樂基兒

造人成功!38歲樂基兒認陀B 預產期下年4月

現年38歲名模樂基兒(Gaile)上年8月再婚,下嫁圈外男友Ian。之前被問到造人計劃,佢只係答順其自然,而月前佢分享同朋友去外地嘅旅遊照,其中一張比基尼照驚現小肚肚,有網友當時已問佢係咪有孕。昨日樂基兒被拍得肚凸凸去公園放狗,原來真係中獎,Gaile接受傳媒訪問時直認陀B,預產期下年4月或5月,恭喜晒!

撰文:東方新地 圖片:新傳媒圖片

樂基兒 造人成功

現年38歲嘅名模樂基兒最近好少蒲頭,原來已經造人成功。樂基兒表示預產期大約係明年4、5月左右,雖然未有出現孕肚情況,但食嘢嘅口味明顯有轉變,以前鍾意嘅食物依家唔鍾意食。

問到BB嘅性別,樂基兒話想保持神秘唔講住,不過佢同老公初為人父母,故知道有bb後都好開心好Amazing!

View this post on Instagram

On set today with little miya 👶 #goddaughter

A post shared by Ꮆaile Ꮮok 💋 (@gaileofficial) on

樂基兒 貼水著照

Gaile婚後被指身形愈來愈肥,Gaile近月決心做gym減磅,月前佢分享水著照,大晒Bikini近鏡自拍,事業線表露無遺。其中一張比基尼照驚現小肚肚,有網友當時已問佢係咪有孕!

Gaile修身成功,當然唔會浪費晒美好身段嘅機會!

同行朋友一樣惹火!

Gaile上年美國時間8月27日喺加州同從事有機食品生意嘅男友Ian Chu再婚,眨吓眼兩人已經結婚一年,Gaile之前都有喺社交網上載婚照,仲話:「Happy one year anniversary my ❤ and many many more to come.(我的快樂一周年 有更加的未來將至)」真係甜到漏!

對於前夫黎明做咗老竇,Gaile恭喜對方之餘話同老公努力造人中。

不少話Gaile愈來愈發福,佢終於的起心肝減磅,早前喺社交網上載咗一條健身片,一時玩划艇機,一時又狂做腿部運動練翹臀。

Gaile就去咗台灣宜蘭旅行,仲要喺入住擁有私人溫泉嘅Villa享受一下,佢仲喺社交網晒相開心Share添。不過呢,重點唔係睇佢點享受,而係Gaile又再表示佢神乎其技嘅倒立瑜伽,見佢着住件運動Top,條腰仲幼過做女嗰時,你話佢係咪有喜喇!只好講句,「革命尚未成功,同志仍須努力!」

延伸閱讀:

18個歷代最有氣質真女神 個個無P圖都好靚女!

關鍵詞
樂基兒