爺
呂良偉憑《上海灘》「丁力」一角紅遍亞洲
鼎爺
鼎爺謙虛唔邀功

古天樂出錢出力 低調行善

影帝古天樂因2008年目睹汶川地震摧毀咗好多人嘅家園,決定成立「古天樂慈善基金」,私下都經常跟進同了解興建學校慨進度,確保唔會出現豆腐渣工程。曾有記者致電詢問「在大陸捐建60幾間學校花咗幾多錢?」古天樂唔肯透露:「我只係本著做善事嘅心,唔想講錢,亦冇目標要捐建幾多學校。」仲話自己有小小成就,有能力就幫忙,亦會一直做落去。據知古天樂至今已斥資興建99間小學,並捐贈18間醫療室、750口水窖同1座小水利工程,捐款超過2,425萬。

疫癌勇士李明蔚不敵癌魔 終年31歲 好友馬浚偉代公布死訊

|斥資興建近百間小學

古天樂
古天樂在內地興建咗近百間小學,學校遍及廣西、甘肅、貴州與四川等地。

 

古天樂
爾冬陞曾列出古天樂喺內地興建嘅學校名單,水蛇春咁長。

|曾幫「大佬B」還巨債

除咗低調做善事,古天樂喺圈中仲幫助過唔少人度過難關,「大佬B」吳志雄曾經公開感謝古天樂喺佢最困難時支持佢,據知大佬B喺99年投資失利,蝕咗近億元,古天樂因為喺未紅時曾受過「大佬B」恩惠,所以幫佢還清巨債。此外,仲有指古天樂為感謝《陰陽路》監製南燕多年前嘅賞識,當對方患病時,一直喺經濟上支持對方,仲會久不久包機票、酒店請南燕一家去旅行。

吳志雄 古天樂
「大佬B」吳志雄曾公闕感謝古天樂喺佢最困難時支持佢。

|傳照顧前女友黃𨥈瑩

古天樂
有傳曾經同古天樂拍拖七年嘅黃紀瑩,分手後亦一直獲古天樂照顧。
古天樂
古天樂係《星球大戰》迷,佢珍藏咗大批心愛嘅玩具,唔對外開放,只會偶爾由影迷會會員帶同孤兒院嘅小朋友前往參觀。

黎明堪稱圈中最好老闆

|豪包助手婚宴酒席及首期

黎明對共事的同事也好到加零一!跟隨黎明身邊廿年的助手,當年係黎明中學同學,助手本身家貧,工作又不如意,適逢黎明入行,聘請他做助手,薪金亦不俗,二人相知相交。到助手大婚,Leon送了份厚禮,就是一張無銀碼的支票!講明任助手自己填!結果有傳助手唔好意思填,最後Leon包起他婚宴所有使費!咁都未算豪,Leon之後再送錢俾助手置業築愛巢,咁好老闆去邊到搵?

疫癌勇士李明蔚不敵癌魔 終年31歲 好友馬浚偉代公布死訊

無分彼此,先讓助手上車呢個情境已經見慣!
無分彼此,先讓助手上車呢個情境已經見慣!

|七位數醫助手

有位助手跟Leon工作期間,突然患重病,Leon得知後即叫對方放長假休養,更自掏腰包七位數助對方醫病,可見Leon有幾咁仗義疏財,可惜其前助手最終不敵病魔離世。

之前曾有報道指有位自稱曾係李嘉欣助手及為黎明工作嘅女士Queenie,指22年前跟黎明到北京工作點知期間突然小產,幸得黎明出錢出力幫手先逃過死門關!事隔多年對方想向大恩人黎明表達謝意,而黎明續拋金句回應:「害過人嘅嘢一定記得,幫過人嘅嘢唔會記得,但一定冇害過人,所以我唔記得。」

疫癌勇士李明蔚不敵癌魔 終年31歲 好友馬浚偉代公布死訊

疫癌勇士李明蔚不敵癌魔 終年31歲 好友馬浚偉代公布死訊
Leon除了對助手豪氣之外,對公司同事亦十分重情重義,曾有同事因出現經濟困難,Leon即自掏腰包六位數幫對方度過難關。

|胸襟廣闊 EQ超高有承擔

黎明2016年在中環海濱活動空間舉行入行30周年的《Random Love Songs 4D in Live 2016》演唱會,為了這次演唱會亦投放了不少心機,可惜就在開騷前1個半小時因未符消防安全規定,而宣布取消。黎明親自到場外道歉,又拍片放在facebook表示:「今日演唱會要取消,原因是食環署不批準,因為消防條例說我們的黑色與藍色布料……雖然是防火料,但不是經過認可規定,我們會盡快去解決善後工作,有機會可以改變或扭轉方法,我們會盡量去嘗試,請排隊的朋友返屋企,為大家帶來這麼多不方便的地方……我只能講……對唔住!萬二分對唔住。」由短片所見,黎明的樣子真是好愁好down,但全港一致力讚Leon為人有承擔!

除此之外,從前有一職員K跟隨Leon多年,出名是Leon團隊中的笑柄,撞板多過食飯,有次Leon到電視台錄影慈善節目,要唱改編歌詞的歌,叫阿K舉大字布以防錯漏,點知大字布係有,但成張倒轉咗,任由Leon台上打眼色,阿K都無動於衷,事後黎明不但無鬧爆佢,只係笑笑就算。

另有次Leon胃部唔舒服,叫阿K幫手買消化餅,阿K一去就幾粒鐘,返到嚟帶嘅竟然係「麥維他消化餅」,令人哭笑不得!雖然唔少高層都睇唔過眼,叫Leon炒阿K魷魚,但Leon不但冇炒阿K,反而依然對阿K十分好!

疫癌勇士李明蔚不敵癌魔 終年31歲 好友馬浚偉代公布死訊

|愛低調行善 助乞丐解困

Leon無論從前或現在都為唔少慈善機構服務,除咗眾所周知的公益金和Unicef,平時Leon都暗做善事。有次Leon跟助手出街,途中見街邊有一乞丐,Leon頓生惻隱之心,即叫助手有幾多錢俾幾多,之後還番俾助手,乞丐收到後連聲向Leon道謝!

疫癌勇士李明蔚不敵癌魔 終年31歲 好友馬浚偉代公布死訊

|出名萬歲王 唔係姑寒財主

Leon未紅前,有次出席《勁歌金曲》節目後,拉大隊帶唱片公司同事到當年貴價食堂友和日本料理度開餐,大部分人見到餐牌價錢後個心都離一離,打算叫碗拉麵或小食就算,怎料轉頭侍應送來一枱的天婦羅、刺身和鮑魚等,嚇到個個滴晒汗,最後黎明偷偷將那張近五千元的賬單找數,喺當年嚟講絕對係大數目!

疫癌勇士李明蔚不敵癌魔 終年31歲 好友馬浚偉代公布死訊

|為鄰居蝕賣500萬跑車

Leon熱愛超跑,曾以500萬買入至愛法拉利458 Italia超級跑車,但為了鄰居小朋友,愛車落地兩年後竟割愛蝕讓。事關每次佢開動戰車時,引擎聲發出嘅隆隆聲都嚇親隔籬屋小女孩,Leon知道後唔單止送果籃道歉,仲割愛蝕賣戰車,真係好有愛心呀!

疫癌勇士李明蔚不敵癌魔 終年31歲 好友馬浚偉代公布死訊

民間特首劉德華

|支持蘇樺偉比賽

劉德華自96年開始,每年平均會資助香港殘疾運動員10萬元港幣,而佢為了讓殘疾運動員能專注在自己的運動事業上,更邀請香港著名殘疾運動員蘇樺偉到自己的公司上班,讓佢可以參賽時無後顧之憂!

疫癌勇士李明蔚不敵癌魔 終年31歲 好友馬浚偉代公布死訊

|助張衛健解財困

張衛健早年在內地節目《我是演說家》中,分享了自己曾收到劉德華一張「永生難忘的支票」… 事緣97年的金融風暴使不少人陷入財困。就連齊天大聖張衛健,當時亦是沒有任何工作,在房貸的壓力面前、面臨破產的一刻,張衛健得到了華仔的賞識,華仔更二話不說開出支票讓他佢過財困,又與其簽約拍戲,在事業上幫了張衛健一大把。

疫癌勇士李明蔚不敵癌魔 終年31歲 好友馬浚偉代公布死訊

張衛健更從華仔口中聽到一生銘記的話:「學到的就要教人,賺到的就要給人。」

疫癌勇士李明蔚不敵癌魔 終年31歲 好友馬浚偉代公布死訊

|發掘新人張頴康

在2016年的《TVB馬來西亞星光薈萃頒獎典禮》上,入行16年的張頴康憑大熱劇《一屋老友記》勇奪「飛躍進步男藝員獎」。原來在01年時,張頴康的演藝才獲劉德華賞識,讓佢加入自己的經理人工作,更曾每月為張頴康提供五位數字生活費,支持佢就讀TVB無綫藝員訓練班。

疫癌勇士李明蔚不敵癌魔 終年31歲 好友馬浚偉代公布死訊

後來張頴康接受本刊記者訪問時,直言感激劉華︰「冇華哥就冇我!真係好感激佢。係佢帶我入行,冇佢我唔會入到無綫,亦唔會識到我老婆。」

疫癌勇士李明蔚不敵癌魔 終年31歲 好友馬浚偉代公布死訊

|提攜林家棟

林家棟2001年與華仔簽約時,曾經話:「後半生都交給他了。」可見林家棟非常相信華仔!至2011年,林家棟監製電影《打擂臺》,華仔在該部電影中投資近800萬,最後《打擂臺》勇奪當年金像獎四項大獎。多年來,華仔與林家棟已建立了無比的默契,兩人的關係亦由僱主員工變成好友。

疫癌勇士李明蔚不敵癌魔 終年31歲 好友馬浚偉代公布死訊

|助張達明渡患癌難關

眾所周知,張達明在12年患上癌症,陷入健康及財政的雙重危機。幸得劉德華的主動相助,主動邀請張達明為其公司寫劇本,更不論時間,先將劇本費全數支付予張達明,讓佢可以渡過難關。

疫癌勇士李明蔚不敵癌魔 終年31歲 好友馬浚偉代公布死訊

|助黃秋生渡難關

素來脾氣火爆的黃秋生,估計唯一不會遷怒的人便是劉德華了!只因在2013年時,黃秋生組成自己的劇團,雖然得到資金,但不料自己家中出現財政問題。在苦無對策之時,華仔主動要求加入劇團,讓劇團有能力營運至今。

疫癌勇士李明蔚不敵癌魔 終年31歲 好友馬浚偉代公布死訊

|北京護粉絲

劉德華亦出晒名愛錫歌迷,當佢哋家人一樣,07年華仔晌成都舉行巡唱,一名男歌迷衝向台邊打算同華仔握手,點知被成班保安粗暴阻攔,目擊自己歌迷被打嘅華仔,嬲到即刻暫停表演,諗都冇諗就從離地七呎嘅台跳落去,勇破保安出手拯救受襲歌迷,型過鐵金剛!之後到16年,華仔出席新戲宣傳,又再為粉絲同保安對峙,真‧男神咪呢種囉!

疫癌勇士李明蔚不敵癌魔 終年31歲 好友馬浚偉代公布死訊

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!