盛傳跟洪永城分手 唐詩詠含淚回應

今日藝人袁偉豪、 唐詩詠 、黃長興及朱晨麗等現身將軍澳電視城,出席TVB新劇《棟仁的時光》造型及拜神儀式,焦點自然落在近日盛傳與男友洪永城分手的詩詠,詩詠回應時不斷迴避,只係話兩人需要時間,並會喺適當時候公布,講講吓更眼泛淚光!究竟佢同洪永城發生咩事呢?

袁偉豪擔正男一

袁偉豪今次在劇中飾演男主角棟仁,佢表示自己喺劇中會四出揾人錫,以吸取其他人的時間,不過竟然冇機會錫女主角唐詩詠!

至於詩詠今次就飾演一名救護人員,佢今日理所當然地以制服造型示人,仲透露同其他演員會有人工呼吸的場口!

唐詩詠 洪永城 避談感情事

日前詩詠36歲生日,但喺社交網站上的照片可見,只有黃翠如、杜汶澤夫婦及林德信等一大班朋友為佢慶祝,而詩詠宣傳新劇《不懂撒嬌的女人》時,更直言洪永城冇送生日禮物俾自己,封口唔回應感情事,叫記者去問番男方;及後洪永城被追問兩人感情生變一事,佢就以趕開工為理由唔願多講,全程強顏歡笑,話遲啲先講!

唐詩詠:「需要多一啲時間」

詩詠今日接受訪問時,先係多謝外界關心,但就一如洪永城所講,兩人需要多一啲時間,有共識會喺適當時候先公布。而且想等洪永城先講,因為對方講過會喺適當時候出聲。另外詩詠又叫大家唔使擔心,唔需要有太多揣測。

螢幕快照 2017-05-12 下午5.55.57 螢幕快照 2017-05-12 下午5.56.28

螢幕快照 2017-05-12 下午5.57.41

眼泛淚光苦笑

雖然眾人一直追問,不過詩詠堅持沒有多講,只係一直重複佢同洪永城需要時間,希望大家俾空間佢哋。不過講吓講吓,詩詠對眼就愈來愈紅,眼泛淚光,不斷努力擠出苦笑… 話佢同洪永城冇事都冇人信啦!

螢幕快照 2017-05-12 下午5.57.42

螢幕快照 2017-05-12 下午5.57.54

全文完