江美儀

江美儀自爆當年首演女一 被重量級拍檔瘋狂問候 姨媽姑姐出晒來

最新娛聞
東方新地

廣告

今時今日的江美儀，在無綫已經是阿姐級，牙尖嘴利又有霸氣，估唔到當年第一次拍劇做女主角，遇上一位重量級男主角，結果因為唔識企位而被對方用粗口瘋狂問候，江美儀被鬧到無地自容，不過佢就冇嬲呢位前輩，仲當佢恩師。

撰文：東方新地 圖片：[email protected]、[email protected]、東方新地圖片庫

江美儀曾是四大廣告女王

50歲江美儀現在是金牌司儀兼實力派演員，但原來她在90年代與歐陽妙芝、周汶錡、楊琤被封「四大廣告女主角」，日前她在電台節目《一起走過》中想當年，她曾與發哥拍了一個經典的洗頭水廣告，成為炙手可熱廣告商寵兒，後來她曾移民加拿大，點知亞視向她招手，從此踏上演員之路。

江美儀在90年代以模特兒身份入行。
江美儀在90年代以模特兒身份入行。（圖片來源：[email protected]）
江美儀話當年拍廣告真係搵到錢，佢同發哥拍完個洗頭水廣告就入咗亞視，原來發哥曾叫佢搵杜琪峰，最後冇下文咁啱亞視搵佢，咁就入咗亞視。
江美儀話當年拍廣告真係搵到錢，佢同發哥拍完個洗頭水廣告就入咗亞視，原來發哥曾叫佢搵杜琪峰，最後冇下文咁啱亞視搵佢，咁就入咗亞視。（圖片來源：[email protected]）

由天堂跌落地獄

江美儀憶述當年入亞視拍第一套劇《肥貓正傳》就做女主角，不過她的經歷就如由天堂跌落地獄，因為拍攝期間被男主角Kent哥（鄭則仕）狂用粗口問候，江美儀說：「我同張文慈黃嘉明三個女仔當時都係新人，結果畀Kent哥鬧到趴咗喺度，不過今日我真係當佢恩師。有場戲佢係辛苦啲，講佢跌低再起身，你知佢身位，真係會好攰，我因為唔識就住拍外景嘅燈光，成日遮到佢臉光，嗰次佢真係鬧得好甘，我好想喊，但鬧我都冇用，我真係唔識嘛！跟住自己心諗『唔會畀佢再鬧我多一次』。」

日前江美儀與好友寶珮如一齊主持港台節目《一起走過》。
日前江美儀與好友寶珮如一齊主持港台節目《一起走過》。（圖片來源：[email protected]）
江美儀入亞視第一套拍的劇集《肥貓正傳》已經做女一。
江美儀入亞視第一套拍的劇集《肥貓正傳》已經做女一。（圖片來源：東方新地圖片庫）

第一個先問候娘親

江美儀知道自己冇經驗，從此虛心學習，做個謙卑新人，每次見到鄭則仕都彬彬有禮，她表示：「之後我見到Kent哥人未到聲先到，一嗌我就話『到』，咁就搞掂咗佢，冇再鬧得咁緊要喇！我係想話畀Kent哥聽我真係想學，真係有聽佢講，但我未做到唔好鬧得咁甘。」鄭則仕鬧得有幾狠？江美儀說：「鬧到想匿埋喺車喊，娘親係第一個，鬧到性器官出晒嚟，姨媽姑姐都攞埋出嚟。」

江美儀難忘被鄭則仕瘋狂問候的日子。
江美儀難忘被鄭則仕瘋狂問候的日子。（圖片來源：東方新地圖片庫）
江美儀當鄭則仕是恩師，不時與當年戰友聚舊想當年。
江美儀當鄭則仕是恩師，不時與當年戰友聚舊想當年。（圖片來源：[email protected]）
當年入行拍劇被鬧，江美儀直認好hurt，因為拍廣告時人人當佢係公主，skincare連打燈都唔使自己埋位，點知拍電視就自己顧自己，要自己mark衫，又要就燈又要就人，所以初初好唔慣。
當年入行拍劇被鬧，江美儀直認好hurt，因為拍廣告時人人當佢係公主，skincare連打燈都唔使自己埋位，點知拍電視就自己顧自己，要自己mark衫，又要就燈又要就人，所以初初好唔慣。（圖片來源：[email protected]）

常見問題

將來還有什麼演唱會值得留意？

有不少歌手宣布舉辦演唱會，例如：韋禮安、張學友、李克勤、林宥嘉、方皓玟、西九音樂節、五月天、Twins、鄭秀文、鄭欣宜、許冠傑；喜歡K-pop的你亦有福了，Apink、NCT DREAM亦在香港開演唱會！小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！

香港有甚麼週末好去處推介？

2023年好戲多籮籮，小編為你整合2023電影推薦及3-6月香港電影上映表，無論是港產片、Marvel、卡通片都應有盡有，更附上必睇劇情和彩蛋介紹！除此之外，更可以參觀博物館，例如太空館、科學館、香港藝術館、M+、香港文化博物館等，更為你整合行山路線、野餐地點、絕對是假日消遣的必然之選！

讀者留言

熱門文章