王敏奕

王敏奕演最索女飛虎 仲係出名孝順乖女

最新娛聞

廣告

《飛虎之潛行極戰》中有多位猛男演出,不過最吸引到小編的,絕對係女飛虎隊員王敏奕!巾幗不讓鬚眉呀!26歲的王敏奕靚女不在話下,而且身材索爆,仲係個好錫家人的孝順女!難怪男朋友曾國祥咁冧佢~

撰文:東方新地|圖片:新傳媒、劇照、IGwongmanyik

王敏奕演最索女飛虎

TVB日前播出與邵氏及優酷合拍的《飛虎之潛行極戰》,演員陣容鼎盛,包括有苗僑偉、黃宗澤、吳卓羲、張兆輝及王敏德多位猛男主演,而王敏奕就係飛虎隊唯一一個女隊員。今次王敏奕放下一貫斯文靚女的形象,親身上陣拍攝大量動作場面,叻女!

清純外表夠煞食

王敏奕今年只係26歲,擁有標緻五官,清純外表夠煞食,14歲時已經做模特兒出道,做模特兒期間拍過唔少廣告。之後慢慢進軍幕前,近年都拍過唔少電影,不過比較為人認知的應該都係2014年《女人俱樂部》!

經典廣告記唔記得

雖然一向唔係行性感路線,不過王敏奕身材其實相當有睇頭,偶爾一露更吸引!尤其當年嗰張火紅泳衣廣告照,真係睇到小編… 好想買多幾枝!

女神心早有所屬

可惜過女神心早有所屬,同曾志偉大仔曾國祥拍拖四年幾,人前人後sweet到爆。雖然近年曾國祥專注在台灣發展,兩口子聚少離多,不過感情穩定,志偉都當佢係新抱仔㗎啦!

14歲開始幫補家計

王敏奕自小與家人住在柴灣公屋,與曾國祥拍拖後一直同居。早前本刊記者曾拍得王敏奕在柴灣公屋出入,幫手湊尚在讀小學的細佬及幫母親去超市入貨。話說王敏奕身為家中長女,14歲就開始搵錢幫補家計,照顧同母異父的細佬。近年佢搵錢多了,家人生活有所改善,去年亦有請母親及細佬去日本旅行,係圈中出名的孝順女。

演學生妹無得輸

唔少女藝人都演過學生妹,不過唔係人人扮得好,但王敏奕就無得輸啦!去年青春電影《初戀日記:賤男蜜擾》中上映時,王敏奕頻頻喺IG晒學生妹劇照,有啲穿起校服展示pure一面,又着體育衫Show性感長腿,張張都影到好似寫真咁,認真令人流鼻血!

少女版李麗珍

其實王敏奕早年喺《女人俱樂部》亦有好大發揮,飾演年輕版朱莉(李麗珍飾),劇中都有頻頻穿上校服,仲要係旗袍裙!無論係西裙定旗袍裙,佢都輕易駕馭到!網民都覺得佢有幾份似李麗珍,甚至比李麗珍更加適合朱莉呢個角色。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!