林秀怡

兼任樓面倒垃圾!27歲林秀怡慳盡養癌母

27歲的林秀怡在無綫十年一直是不起眼的小花,即使早年曾在《怒火街頭2》及去年《是咁的,法官閣下》都有發揮機會, 但仍徘徊於二、三線之間,近日熱播的無綫劇《婚姻合伙人》, 飾演富家女「露髀」的林秀怡終於彈出,與陸永演歡喜冤家非常 受歡迎。甚有喜感的林秀怡卻有著坎坷的童年,自小家貧父母 離異,一直與母親相依為命,是家中經濟支柱,去年母親發現患上子宮頸癌急切做手術,60萬積蓄一鋪清袋,孝順的林秀怡不惜一切撲錢醫母,孝感動天。林秀怡一直默默耕耘演小角色望有出頭天,同時亦瞓身經 營與友人合資位於旺角的意粉店,日前她全素顏在店內一腳踢,任樓面、入廚房還要倒垃圾,老闆娘力不到不為財,為養癌母拚命搵錢。

撰文:東方新地 圖片:新傳媒圖片


27歲林秀怡慳盡養癌母

林秀怡雖然命苦,但她性格樂觀正能量爆燈,中學畢業後一直是家中經 濟支柱,在無綫十年死慳死抵,兩年半前她儲足本錢與前藝人葉婷之合股在 旺角經營意粉店,去年卻因為母親患上癌症而令她非常拮据。林母最初發現 患上子宮頸癌是看公立醫院的,但因為排期做手術需時,而林母已患上第三 期,林秀怡為母健康著想不想再等,於是改到私家醫院做手術,最終花光她 儲了多年的60萬積蓄。

 

林秀怡
林秀怡自小與母親相依為命,兩年前林母確診患上子宮頸癌時,她幾近 崩潰,但不想母親擔心,便收起眼淚,積極尋找治療方法。林母共做了 4次化療、28次電療,當時每天出入醫院,秀怡都陪伴在側。現在林母 已康復,林秀怡經常陪母去旅行,之前又去hightea慶祝母親節。

母親排第一

手術後林母康復神速,林秀怡終於放心,不過頭五年最容易復發,所以 每個月都要覆診,為了母親的病,林秀怡慳自己都要讓母親得到最好的治療 同病後跟進,據知情者透露:「Kirby(林秀怡)慳慳埋埋都係想醫好媽咪,之前 做手術用晒啲錢,佢班好姊妹蔚雨芯、趙希洛同周麗欣等都有雪中送炭,知 佢唔捨得再花錢置裝,定時就會拎啲著過一次或者贊助嘅衫畀佢,始終做呢 行要見人,而Kirby亦從來唔介意人哋點睇,佢性格真係好好,到依家都仲同 媽咪一齊住天水圍公屋,佢最大心願就係媽咪安全度過五年復發期,可以健 康生活,圈中孝順女佢真係數一數二。」


孖編導男友沙灘拍拖

 

林秀怡
上周六( 25日),林秀怡出席完新劇《婚姻合伙 人》宣傳活動後,即跳上編導男友的車前往石澳沙灘,泊好車後男友更細心地為林秀怡孭袋。

 

林秀怡 母親不是負累

林秀怡從來不覺得母親是負累,她曾公開表示母親在她心中永遠都是第一位,為了養母多辛勞工作也是值得。 林秀怡在最近熱播的無綫愛情小品《婚姻合伙人》終於有新突破,雖然該 劇拍攝於兩年前,內容和觀感略舊,但仍然得到不少觀眾歡心,當中飾演 「朝仁」的陸永與飾演「露髀」的林秀怡最有驚喜和最惹笑。雖然新劇彈起,但林秀怡依然在意粉店幹活,周日(5月26日)她不施脂粉在店內一腳踢,無論廚 房、樓面抑或打烊前倒垃圾,她都一手一腳自己做,堂堂無綫花旦完全不顧 形象,甚為少見。其後林秀怡大方地在意粉店門外接受本刊記者訪問,承認為醫癌母經濟壓力甚大,但她仍能樂觀面對。


林秀怡雖然不是無綫出名的性感 尤物,但這日在石澳沙灘 上輕輕一露已波光四射, 皮膚白皙的她表示最近拍 《唐人街》肥了十磅,現 在夏天來臨,也是時 候減肥。

 

林秀怡


林秀怡與男友 Kevin 在石澳沙灘的較側位置安 頓下來,怕與陽光玩遊戲的她讓男友為她全 身搽上太陽油。

林秀怡
林秀怡呢一下側躺似足一條肥美的美人魚,男友Kevin怕女友被睇蝕,拎起條白裙畀林秀怡穿上。

 


百忙中鴛鴦戲水

說到在無綫做編導拍拖兩年的男友Kevin,林秀怡直言未發展至同居階段,又 表示大家都忙工作見面不多,但其實上周六(5月25日),她與Kevin去完石澳拍 拖,當日林秀怡出席完《婚姻合伙人》宣傳活動,便跳上男友的車直駛石澳,穿三點 式外穿一件白色透視裙的林秀怡極盡誘惑,期間更脫去白裙展露豐滿的肉感身材,女友如此火辣,Kevin無法抵擋,二人在沙灘上旁若無人,又拖又孭又咀 嘴,完全是情不自禁。林秀怡笑言因在新劇中與陸永有埋身肉搏戲,所以男友 Kevin醋意大發,話女友身體畀人掂過晒因此詐晒型,林秀怡表示會畀男友掂番夠 本當補償,沙灘上眾目睽睽都咁火熱,返到屋企仲得了?


林秀怡
林秀怡一時興起要男友孭住 行海邊,對於唔係太大隻的 Kevin嚟講都幾吃力。

 

林秀怡
坐在岸邊傾吓偈,林秀怡又多次主動咀男友,此情此景真係好浪漫。

 

林秀怡
互相攬實自拍當然係唔少得,林秀怡嘟晒嘴,Kevin一臉受落。

 

林秀怡
玩完一輪臨走前沖身,林秀怡體貼地幫男友捽梘液,畫面令人想入非非。

 

5月26日餐廳一腳踢

周日(26日),林秀怡現身旺角女人街內與友人合資的意粉店,無綫小花化身餐廳打雜,做完樓面仲倒埋垃圾,素顏的她竟然無人認得。


走入廚房

意粉店餐牌內的食物全部即叫即做,林秀怡在廚房內洗菜、沖調飲品,全部都親力親為,非常認真。


素顏受訪

林秀怡在意粉店外接受本刊記者訪問,雖然完全冇化妝又爆瘡,但她仍大方面對鏡 頭,真性情表露無遺。

記 : 本刊記者林:林秀怡

記:你成日都要返舖頭?

林:總之唔使返工,我都返嚟幫手,因為我哋人手少,盡可能都自己做番。

記:依家播緊嘅《婚姻合伙人》角色好受歡迎,好多人留意你,感覺如何?

林:好開心呀!因為套劇都擺咗兩年幾先播,同埋呢啲輕鬆小品可以有咁多人留意,大家都話睇完好 開心,總算為潘嘉德監製爭番啖氣。

記:最近忙啲咩?

林:最近拍緊《唐人街》,月尾會搞掂,到時或者抖吓同睇住媽咪。

記:媽咪依家情況點?


林:佢康復中,好番但要控制飲食同keep住覆診,要 check住有冇復發,醫生都話頭嗰五年最易復發。

記:係咪為照顧媽咪,冇晒自己時間?

林:媽咪唔係負累,有時24小時拍戲掉低佢一個人喺 屋企,所以我一有時間就返屋企陪佢,咁樣自己 個心冇咁內疚。

記:醫媽咪係咪用咗好多錢,經濟壓力大唔大?

林:其實話冇就係假嘅,都用晒我所有嘅錢,依家希 望快啲可以搵番返嚟。

 

林秀怡
陸永是搞笑能手,擅於拍喜 劇,估唔到今次在新劇拍住林秀怡,帶給觀眾新鮮感, 而林秀怡亦被發掘有喜感。

 

記:有冇計每月都使幾多錢?

林:每個月睇醫生都一定過萬,我依家每個月都係碌 緊下個月嘅卡數,每次睇醫生都好貴,咁但係如 果睇得好媽咪係絕對值得嘅!


記:餐廳開咗幾耐,生意如何?

林:開咗兩年半,生意尚可,食物都keep到水準,我 哋全部都係手作嘢,所以要親力親為,仲可以慳 番個人,依家好難請洗碗,所以我自己做番,唔 化妝畀你哋影到好樣衰。

記:依家套劇彈起,男友點睇?

林:佢成日話好嬲,話我乜都畀人掂晒,詐晒型。

記:咁你點補償?

林:補償咪同佢食吓飯,畀佢掂番囉!

記:依家同男友同居未?有冇結婚計劃?

林:我同媽咪住,亦有同男友講定第時結婚都要同媽 咪一齊住,一係樓上樓下,至於婚期,本來想30歲前結婚,不過我用晒啲錢,35歲先結啦!


露髀彈出

林秀怡於劇中飾演富家女施嘉露, 劇中更有花名「露髀」,因為愛穿 短裙及高踭鞋,所以經常都要露 髀。日前其中一集僅穿吊帶喱士 睡衣上陣的林秀怡與陸永在按摩 浴缸中「肉搏」,陸永更一手打落 秀怡胸口上,場面香艷吸睛,即 在網絡洗版。