林夏薇

林夏薇淡妝vs童年照 天生麗質由細靚到大 !

成日話女大十八變,唔少明星細個同依家完全係兩個樣,不過當然都都有人係由細靚到大啦!好似依家30歲的林夏薇,近日喺劇集《逆緣》演出亮眼,日前佢仲同大家分享一張童年張,再貼心整埋張對比圖,見到佢個樣真係冇變過咁!

撰文:東方新地|圖片:Instagram

林夏薇 正爆眼鏡娘造型

林夏薇今年30歲,不經不覺入行七年,早幾年仲做埋人妻,但佢不時都仲會晒弗爆身材益街坊!又好似喺近日熱播的劇集《逆緣》中,林夏薇文青眼鏡娘的造型深受網民歡迎,仲要講埋日本扮日本妹,無得輸呀!

唔係女大十八變

林夏薇除了身材皮膚keep得好,靚樣原來由細到大都無變!日前佢喺社交網站上載一張童年照, 可見佢細個已經幾靚女,五官相當標緻;而林夏薇仲貼心咁俾個淡妝樣、做同一個表情等大家對比一下,由細靚到大真係令人羨慕呀!

淡妝一樣咁靚!

延伸閱讀:

《復仇者聯盟3》入場前必知10件事!