杜如風

杜如風是如此專業的…

 

對爸爸的感言

杜如風主持新一輯《関西攻略》開始時,佢坐定定對住鏡頭先跟已離世爸爸杜惠東說出段感言,因為拍攝節目時,杜惠東因病離世,杜如風多謝爸爸支持自己工作,又表示爸爸希望佢以正能量將快樂帶俾大家!

杜如風表示:「由上次喺日本收到媽媽話daddy病危,就即日返港。本身都計劃返香港一星期後再去日本拍,之後同媽媽商量咗就過去拍埋,唔好半途而廢,我諗Daddy都想我咁做。(再拍攝感辛苦?)拍嗰時仲可以,個腦掛住對白,focus拍攝。」佢坦言再返日本繼續拍攝餘下戲份時,曾嚎哭一晚,令眼睛爆微絲血管:「有晚瞓唔着,嚎哭咗一晚,爆微絲血管令到一邊眼紅到似紅眼症。基本上十集有五集都紅咗眼,但都要繼續拍。」雖然拍攝時收到爸爸病危消息,但鏡頭前杜如風仍笑面迎人,認真專業!

 

第七集 全黑素服悼亡父

於本周二第七集《関西攻略》中,杜如風一如以往笑笑口介紹潮服店,但卻以全黑打扮現身,而且介紹服飾多以素色黑白為主,看來想藉此悼念亡父杜惠東!

忍痛賣歡樂

另外,雖然佢表面仍紮紮跳,但大家可以發現笑容有點生硬,尤其雙眼好浮腫,右眼微絲血管因爆喊一晚而爆裂致眼紅紅,可見當時佢極度傷心!

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

網址:www.facebook.com/orientalsundayhk

延伸閱讀:

林日曦十大有骨金句

召喚霞姨!史上最流「金融才俊」

前蔭遮爆紅右眼

第七集下半部介紹童裝時,杜如風明顯雙眼更加腫,可能唔想俾大家睇到佢眼紅紅,刻意撥下前蔭遮住右眼,但之後可以清晰見到右眼仍然勁紅,雙目冇神!

第八集 穿男性素色和服

昨晚第八集中,杜如風遊覽京都世界文化遺產清水寺,作為女生,正常情況下應打扮得花姿招展,但可能為悼亡父,所以杜如風改穿男性素色和服,繼續好專業咁為大家帶來歡樂!

杜如風強忍悲傷氹小女孩開心…

眼腫腫食噴火拉麵

昨晚第八集中,杜如風品嘗豆腐懷石料理及噴火拉麵時,右眼紅筋仍然清晰可見!

 

期間,杜如風自爆因爆喊致右眼微絲血管爆裂,希望大家體諒,叫大家繼續支持!

圖片:myTV截圖

 

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

網址:www.facebook.com/orientalsundayhk

關鍵詞
杜如風