苟芸慧 甜蜜放閃 陸漢洋:一定會結婚!

苟芸慧 (苟姑娘)有傳好快同賽車手男友陸漢洋(William)拉埋天窗,日前兩人拍住拖出席活動,苟姑娘就要男友即場解畫!William話,一定會結婚,只係唔知幾時,因為想俾個驚喜女友,又當場讚苟姑娘好靚女。真係閃到大家要戴番副太陽眼鏡,太sweet了!

Text - Arika Photo- 新傳媒資料庫、陸漢洋Facebook

陸漢洋:一定會結婚!

苟芸慧 早前被記者追問同男友陸漢洋幾時結婚,佢話之後會同男友同場出席活動,叫大家到時問William。苟姑娘咁就推咗個波俾對方,好彩William早有預備回應,仲好冧咁話:「結婚係確定咗,一定會!」William亦直言認定咗苟姑娘係結婚對象,大家一直有共識,自己諗緊地點,只係時間未定。William又話:「我想將最好的給她,讓她有一個最甜蜜、最難忘的婚禮。」

延伸閱讀:

藐同性做咪霸 劉佩玥 麥明詩直播開火

芒實陳展鵬 單文柔向胡定欣示威

苟芸慧

 

 

苟芸慧

 

 

苟芸慧

苟姑娘sweet爆撐男友

訪問時企喺旁邊嘅苟姑娘,真係聽到心都甜埋出嚟,大讚William「平時都好浪漫、好sweet」!苟姑娘又話,William好識嘟嘴,幫佢練嘴唇甫士。咁有無練錫錫先?男友又出嚟解畫:「情侶kiss好正常啫,佢好靚,平時唔使做表情都得。」閃光彈飛來飛去,佢哋成個畫面好似行緊禮,講緊結婚宣言咁。

苟芸慧

 

 

 苟芸慧

 

 

 苟芸慧

拍拖未夠一年 已情定終生

苟芸慧 同William因賽車結緣,傳聞係上年八月開始拍拖,到今年六月二人正式公開戀情。拍拖未夠一年,William已經認定苟姑娘係終身伴侶,甚至將家傳之寶製成情侶戒指,齊齊戴住放閃。佢哋近日出席活動,當然都有戴!

苟芸慧
陸漢洋深情留言:「一切由賽車開始,以後我們手牽手去征服所有艱難的人生競賽!沿途是誰伴我走挽我的手……」苟姑娘冧爆回應:「Always my number one」。

 

 

 

 

苟芸慧

 

 

苟芸慧

男友經常公開放閃

其實,William做護花使者,公開講甜言蜜語,已經唔係第一日嘅事。二人六月一齊出席活動個陣,William就話:「我諗住寵她一世,都開咗個頭啦,唔通寵佢一日咩?唔得㗎!一生人嘅承諾,唔係咁容易承認,佢係一個公眾人物,又係一個女神,仲要行出去講俾人聽,現在被封盤喎,我其實好多謝佢,take了這麼大個responsibility去承認這段關係,其實係唔容易的一件事……」冧死人咩!

苟芸慧

 

 

苟芸慧

 

 

苟芸慧

全文完