ft pic

真人騷好搵 陳敏之想夫妻檔吸金

現時陀住B仔嘅陳敏之開始見肚,加上又係第一胎,身邊朋友同老公都非常緊張,對敏之照顧有加。開始逐漸減產,敏之近期多數約朋友飯局,或者安坐家中睇電視消磨時間。唔知係咪冇工開太悶,敏之日前突然公開在微博向深圳衛視自薦,開到口想參加真人騷《極速前進》,睇嚟想賺下人仔做奶粉錢喎!

延伸閱讀︰

囝囝暗黑料理賀楊千嬅結婚7周年

好期待!翠如永城拍劇 咀戲床戲連場

早前錄完最後一集《Sunday好戲王》嘅敏之,近期唔使開工,大把時間煲劇睇電視。日前敏之忽然自爆愛上睇真人騷《極速前進》,仲唔介意公然搲撈,「我真的超愛看!希望有機會同老公一起去玩這些真人Show!」仲要tag埋節目官方微博添!

其實呢個節目一向愛搵港星參加,第一季有陳小春夫婦、鄭伊健、鍾漢良;第二季有丁子高楊千嬅、曾志偉父女同G.E.M.,而今季就只得霍啟剛一個香港人。

有冇得搵人仔仲係未知之數,但敏之近期母性大發,周圍搵細路陪玩,唔通開始練習點湊B?

全文完