福爾摩師奶

【福爾摩師奶】終極劇透揭「開膛手」唔止一個人!呢兩個人相當有嫌疑⋯

由陳松伶、黃智賢、陳煒、江嘉敏、陳瀅等主演的無綫懸疑查案劇《福爾摩師奶》,今星期進入結局篇,劇情愈來愈緊張!一開始套劇最大懸案「開膛手」亦將有答案,劇情先後出現多個嫌疑人物,而林韋辰係最大嫌疑嘅一個,之但係劇情將會交代佢會死去。

連佢都死埋,咁到底誰是真兇?其實愈似有嫌疑,愈有可能不是真兇,以下兩個先係最大嫌疑人!

 

撰文:東方新地 圖片:新傳媒圖片、劇照

最大嫌疑「開膛手」林韋辰死咗!

《福爾摩師奶》的「開膛手」參照英國連環殺手「開膛手傑克」事件,由陳松伶的爵士夫人祖迪費查化身「女福爾斯」將真兇緝拿。之前最有可能是開膛手嘅嫌疑人喬局紳(林韋辰飾)會喺第23集(3月27日播出)身亡,「開膛手」身份難道真的另有其人?

大家認定林韋辰飾演嘅喬百川為人好陰險,大家都覺得呢個人相當有嫌疑!

百川命素嘉射殺菲臘,祖迪等人趕至,百川逃去,之後再擄走素嘉,眾人連夜尋找,游池發現素嘉昏倒在沙灘,百川失蹤。

原來出事當晚,百川帶埋素嘉上船走佬,但二人喺船邊起爭執,預告片見到陳瀅仲拎住碌棍,之後雙雙墮海。

二人在岸上打起上來,但最後百川死咗,陳瀅冇事,邊個係兇手唔使劃出腸啦!

林韋辰:「你係咪想試吓畀人開膛嘅滋味!」

陳瀅逃至岸上,被追趕而至的百川追殺,百川更爆咗一句:「你係咪想試吓畀人開膛嘅滋味!」睇嚟佢真係開膛手!

德英(徐榮飾)發現喬局紳(林韋辰飾)屍首,更在沙灘搜查到素嘉的破爛衣袖,德英發現了素嘉不可告人的秘密,結果畀素嘉滅口!

 

 

魏素嘉 也是最大嫌疑人

睇番由一開始陳瀅飾演的魏素嘉,最初出現時是一名又靚又純藝術家,但隨住劇情發展,原來佢嘅性格愈來愈黑暗面,仲被陳松伶踢爆佢曾經做菲臘(布偉傑飾)的情婦,之後交代佢做交際花,原來收埋好多唔見得光的秘密,角色相當神秘!

 

熊財都是嫌疑人?

不過大家都唔好忽略,船運公司老闆及殯儀業龍頭、人稱陰司財的熊財(鄭敬基飾),劇中陰司財壞事做盡,他販賣神仙水令油麻地街坊染上毒癮,他表面與白羅拔(杜大偉飾)同舟共濟,背後卻在白羅拔的酒中加入神仙水,令他產生幻覺而錯手殺死白牡丹,變成「假開膛手」!


喺第二十五集(03/29)大結局一集,劇情會講到鼠疫肆虐,疫苗短缺,政府下令封城,擁有「真疫苗」的熊財散播鼠疫病毒,並自製假藥發配給街坊。而祖迪命熊財交出真正疫苗,逃獄的素嘉帶走熊財,匿藏貨倉內⋯

陳煒:開膛手唔止一個

大家都好想知道誰是開膛手,而有份主演嘅陳煒接受傳媒訪問時,表示唔可以開謎底,但就表示有一樣嘢講得,就係開膛手唔止一個,仲話未死嘅人都可以係開膛手!

同場加映:《福爾摩師奶》改劇名 傳為遷就內地市場

《福爾摩師奶》就會接棒《荷》播出,故事以英國妓女連環殺手「開膛手傑克」(Jack the Ripper)為藍本,背景設定喺香港開埠初期。

今次劇集以陳松伶、陳煒及黃智賢三位領軍,講述首位華人爵士夫人祖迪費查(陳松伶飾),因洋人老公失勢兼失蹤,落難到品流複雜嘅油麻地,不幸捲入連環妓女殺手「開膛手傑克」案件中,更被指為疑兇而展開嘅一個故事!

追看3大原因:

|題材有追看性

今次《福》以懸疑推理為主題,過往TVB出產嘅推理劇都係收視嘅保證,例如:《法證先鋒》系列、《鑑證實錄》系列等。

《法證先鋒3》劇照
《法證先鋒2》劇照

加上,劇集未出街前,監製方駿釗更豪言:「包保觀眾估唔到!」,相信劇中唔少細節都會有所關連,唔少觀眾都應該會睇得投入之餘,仲會想不斷追看!

監製方駿釗更豪言:「包保觀眾估唔到!」

|王牌監製加持

《福》嘅監製方駿釗正係近年幾套劇集嘅收視保證,方駿釗對上嘅3套作品:、《一屋老友記》、《降魔的》及《跳躍生命線》收視及口碑都唔錯,而《跳》更於上年榮獲最佳劇集一獎,可見劇集品質應有保證。

監製方駿釗因《跳》,於上年榮獲最佳劇集一獎。

|全tvb自家製作

近年,TVB都播出唔少中港合拍劇及內地劇,如《延禧攻略》、《守護神之保險調查》等。要睇到一套百分百喺自家製嘅電視劇好似難上加難,但好在之前播出嘅《大帥哥》就自家製得嚟亦冇令觀眾失望。

延禧

而今次呢套《福》同樣嚟自TVB親自出品,雖然未知有冇品質保證,不過以自家劇嚟講都叫係令人有所期待嘅,不竟有陳松伶、黃智賢和陳煒等好戲之人坐陣!

劇名娘味濃

雖然有部分網友指《福爾摩師奶》呢個名聽落怪怪地,似乎唔太切合本地觀眾嘅口味,仲有傳聞指呢個劇名係為咗遷就內地市場而改!

《福爾摩師奶》唔通同師奶有關?

原來《福爾摩師奶》開戲時劇名係叫《危城First Lady》,而監製更否認傳聞所指,表示改名只係想加強喜劇感,想知套劇夠唔夠喜感,大家就一於今晚睇睇啦!

《福爾摩師奶》開戲係叫《危城First Lady》