港姐

點止雷莊𠒇一個? 唔留戀娛樂圈港姐冠軍仲有佢哋!

按照慣例,香港小姐冠軍一般都有一年時間要代表香港出戰世界性嘅選美比賽,以及出席其他宣傳香港嘅活動,之後先有機會返大台拍劇等。雖然大部分嘅港姐冠軍做咗一年卸任後都會選擇繼續同TVB簽約,但亦有人會選擇唔續約,甚至離開娛樂圈,而且更有人喺一年間就被TVB罷免解約!

撰文:東方新地|圖片:新傳媒圖片庫

2018年港姐冠軍 雷莊𠒇

喺前幾日,上年港姐冠軍雷莊𠒇出席「2018香港小姐競選」記者會時,公開宣佈話自己卸任後,就會返回加拿大生活及尋求工作機會,決心離開香港。
港姐
港姐

之前佢接受訪問時就表示:「香港嘅節奏唔係咁適合自己,其實本身都諗住返嗰邊發展,選嗰晚都講咗一句想去荷里活發展,喺香港玩咗一年,時間過得好快,會好唔捨得化妝、梳頭同工作人員,好鍾意同佢哋傾偈。」

港姐
喺今年嘅《萬眾同心公益金》中,雷莊𠒇都有份表演。

據悉,雷莊𠒇同TVB嘅合約去到12月先正式完約,但就會喺今屆港姐(9月)完結後,離開香港追尋自己嘅演員夢,相信到時TVB唔會留難佢。

2008年港姐冠軍 張舒雅

講到2008年港姐冠軍張舒雅,係史上有名嘅「最Hea港姐」,仲係難得一見被罷免嘅港姐。當年佢以黑馬大熱當選,仲要以180cm嘅身高成為歷屆最高嘅港姐,而令人對佢留下印象。但佢當選後就向TVB申請因病而不出席任何活動,之後更稱因為累,而退選世界小姐及國際中華小姐競選,咩都無做咁滯。

但紙包唔住火,佢其後被傳媒影到常常出入娛樂場所,結果令TVB震怒,仲決定罷免佢嘅工作,將佢雪藏,亦令下一屆嘅港姐冠軍冇咗上屆嘅加冕,認真經典。

2002年港姐冠軍 林敏俐

林敏俐係2002年嘅港姐冠軍,並代表香港出戰2003年度國際華裔小姐競選,奪得亞軍。但其後佢選擇急流勇退,據知佢離開娛樂圈嘅原因係因為參選港姐前已經喺美國完成3年嘅大學課程,所以要回美繼續學業。

不過,亦有傳林敏俐因要接手亡父嘅生意,佢父親生前曾係香港著名成人雜誌《龍虎豹》出版業者林國光,為照顧居美嘅媽媽和兩個妹妹,所以先會回美國。至於邊個原因先係真,相信佢自己先知。

林敏俐一家人。

2000年港姐冠軍 劉慧蘊

劉慧蘊係2000年嘅香港小姐冠軍,當年佢更係四料得主,包括:香港小姐冠軍、最上鏡小姐、國際親善小姐和最具新世紀風采小姐。但一年後,TVB並冇同佢續約,而當年同屆嘅亞軍和季軍一樣冇續約,罕有咁同一年三個港姐都唔續約。

1997年港姐冠軍 翁嘉穗

1997年嘅港姐冠軍翁嘉穗係個四料冠軍,包括:香港小姐冠軍、最上鏡小姐、東方美態大獎和都會魅力小姐。

而佢唔續約嘅原因非常簡單,就係因為佢其後嫁咗俾佢大20年嘅七海化工集團有限公司主席鄔友正,之後做個幸福少奶奶,生活無憂。

做咗少奶奶,就緊係唔洗續約啦~
翁嘉穗而家都仲好省鏡!

1986年港姐冠軍 李美珊

1986年香港小姐冠軍李美珊,係紐約大學生物系碩士畢業生,係當時第一位碩士生港姐冠軍,但當選後冇同TVB簽約,因為佢要回美繼續讀完正在修讀嘅課程。而家長居國外嘅李美珊,有時都會回港出席活動,而且亦係慧妍雅集嘅會員。

延伸閱讀:

港姐17號係最幸運號碼 歷屆出過6位冠軍!

2018港姐冠軍 17號陳曉華

2018年港姐冠軍正式誕生, 由賽前大熱之一的17號陳曉華(Hera)奪得!

港姐

港姐
亞軍20號鄧卓殷、季軍7號丁子田。

|決賽表現夠平均

陳曉華決賽當晚表現唔算最亮眼,但勝在夠平均,同埋本身條件實在係強勁!

港姐

港姐

港姐

17號佳麗陳曉華奪冠前一直都係大熱,決賽當晚陸永就曾講過一番話,佢話17號原來係個幸運號碼, 因為係歷年最多次當選港姐冠軍的號碼!睇番資料,原來咁多年來共有六位17號佳麗當選港姐冠軍,單單係近六年已經有三位啦!

港姐

|2013年冠軍陳凱琳

2013年港姐冠軍陳凱琳(Grace),當年Grace以171,477觀眾選票當選,佢當年係17號佳麗!

港姐
當年亞軍蔡思貝、季軍劉佩玥

一年後陳凱琳代表香港參選《國際中華小姐》,最後同樣以大熱姿態奪冠,係歷來第三位奪冠的香港佳麗,厲害!

今月榮升鄭太

陳凱琳選美後加入TVB,幾年來都拍過唔少劇集,但最重要都係拍攝《殭》時邂逅比自己年長22年的鄭嘉穎!陳凱琳與嘉穎今月12日於峇里舉行婚禮,「父女戀」開花結果!

上星期陳凱琳與鄭嘉穎首次夫妻檔出席活動,閃死人!

|2012年冠軍張名雅

陳凱琳的前一屆冠軍師姐、2012年港姐冠軍張名雅,原來又係17號佳麗!不過當年港姐首次以全民投票選出,點知最後關頭,網上投票系統伺服器發生問題,令本來應該屬冠軍的朱千雪失落寶座,令張名雅感覺未算實至名歸?

港姐
當年亞軍黃心穎、季軍朱千雪,在大台發展都比張名雅更順利。

12月再生B

雖然演藝事業唔算大紅大紫,但張名雅家庭生活就非常幸福啦!早年同律師老公Joe結婚後,火速造人成功,誕下兒子Mario,依家囝囝已經1歲。上月張名雅出席劇集《BB來了》活動時,宣布透露已懷了4個月身孕,BB將於12月出世,佢坦言今次是意外懷孕,知道後非常驚喜!

看似一家三口,其實係一家四口至真!

|1989年冠軍陳法蓉

近六年已經出了三位17號港姐冠軍,依家講番遠少少先!現年50歲的陳法蓉為1989年港姐冠軍,當年同樣係17號!

港姐
陳法蓉近年都較少出席公開活動,不過次次出場都係咁明豔照人!
港姐
陳法蓉拍埋年輕廿幾歲的麥明詩度,一啲都唔輸蝕!

|1984年冠軍高麗虹

之後到1984年港姐冠軍高麗虹,當年佢又係17號,呢位中澳混血兒同時係當年「最上鏡小姐」得主。

港姐
與影壇大哥洪金寶1995年結婚至今。
高麗虹、洪金寶與洪天明、周家蔚一家合照。

|1978年冠軍陳文玉

最後係40年前的港姐冠軍陳文玉,佢當年又係17號~

|9號、10號佳麗從未當選冠軍

今年港姐決賽當晚,陸永除了道出17號為歷屆最多港姐冠軍的號碼,同時稱9號和10號是從來未有成功當選!其中一個最接近冠軍寶座的9號,就屬2014年港姐亞軍王卓淇!

|2014年港姐亞軍王卓淇

港姐
當年冠軍邵珮詩、季軍何艷娟
港姐
王卓淇今年亦有出席港姐決賽。

|2009年港姐亞軍李姿敏

而另一位就係2009年亞軍10號李姿敏,佢10年卸任港姐亞軍後就離開TVB,2017年8月與澳洲籍練馬師賀賢在澳洲結婚。相信大家對佢印象都唔深。

港姐
李姿敏與08年港姐亞軍陳倩揚。
港姐
2009年港姐三甲,冠軍劉倩婷、亞軍李姿敏、季軍熊穎詩。呢屆都可算係近年觀眾最無印象的一屆?

關鍵詞
翁嘉穗