港產韓星

盤點6個韓國練習生出道的香港人 港產韓星唔易做!

最近播出嘅《一個因去跳舞》,Mandy就以36歲之齡到韓國成為練習生,更成為大家茶餘飯後嘅話題之一 。事實上,近年韓風盛行,而且唔少人為踏上星途都決定到韓國一試,而當中的確有幾位成功出道成為港產韓星,你又知唔知?

撰文:東方新地|圖片:TVB節目截圖、instagram、新傳媒圖片庫

黃智雯超齡韓國高中生

36歲嘅黃智雯(Mandy)畢業於香港演藝學院舞蹈及戲劇系,係個真正受過舞蹈專業訓練嘅藝人。最近播出嘅《一個因去跳舞》,Mandy就以36歲之齡到韓國成為練習生,真係少啲勇力、力氣都真係完成唔到呢個任務!

港產韓星

港產韓星

Mandy喺節目中一共去咗SM、JYP、FNC、CUBE與Jellyfish 5間公司進行面試,節目第一集就播出SM、FNC與Jellyfish嘅面試過程,

眾所周知,韓國訓練生制度嚴厲,練習從小訓練多年先會有出道機會,Mandy喺第二集就去到名校翰林演藝藝術高等學校做超齡高中生!

期間,Mandy挑戰自己從未試過的Wacking與Locking,最後又與同學一起跳K-POP,但不停甩Beat跟唔上進度,最後更爆喊話壓力好大!

Mandy成功完成所有舞步與走位。Mandy更禁不住流淚,話壓力很大,怕跳錯會影響其他同學。

盤點6個港產韓星

|王嘉爾

本為香港男子劍擊(佩劍)代表隊隊員、24歲嘅王嘉爾(Jackson)2011年通過JYP公司喺香港嘅選拔,為咗音樂夢想,放棄參加倫敦奧運會,一心去韓國成為旗下練習生!長達兩年半嘅練習生生涯,14年以韓國男團GOT7成員出道,並大受歡迎。

N

跳得又唱得嘅Jackson於17年宣佈喺中國成立個人工作室,並不時中韓兩邊走之餘,仲要四圍飛出席唔同地方嘅活動!為工作及音樂忙個不停嘅Jackson絕對可以話係個成功嘅港產韓星!

|莊錠欣

20歲嘅莊錠欣(Elkie)係韓國女團CLC成員之一,本為香港童星,2015年成功成為Cube娛樂海外公開選秀繼而成為練習生。

16年加入已出道韓國女團CLC,上年11月兼出道3年,則成為團內首位成員推出首張個人單曲,加上早前又成為首個拍攝韓劇嘅港人韓星,所以Elkie喺韓國嘅發展都叫唔錯!

|張羽希

張羽希(Venus)係近年首位於韓國出道嘅跳唱香港藝人,Venus早年簽約韓國 KPOP united唱片公司,並於韓國接受練習生訓練接近4年!

其後與金泰均(Danny)組成中韓組合Forever Love出道,因有荷李活演戲經驗,故有助Venus於韓國演藝圈嘅發展。

|黃旭熙

就快20歲生日嘅中泰混血兒黃旭熙(Lucas)因2015年參加SM娛樂喺香港舉行嘅選秀會,而成為旗下練習生。上年2月於韓國以分隊NCT U成員之一出道,係首位喺SM娛樂出道嘅港人!

上年,NCT成立中國子團WayV,Lucas更喺團體照中企正正中間,明顯備受重視!

|顏卓靈

25歲嘅顏卓靈(Cherry)憑電影《狂舞派》成名,不過大家可能未必知原來Cherry未成為演員前,原來曾通過JYP娛樂喺香港選秀會!

Cherry當時於選秀會嘅2千人中成功脫穎而出,不過最後拒絕去韓國做練習生嘅機會!

延伸閱讀:

盤點11位2019年退伍韓星

1. 周元

周元曾經出演過《Good Doctor》、《龍八夷》等人氣劇集,預計在2月15日就可以看到他的身影了!

退伍韓星

據知他是軍隊的中的模範生,除了在基礎軍士訓練所獲得第一名外,也在江原道的白骨部隊擔任助教,相當厲害!

2. 池昌旭

同樣隸屬於白骨部隊的池昌旭,預計將在5月13日退伍。

池昌旭接拍過很多動作類劇集,如《Healer》、《The K2》等,不知道當兵後會不會繼續接拍動作類劇集,場面會不會更好看呢?

3. 任時完

任時完是偶像團體「帝國之子」出身,除了唱歌,他於《未生》中的表現也是相當出色!

任時完17年7月入伍,預計將在4月10日退伍,相信大家好快可以見到他再次出現於螢幕前!

4. 李敏鎬

長腿oppa李敏鎬因曾經遇上交通意外導致腿部有傷,所以不能當兵,最後他去了社會福利部擔任社會服務要員,預計將在5月11日退所。

過去李敏鎬因《花樣男子》、《城市獵人》、《繼承者們》、《藍海傳說》等劇而人氣高漲,他的退伍也讓人十分期待!

5. 圭賢

Super Junior的「忙內」圭賢則預計在5月底退伍,相信大家都好期待他的回歸!

皆因圭賢是團內最後一名當兵的成員,他的回歸也代表著Super Junior的全員回歸了。

6玉澤演

玉澤演雖然曾接受過脊椎手術,可以不用以現役身份當兵,但他還是堅持以現役身份入伍,預計他將在6月3日退伍。

作為2PM成員之一,澤演不單於歌唱事業投放心力,同時亦在影視方面發展,雖然他不與JYP續約了,但也不會退出2PM。

7. 金秀賢

金秀賢入伍的時候很多粉絲都表示十分傷心,而他預計是在下年的7月退伍。
N N

金秀賢憑著《擁抱太陽的月亮》、《來自星星的你》、《盜賊們》等作品而晉升「國民男神」,「都敏俊」一角更是深入民心,幾乎無人不知!

8. 姜河那

姜河那在17年9月入伍,其後進入陸軍訓練所,並在基礎訓練結業式上被授予最佳訓練兵號,預計在明年6月退伍。

大家對他印象最深大概是《繼承者們》孝信學長一角及《步步驚心:麗》中演的八王子,入伍前的《青年警察》也讓人印象深刻,但要再看到他的演出就要再等一等了。

9、10、11 .BIGBANG GD、太陽、大成

BIGBANG的3位成員:GD、太陽和大成分別於17年2月及3月入伍,預計在今年10-11月3人就能出現在大家面前了。

可惜BIGBANG要再次合體大概還要再等一兩年,因團中勝利還未入伍,而預計入伍時間則會在今年。

關鍵詞
黃智雯