photo_2021-01-27_13-00-24

江嘉敏扮好姊妹攞著數 譚嘉儀粉絲擔心偶像被出賣

江嘉敏出名係世界女,有著數就好姊妹,冇著數就唔熟唔識,見高拜見低踩。去年江嘉敏跟馮盈盈反面後,即黐林凱恩再搭路埋李澤楷女友郭嘉文身,最近她想一嚐做歌手的滋味,黐埋譚嘉儀度搵對方教唱歌又合唱,更在社交網公開賣口乖讚譚嘉儀唱得又好人。江嘉敏被網民一眼睇穿,話佢假到爆,就連譚嘉儀粉絲亦擔心偶像成為江嘉敏下一個出賣的目標。

撰文:東方新地 圖片:江嘉敏IG圖片、江嘉敏youtube頻道影片截圖

江嘉敏是非多籮籮

要出名圈中是非女藝人,江嘉敏定必名列前茅,去年與馮盈盈因為一場富豪船P隔空對罵,關係由好姊妹變成同事,不過唔緊要,有利用價值的好姊妹多的是,江嘉敏好快就再同其他閏密打成一片,最新好姊妹是有拍劇又唱好多劇集主題曲的譚嘉儀。

江嘉敏
江嘉敏上載心口穿大窿的照片。
江嘉敏
網民叫江嘉敏唔好打出個心口。
江嘉敏
身形肥嘟嘟的江嘉敏被指P圖P瘦自己。
江嘉敏
原來這日江嘉敏與譚嘉儀一齊著靚靚去街。

江嘉人敏主動搵譚嘉儀錄歌

早前,江嘉敏突然想唱歌,並想錄一首cover放上youtube,最後她想到唱得的譚嘉儀,於是膽粗粗搵對方,譚嘉儀say yes促成這次合作。據知江嘉敏與譚嘉儀兩年前拍攝無綫劇《殺手》時認識,不過兩人的對手戲不多,拍完劇都唔熟亦冇往來,直至去年劇集出街後一起接受訪問,江嘉敏睇準對方在音樂上的才華,覺得會有利用價值,一步一步埋身。江嘉敏最近在社交網狂po與譚嘉儀去街的照片,又寫一大段文大讚譚嘉儀甚具喜劇細胞,為人又靚又nice等等。

江嘉敏
江嘉敏頻頻上載與新任好姊妹譚嘉儀的開心合照。
江嘉敏
江嘉敏最叻賣口乖,捧到譚嘉儀上天。

江嘉敏被指心存不軌

江嘉敏突然與譚嘉儀成為好姊妹,被網民指她好假,看來大家看穿了江嘉敏的目的,認為她無寶不落,有著數就黐實對方,譚嘉儀的粉絲亦怕偶像受傷害,留言叫譚嘉儀小心被心機重的人出賣,好明顯意有所指。

江嘉敏
江嘉敏上載的其中一張合照,露出心口事業線搶fo。
江嘉敏
網民的眼睛都是雪亮的。
江嘉敏
有譚嘉儀粉絲留言叫她小心江嘉敏。

江嘉敏錄歌現肥腩

譚嘉儀識唱歌又有自己的studio,江嘉敏拍膊頭攞著數,早前她去搵譚嘉儀幫佢錄歌兼合唱,江嘉敏在譚嘉儀指導下嘗試唱歌,又咬字不清音律又唔準,tune到好似出道歌手咁,搞到譚嘉儀得返半條人命。江嘉敏為了宣傳自己的唱歌短片,不停在IG力sell叫大家去youtube睇,唱得好唔好真係見仁見智,不過江嘉敏身形就表露無遺,腰間肥腩最搶鏡。

江嘉敏
江嘉敏在youtube發放自己第一首cover。
江嘉敏
江嘉敏重提在劇集《殺手》中曾被譚嘉儀喝罵過。
江嘉敏
去到譚嘉儀studio門口,江嘉敏繼續扮可愛。
江嘉敏
睇吓江嘉敏笑到個雙下巴出晒來。
江嘉敏
譚嘉儀好認真教江嘉敏唱歌時如何運氣。
江嘉敏
江嘉敏話自己冇肚腩……
江嘉敏
錄音期間江嘉敏扮鬼扮馬。
江嘉敏
江嘉敏認為自己唱歌好好聽,就快可以做歌手。
江嘉敏
二人合唱國語歌,仲剪輯成MV。
江嘉敏
在短片花絮內,江嘉敏經常自high。
江嘉敏
江嘉敏與馮盈盈曾經是一對表面感情非常要好的姊妹。
江嘉敏
透過林凱恩(左二)的介紹,江嘉敏去年成功黐上李澤楷女友郭嘉文(左一),做埋閨密。