OS893AP007-3-156×300

洗米嫂EQ高班




早前太陽娛樂老闆兼人夫周焯華(洗米華)被爆撻着混血模Mandy Lieu,之後大婆小三隔空大戰,正印陳慧玲同Mandy先後都傳出大肚消息,周太經常喺網上箍實老公晒恩愛。日前洗米嫂單拖出席仁愛堂總理周年慈善餐舞會,雖然公關一早講咗話周太唔做訪問,但當洗米嫂到場時,記者都一擁而上,佢好大方咁企定定俾傳媒朋友影相,仲好有禮貌咁話:「我今日唔做訪問喇!」有記者追問佢大肚着住6、7吋高踭鞋,有冇問准老公?又有記者話Mandy Lieu都傳有咗BB,不過洗米嫂只係keep住微笑,一律冇回應,EQ認真高!