石修

【鐵探】石修患怪病3年體重暴跌45磅 感激秋官出手救一命

近期無綫重頭劇《鐵探》廣受好評,劇內幕前幕後都有強大陣容,追看性十分高。早前登場嘅石修喺劇內飾演警務處處長,一出場就霸氣盡現,觀眾除咗大讚佢嘅演技,仲大讚現年70歲嘅石修keep得好好!其實石修一向都畀人一種正氣嘅感覺,除咗有型之外,其實佢仲係一個十分專一嘅好男人!但原來石修早年曾患怪病,個病困擾佢3年,體重暴跌45磅,幸而得秋官出手救一命!

原文刊於:Sunday Kiss|編輯:東方新地|圖片:電視截圖、Instagram

石修演「一哥」霸氣盡現

現年70歲嘅石修原名陳碩修,8歲就做童星,至今從影已經60幾年。石修近日喺《鐵探》中登場,佢喺戲內飾演警務處處長郭展亮,一出場就已經超有「一哥」氣勢。其中一幕,講述石修喺醫院中槍昏迷嘅袁偉豪,途中目睹許紹雄同班同事發生爭執。

石修
石修喺《鐵探》中飾演警務處處長郭展亮,一出場就已經超有「一哥」氣勢。

石修了解事件始末之後,決定將許紹雄調返警察學院,順道「溫故知新」,叫觀眾大快人心!

石修
石修了解事件始末之後,決定將許紹雄調返警察學院

石修

為人正氣 對太太非常專一

一向都畀人一種正氣嘅石修,其實現實中係一個十分專一嘅好老公。石修喺19歲嘅時候邂逅太太黃茹麗,女方當年只得14歲,係佢好朋友嘅妹妹。二人拍拖10年後結婚。石修曾經喺訪問中透露,同太太結婚時只採用最簡單嘅儀式,兩個都只係著便服到婚姻註冊署註冊,就連註冊官見到都笑。結果,有傳媒向佢反映結婚唔可以冇結婚相,就組團幫佢兩公婆到新娘潭瀑布下影相。

石修
石修當年同太太結婚時只採用最簡單嘅儀式,結果,有傳媒組團幫佢兩公婆到新娘潭瀑布下影結婚相。

入行多年零緋聞

好多人都話做戲好容易同對手發生感情,不過,石修從影咁多年都係零緋聞。石修曾接受訪問時透露,有時拍劇都可能真係有「錯覺」出現,但拍完之後假象就會慢慢消失,所以絕對唔會有緋聞出現。

石修
石修同太太

此外,佢亦好感謝太太多年嚟陪佢渡過了不少難關。石修曾一度患上消化系統怪病3年,胃部突然失去消化能力,即使食菜都消化唔到會原條排出體外,一個月內更暴跌差唔多40磅,但太太喺患病期間對佢不離不棄。後來,石修經鄭少秋介紹,認識咗一位太極師傅,仲陪佢練太極,令石修嘅病情慢慢有好轉,最終戰勝病魔。石修早前電台接受訪問透露,當年拍《楊門女將》前,原來他一度患上消化系統怪病三年,他說:「到依家都唔知病因,就係個胃忽然失去消化能力,食咩都消化唔到,當時我食一條菜,就會原條排出體外。我喺一個月內,體重由150磅跌落105磅,連行步路都冇力。」

當時他和太太遍尋名醫、吃很多藥都不能治愈,正當二人絕望時幸得「救命恩人」鄭少秋出手相助:「呢個真係個緣分,有一日阿秋同我講:『阿修!我認識九龍仔公園嘅一個太極師傅,好犀利㗎,不如我哋去試試啦』然後,阿秋帶我搵嗰個師傅。阿秋好好!要知佢嗰時有幾忙?佢陪咗我一星期,每日朝早六點幾就帶我去打太極。然後真係好神奇!打咗一星期多太極,全身關節都變暖,食欲又開始增多,漸漸開始回復消化能力。三個月後,個怪病現象就唔見咗。」至今石修仍指秋官是他的救命恩人,他說:「佢救咗我條命,真係好感謝阿秋!」

石修透露,佢喺屋企有個習慣,就係會同屋企人咩都有商有量,所有嘢都會一齊傾,令家人關係十分融洽,亦係同太太嘅相處之道。佢仲表示,因為多年嚟經歷多咗,同太太嘅關係變得密切,大家都十分珍惜彼此嘅關係。

石修
演員石修從影超過六十年,在電台錄音訪問暢談當年,原來石修十九歲認識當年十四歲的太太,二人交往九年才結婚,他感謝太太陪他渡過不少難關。

廿四孝爸爸 為兒子放棄演戲

石修同太太於1979年誕下陳宇琛(Sam)。到Sam十歲時,石修為咗畀Sam有個好嘅成長環境生活,決定放棄自己嘅演藝事業,舉家移民加拿大,並改為經營鋁窗工廠多年。直到Sam成年,石修先再投身返拍戲,絕對係廿四孝爸爸!

石修
石修同太太於1979年誕下陳宇琛(Sam)
石修
石修同Sam父子感情深厚,關係超好!

重溫70歲石修歷年影視風采

62年 童星扮牛仔

1958-64年做童星嘅石修,62年首次拍國語片《鍍金世界》夥拍關之琳老竇關山,片中呢個西部小牛仔造型,有型又有格。

68年 偷食小丈夫

石修喺電影《聰明太太笨丈夫》中演小鮮肉丈夫,同一班好色之夫如曾江等人商議成立「 丈夫走私協會 」,東窗事發後成為老婆奴。

76年 叛逆富家子

76年無綫改編瓊瑤同名小說劇集《心有千千結》,講述李琳琳演嘅護士同石修演嘅叛逆富家少爺之間愛情故事,過程轟烈又充滿波折。

79年 至型花無缺

79年石修喺古裝劇《絕代雙驕》演花無缺,造型優雅中帶帥氣,飄逸又俊朗,係至型嘅花無缺。

81年 正義棄富貴

石修喺81年劇集《火鳳凰》演鄭裕玲前度,為正義棄富貴,大義滅親出庭頂證富家子兼大舅苗僑偉誤殺妻子陳秀珠,最後仲同周潤發爭Do姐。

81年 剛猛洪熙官

81年TVB劇《英雄出少年》,由石修飾演洪拳始創人洪熙官,洪拳以剛猛勇悍見稱,修哥耍起上嚟亦勁度十足、似模似樣。

82年慕容復爆紅

82年版《 天龍八部 》石修演慕容復,風度翩翩、氣宇軒昂、高傲俊美,被譽為「永遠的慕容復」而紅遍中港台,套劇83年台灣大 hit,爆紅嘅修哥於84-86年間到台灣發展。

85年 戀上藍潔瑛

石修85年偷閒回港拍劇,喺《六指琴魔》中演玉面神君東方白,同藍潔瑛大婚之日,六指琴魔以琴音令由吳啟華演嘅東方白徒弟亂了性而同藍潔瑛親近,三人關係亂到九彩。

86年 返娘家弄權

86年石修由台灣返港回娘家無綫,隨即參演集周年台慶劇《黃金十年》,佔戲頗重,劇中為人工於心計,為奪權不惜玩弄感情。

87年 型到爆刑警

石修喺警匪劇《大班密令》演除暴安良,殲滅國際性罪行嘅國際刑警,西裝骨骨,左手插褲袋右手揸槍,係至型嘅國際刑警。

01年 演荷李活片

01年石修參演由嚴浩執導嘅中美 合拍荷李活電影《庭院裡的女人》, 《蜘蛛俠》「綠魔」威廉達福演嘅30年代家庭教師竟然愛上石修太太,而石修個造型望落真係幾似方力申。

《鐵探》10大追劇懶人包率先睇

《鐵探》故事大綱

故事講述警探尚垶袁偉豪 飾)是警隊的明日之星,但在一次的任務行動中,他為救同袍而被游秉高(姜皓文 飾)錯手從旁開了一槍,傷及頭部而昏迷。甦醒後他患上創傷後遺症,以致半身不遂,隨後更發現患有癌症。但尚垶沒有因此而退縮,反而一邊復健一邊查案,由於屢破大案,故被稱為「鐵探」。

鐵探

 

鐵探

1.幕後監制、編審精於創作警匪劇本

無綫重頭劇《鐵探》是由著名監製蘇萬聰、編審朱鏡祺和劉小群聯手打造,三人曾於2014年時合作推出《警界線》,當年大受好評。而蘇萬聰早在做編審時期,便已有份參與《刑事偵緝檔案》四部曲、《潛行狙擊》,而近年的《使徒行者2》、《使徒行者3》均是由他擔任監製,絕對是信心的保證。

鐵探
蘇萬聰

2.採用全實景拍攝

劇集全都是實景拍攝,主力放在最為港人熟悉的油尖旺區,務求採用電影手法模式,拍出地道港產片的味道。

鐵探

 

3.惠英紅相隔8年再拍劇

三屆金像影后惠英紅自2010年劇集《巾幗梟雄》後,再次重返無綫拍劇。在戲中飾演總警司萬晞華的紅姐,一直都有野心成為警隊首位「一姐」,但後來因其所屬的臥底游秉高(姜皓文 飾)不滿萬晞華作風,背棄與她的承諾並反目成仇,還一度用槍指向萬晞華,直接大鬧「你為咗上位,仲要幾多人墊你屍底呀」。

 

4.姜皓文首次參演無綫劇集

1986年入行的姜皓文之前是A記演員,之後又主力拍電影,這次是他首次參演無綫的劇集!在戲中原是一名警察,後來被萬晞華安插到黑幫賊王山狗(林偉 飾)身邊作臥底,角色亦正亦邪,當中他與盧宛茵之間的母子情最為人感動。

 

5.袁偉豪為劇集激減體重

作為主角的袁偉豪是次為劇集犧牲了不少!皆因他劇中角色尚垶的生活十分坎坷,先有頭部中槍昏迷,後患上創傷後遺症,以致半身不遂,當以為情況好轉時,又驗出有癌症。由於劇中需要,袁偉豪要在三個月內激減20磅,更脫水變成人乾。

鐵探

6.每個角色背後都有傷痛故事

除了以上主要角色外,其他演員亦有不同的故事,如由蔡思貝所飾演的招喜悅,因飽受童年陰影而影響人生;黃智賢飾演的程宇森是個下半身不遂的總警司;姜皓文飾演的游秉高因左手神經線損毀而全沒有知覺等。

7.警隊高層角力鬥爭

《鐵探》除了主力講袁偉豪所飾演的尚垶個人故事外,另一推介必定是警隊高層的角力鬥爭、下屬的服從、警隊挑戰司法制度等,都是無綫劇中較為少見的題材。當中紅姐所飾演的萬晞華與許紹雄所飾演的簡國曙為上位暗地裡開戰,為權力拼得你死我活。

鐵探

8.低層向高層挑戰

有高必有低!由於萬晞華(惠英紅 飾)為了上位不擇手段,令一眾下屬都大為不滿,欲意向高層挑戰。之不過,在向來講求服從性的警隊之內,要挑戰上級都是一個嚴重的問題。

鐵探

9.賊王山狗

近年甚少於幕前露面的林偉今次在劇中飾演賊王山狗,因多年前禁錮和用行刑方式殺害萬晞華的大仔邱勵進(洪永城 飾),而被萬晞華恨之入骨,從而派游秉高(姜皓文 飾)作臥底,潛伏在山狗身旁。

鐵探

10.5條感情線

該套劇集中一共有兩條親情線、三條愛情線:

親情線方面:萬晞華分別有邱勵進(洪永城 飾)、邱勵傑(楊明 飾)兩個兒子,但因為賊王山狗(林偉 飾)殺害邱勵進,令萬晞華忍受喪子之痛外,還對山狗恨之入骨。為了幫兒子報仇,特別派游秉高(姜皓文 飾)作臥底,潛伏在山狗身旁。與此同時,游秉高因臥底的身份,而錯失許多與患上腦退化症的媽媽(盧宛茵 飾)的相處時光,可以預料劇中會有不少兩人之間的感人場面。

至於愛情線方面,尚垶(袁偉豪 飾)為做警察,犧牲與未婚妻楊曉怡(王君馨 飾)和女兒的關係,到後來因受槍傷,感受到家庭的重要,所以在康復時用盡方法來挽救家庭;邱勵傑(楊明 飾)和招喜悅(蔡思貝 飾)發展出超越操控員與臥底的關係,但自小受媽媽萬晞華薰陶的邱勵傑,為盡己任而決定將該段感情劃清界線;蘇慧雅(陳敏芝 飾)和半身不遂的程宇森(黃智賢 飾)是一對警司夫婦,但由於蘇慧雅前夫簡國曙(許紹雄 飾)不斷用賤招來離間他們的關係,令三人從高層警隊鬥到私人感情。

鐵探