女藝人副業五捷徑

ViuTV選美廿強 紋身女 人妻乜都有

平日絕少下廚嘅阿佘，話參加《星廚駕到》係由於媽咪好鍾意睇飲食節目，第一集更煮咗一道菜叫「親親魚」，係佘媽媽以前為咗氹阿佘食飯，於是淋啲甜酸汁上條魚上面，再叫阿佘錫下條魚，勁有愛！不過阿佘劏魚時唔小心俾魚刺拮到出血，痛到叫晒救命！

劏魚已經雞手鴨腳，阿佘晌第二集洗內臟時更加狼狽！節目要求阿佘要將豬肺、豬腦、粉腸、雞腎同羊睪丸洗乾淨，未真正落手處理前，阿佘已經嚇到面青，輪到洗雞腎時，阿佘竟然反胃作嘔，嚴重到話想退出比賽！

同雞腎搏鬥完，阿佘洗豬肺時一臉嫌棄不斷嗌臭，反而切羊睪丸時一啲都唔驚，仲興奮到拎起兩邊蛋蛋作狀揸爆佢！幾時都話，千祈唔好得罪女人，尤其係阿佘呢一種呀！

全文完