古天樂

拒拍《尋秦記》電影版 江華請古天樂食檸檬

千呼萬喚始出來,由古天樂牽頭馬籌備多年的神劇《尋秦記》電影版,終於落實下半年開拍,身兼老闆同主角的古天樂,為保留原劇神髓,親自召集原班人馬演出,當中林峯、宣萱、郭羨妮、滕麗名及雪兒全部歸隊,只欠劇中演大奸角連晉、嫪毒的江華冇影,原來江華一早請古仔食檸檬,表示無意二十年後再拍相同角色。係堅持定執著,真係見仁見智,不過就令費盡心思想拍好電影的古天樂大感無奈!

撰文:東方新地 圖片:新傳媒圖片、微博

江華 拒再做同一角色

堪稱穿越劇經典的《尋秦記》,不止是古天樂離開無綫最後一部劇集,更加是他演技同事業同登高峰之作,幾年前古仔已經買下電視版權計劃開拍電影版,籌備多時終於落實下半年開拍,日前在「影視娛樂博覽2019 」,古仔就率領《尋秦記》一眾演員林峯、宣萱、郭羨妮、雪兒、滕麗名等原班人馬回歸,十九年後再聚首演出,一班演員都表現興奮,老闆古天樂更揚言:「要集齊人難過儲閃卡!」到底邊個令古仔咁感觸,咪係劇中演大奸角連晉、嫪毒的江華,據知情者透露:「江華好執著,佢唔想二十年之後仲拍番同一個角色,而且佢覺得既然當年已經咁經典,再演未必做得番嗰種神髓!」早前受訪他亦表明立場唔會拍:「一部電視劇能夠成為觀眾心中嘅經典已經好勁,冇必要再重拍,更何況全部演員都已經老咗,喺商業角度睇係有追看性,但喺演員角度,究竟想表達啲咩!」

三大主角

籌備多年的神劇《尋秦記》電影版終於落實今年開拍,老闆古天樂透露電影版會是十九年後的獨立故事,他和宣萱、林峯繼續擔任重頭角色,雖然宣萱提議大家相處咗十九年,可否不用再講古文,卻被古仔即時 KO:「唔可以!」

講明唔拍

古天樂堅持用回《尋秦記》原班人馬演出電影版先夠傳神,不過,劇中要角江華就講明唔拍,請古天樂食檸檬。

堅持用原班人馬

當年演出項少龍一角入型入格的古仔,對《尋秦記》有著深厚情意結,計劃開拍電影版,更是作為向他視為恩師的黃易(原著小說作者)致敬:「呢套劇可以話係穿越劇嘅始祖,而且故事布局精密,古仔對原著作者黃易好欽佩,不過兩年前黃易因病離世,令古仔好難過,覺得好遺憾對方唔能夠睇到電影版上映,亦令佢承諾會加緊籌拍,其實好多人都想參演《尋秦記》,但古仔就堅持用番原班人馬先夠傳神!所以全部台前幕後都係佢親自出面邀請。」

在早前的「影視娛樂博覽2019」記者會上,古天樂率領電視劇《尋秦記》原班人馬林峯、宣萱、郭羨 妮、滕麗名及雪兒現身,宣布下半年開拍《尋秦記》電影版,一班演員均表示能拍電影版非常開心,相信只有江華唱反調。
古天樂
《尋秦記》是古天樂離開無綫前顛峰之作,他更對原著作者黃易非常欽佩,17年黃易因病離世,古 仔就在個人社交網發文悼念對方!

見解獨特的江華,其實可能真係諗多咗,事關古仔在記招上已透露,電影版故事獨立,絕不是重拍咁簡單:「故事發生喺十九年後,秦王都統一六國,之後發生咩事冇人知道,有好多創作空間,亦有唔少科幻元素,就算演員角色身份都可能有變,唯一同劇集有延續性,就係項少龍會有個19歲嘅仔,因為係講十九年後嘅故事,最大好處係大家都唔使刻意化老妝!」唔知聽完古仔咁講,江華會唔會改變主意,話晒原班人馬重聚合作,絕對係可一不可再!

古天樂
江華在電視劇 《尋秦記》演的奸角連晉因暗戀烏廷芳 (宣萱) 而同穿越到戰國時代的項少龍(古天樂)交惡,角色性格由忠變奸,江華同古 仔、宣萱劇中有不少對手戲。

古天樂
古天樂演的項少龍坐時光機穿越回到戰國時代,與劇中演趙國巨鹿侯府第一劍手的江華正面交鋒,江華角色戲份極重。

單拖買外賣

淡出幕前的江華,早前一個人到九龍城買海南雞飯外賣。

keep住身形

雖然冇再拍劇,不過 56 歲的江華身形仲 keep 得甚fit ,並冇發福更加冇肚腩!

急急走人

買完外賣匆匆上車走人。


信主後的江華,近年愛在社交平台分享個人感受,不時更新「智語分享」,去年他 就在微博表示,唔會為賺生活費而隨便拍戲,相當有性 格。

阿仔無意入行

近年變得隱世的江華,其25歲長子陳耀淙( Bryan )亦唔似一般星二代,對娛樂圈發展全冇興趣,早前 江華老婆麥潔文就透露Bryan成功 考入公立醫院做救護員。