熊黛林

熊黛林陀五個月慈姑椗 老公叩頭還神

熊黛林15年嫁家族擁百億身家的郭可頌,肩負幫郭家開枝散葉重任,兩公婆努力一年,上年11月終於宣佈有喜!由於37歲高齡陀B,奶奶更緊張到日日煲湯去兒子屋企睇實新抱。不過熊黛林不時都搵老公陪伴外出鬆一鬆,早前就加埋腹中B仔享受三人世界迎新年!

據知去年中,熊黛林同老公曾到荃灣龍母廟跪叩求子,現成功陀住五個月慈姑椗,故日前郭可頌聯同親友帶埋燒肉果籃等祭品,到龍母廟叩頭還神,為未出世的兒子祈福。

最新娛樂資訊