羅霖

羅霖《深宮計》演凍齡大宮女 狂呻拍通頂捱到殘

娛聞

廣告

無綫重頭劇《宮心計2深宮計》5月21日首播,52歲凍齡美魔女羅霖飾演尚宮局「一宮四司」中嘅高級宮女「徐司珍」,負責掌管珠寶首飾,同張慧儀是表姊妹,仲會畀「太平公主」陳煒掌摑!佢曾經狂呻拍劇期間要捱更抵夜,連瞓覺都冇時間,但52歲羅霖凍齡有術,依然keep住咁白滑,佢透露秘訣係⋯⋯

撰文:東方新地|圖片:新傳媒圖片庫、羅霖IG

羅霖公開呻:唔再拍古裝!

已經廿年冇拍劇的羅霖去年拍《宮心計2深宮計》期間人前人後都狂呻辛苦,更一臉疲態表示試過連續三晚通頂,又或者五日每天只睡一、兩小時。捱夜都其次,最慘係連寶貝仔都冇得見!難怪佢話以後唔再拍古裝!事實上雖然要捱更抵夜,但羅霖依然keep住咁白滑,佢透露秘訣係:早餐吃兩隻蛋白,有助結實肌肉,再加一碗粥或一碗麥皮。並且佢戒凍飲和汽水已20年,另外每星期會飲兩次南北杏冰糖炖雪梨滋潤一下。

熟女捱到殘

其實羅霖同一班「後宮」如謝雪心、張慧儀、康華及張文慈年紀都唔係細,今次除咗造型化妝花超長時間外,更要經常捱通頂,一眾熟女捱到殘晒,每次坐埋一齊休息都大吐苦水,無綫仲唔係收賣人命?

雖然飾演高級宮女,唔係妃子,但羅霖嘅造型都有低胸晒線!

宫心计2深宫计,一局四司:章尚宫、陆司制、徐司珍、南宫司设、汪司膳。💝💪#tvb
Candy Lo 羅霖「亞洲小姐,國際航空小姐」(@candylolam)分享的貼文 於 張貼

小四 so adorable!😍🐶#lovely #dog #cute #happy #pet
Candy Lo 羅霖「亞洲小姐,國際航空小姐」(@candylolam)分享的貼文 於 張貼

美魔女羅霖 出噴血寫真

正所謂薑越老越辣,已係三子之母嘅52歲羅霖,保養得宜,曾在2015年推出寫真集《Timeless》,身體力行證明畀你睇,半百之齡身形Keep得好好,出性感寫真不是後生女的專利。

不過羅霖講明呢次寫真集除左係處女作,亦都係最後一次,鍾意的少男們唯有祈求佢拍多啲性感劇集。

羅霖這本個人寫真集專誠飛到首爾取景,更請來曾為金宇彬同池昌旭等著名韓星合作嘅攝影師操刀拍攝。羅霖表示相集並無任何添加,非常natural,以真面目示人。