簡淑兒拒發誓粉碎整容傳聞：只係妝容與角度唔同！
廣告
今日一眾無綫藝人簡淑兒、張致恒、張彥博及馮素波等，出席「big big channel麻雀王：劇鬥四方城」比賽，其中簡淑兒接受本刊時，提到其整容傳聞從未間斷，簡淑兒再次強調係因為妝容、角度等因素有別，唔會再在意呢啲閒言閒語，所以拒絕發誓粉碎整容傳聞！
簡淑兒笑自己象腿麒麟臂
簡淑兒今日代表劇集《波士早晨》參與麻雀王比賽，簡淑兒透露接下來會有著泳衣鏡頭，係自己首次在劇集中泳衣上陣！雖然唔算好性感，但自己三年前拍呢套劇時都有一點肉地，笑說如果大家想看麒麟臂、象腿都可以留意一下。
讚江嘉敏演技好又後生
另外唔少人稱簡淑兒為宅男女神，佢搞笑道做呢一行太多女神，係女星就係女神。而最近都有網民將佢同另一女星江嘉敏比較，簡淑兒話自己喺網上都有留意，但就覺得冇咩好比較，但如果自己要揀當然都揀江嘉敏！因為對方靚女、演技又好，最緊要係夠年輕，鍾意佢都好正常！
簡淑兒拒發誓粉碎整容傳聞
人紅是非多，關於簡淑兒整容的傳聞從未間斷，簡淑兒表示呢類型的新聞已經澄清了很多次，再度強調只係妝容與角度問題。雖然自己之前會有介意，但認為唔需要理會其他人的睇法，現時只需做好自己的工作。
被問到會唔會發誓粉碎傳聞，佢就表示拒絕，因為每個人都有唔同要求，唔可能一一滿足，越係在意就好似會沒完沒了。
延伸閱讀：
簡淑兒愈大愈靚 六年進化史重溫
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
