譚詠麟

圓桶身形 譚詠麟為演唱會keep fat

最新娛聞

廣告

活到老唱到老,一時同克勤、一時同溫拿、一時又Sam許冠傑,年中無休、年年25歲的譚詠麟又返嚟囉!同Sam一連八場演唱會今個暑假紅館再見!畀著第二個養生之道可能係節食做運動清心寡慾,但小編第時老咗最想跟肯定係阿倫呢一套,一早講明自己負責keep fat、減肥騷肌留畀拍檔阿Sam,除咗工作就不時踢波見朋友、旅行食好嘢!

撰文:東方新地|圖片:新傳媒圖片庫、譚詠麟FBIG

譚詠麟圓桶身形

臨開演唱會,阿倫果然講到做到,又畀小編見到阿倫約埋老友去九龍城打邊爐,圓桶身型唔見咗條腰,九秒九放低架車就衝入食店再食過。其實身材keep到固然好,不過一把年紀,有咩開心得過有朋友陪、有自己興趣、又有胃口同本錢食呢?

一睇就知阿倫係火鍋店常客,車一到、泊車大哥離遠已經撲到嚟迎接,笑笑口同阿倫吹不停。

一落車即打電話又周圍望,睇吓邊爐腳到齊未,睇落阿倫又肥咗一個圈,條腰圓碌碌好有福態。

《阿Sam與阿Tam》演唱會part II今年暑假回歸,阿倫一如既往,只負責唱好歌,絕對唔會為做騷減肥。

Alan Tam 譚詠麟(@alantam25)分享的貼文 張貼

朋友多多興趣又多多,阿倫不時在社交網分享嘅係約埋老友遊山玩水食好嘢。近日阿倫就同朋友去咗歐遊,呢日喺威尼斯觀光。

 


譚詠麟 大玩高級版男人的浪漫

年年25歲唔係得把口,阿倫譚詠麟今年繼續有氣有力玩得又食得,三月中就拉大隊同成班年紀相若嘅朋友,包括叻哥及秀姑去咗法國,之後仲同性好友一齊飲住香檳歎番個雪地jacuzzi,仲貪玩將香檳互淋,真係勁疏干,呢啲咪叫高級版男人的浪漫囉!

早兩年好多人話叻哥個旅遊節目《叻哥遊世界》太離地,老老實實,辛苦咗大半世,歎吓世界有幾出奇?連日以來睇住阿倫晒相,不停食好嘢,呢頭食巨型海鮮拼盤,轉頭成班男人喺雪地浸住jacuzzi歎香檳,真實世界仲離地過拍旅遊節目!

平民呢就成班麻甩佬齊齊食豆腐火腩飯,譚校長呢啲級數呢就高級好多倍。

校長年年25歲、個仔劍橋畢業、身邊永遠有一班志同道合老死一齊踢波、夾band、旅行歎世界,你睇!人地麻甩佬圍埋一齊食豆腐火腩飯,譚校長呢啲級數就食仲大過洗面盤海鮮拼盤,真係住得豪、食得更豪。小編67歲時可以似得阿倫咁自在,真係無得頂囉!

 

一行人豪遊豪食完巴黎,再上雪山包咗間小木屋滑幾日雪。

譚詠麟 兒子譚曉風牛津碩士畢業

譚詠麟 除了在香港樂壇地位崇高外,其一生最大成就還包括有個出類拔萃的兒子譚曉風。自小已是譚家金叵羅的曉風,雖然與母親Wendy一直生活低調,但卻非常出色,5歲時憑一幅素描贏得全香港兒童繪畫比賽亞軍,11歲已經考獲六級鋼琴,識打鼓又會彈結他,而且甚有運動細胞,籃球、足球、划艇樣樣精,由細叻到大。

 

十優狀元 能文能武

曉風運動叻,學業成績更加威威,10年成為十優狀元後被阿倫送去英國升學,於英國GCSE考試中以12A佳績,以拔尖身份攞埋獎學金,考入世界頂級學府牛津大學。對兒子絕口不提的阿倫,當年曾罕有公開大讚:「佢媽咪(Wendy)教得佢好好!但我仲要佢明白到幸福唔係必然,所以自細帶佢去貧困地方探訪,我唔會畀好大壓力。其實我都好想做嚴父,但真係冇可能,印象中,只係喺佢兩歲時打過佢一次。」曉風在牛津攻讀電子工程碩士四年,去年以二級榮譽畢業,阿倫雖然忙於為今個月尾與阿Sam的個唱綵排,但他仍抽空飛英國出席曉風畢業禮。

 

百萬英國觀禮團

阿倫得一粒仔,碩士畢業咁大件事當然拉大隊去觀禮,據知今次一行約二十人,包括Wendy娘家的親友及阿倫的好友拉姑、鬍鬚Kong,以及晨曦班主周文曦等,阿倫花過百萬包起觀禮團,為賀阿仔使幾多都值得。

單睇阿倫在畢業禮戴上兒子的四方帽,攬住兒子直豎拇指的興奮照,就知道曉風是他的驕傲,令他非常自豪,雖然他自己po上社交網的照片全都是囝囝的背面,仍看到曉風高阿倫成個頭,身高六呎的他身形壯健,本刊記者更找到他在Linkedin登記的帳號,英文名為「Howard Tam」的他,比幾年前多了一份成熟,是個陽光大男孩,跟阿倫後生時如餅印一樣。

 

 

 

派Wendy𥄫實個仔

多年來阿倫主外搵錢,教育兒子的重責落在Wendy身上,大學畢業的Wendy由曉風幼稚園開始已親自教做功課溫習,從不假手於人。知情者透露:「Wendy有學識又有耐性,咁多年嚟放咗好多心血同時間喺曉風身上,曉風讀書學嘢全部都好自動唔使人逼。阿倫夫婦從來唔會畀佢覺得自己高人一等,自小同佢講要有收穫就要先努力。阿倫以前好少理佢讀書啲嘢,不過個仔愈大佢就愈緊張,因為唔少圈中人都想打曉風主意,又話想簽佢,其實曉風唱歌真係有天份,不過阿倫同個仔講依家做歌手搵唔到食,叫佢唔使諗,趁後生讀埋個博士先。」

據知阿倫把口話唔緊張個仔有冇拍拖,但暗地裏就成日叫Wendy睇實個仔,仲喺牛津區買咗間大屋畀佢哋兩母子,Wendy每年都飛去五、六次,阿倫要知道曉風同啲咩女仔行埋,講到明唔想個仔媾鬼妹。原來呢方面阿倫好傳統,想個仔娶番中國人,孫仔千祈唔好金頭髮!

冇遺傳老竇桃花

有樣有學識又有個樂壇校長老竇,再加上曉風為人低調貼地又乖仔,如此筍盤點會冇女仔嗒糖?據知曉風是牛津風頭躉,他修讀的電子工程學男多女少,但他活躍於課外活動,不少修讀其他系的外籍女同學都對他虎視眈眈,曉風緊記父親定下的家規,四年來都專注學業,從他的校內生活照中,可看到圍內的好友都是清一色男同學。認識曉風的世叔伯都知道他聽話又乖仔,日前曾志偉被問及曉風有冇拍拖,他說:「冇講喎!佢唯一冇遺傳到老竇就係惹桃花。」

隔絕兒子與娛樂圈

阿倫每次見記者都嬉皮笑臉絕無冷場,但他21年來卻刻意把兒子與娛樂圈隔絕,培養出一個有知識有品格的兒子,實在是用心良苦。曉風則會飛去加拿大溫哥華一間技術公司做實習生,兩父子又再分隔兩地。曉風有校長爸爸支持再讀落去,唔使咁快出嚟社會捱騾仔,睇嚟阿倫好快又要飛去參加曉風的博士畢業禮。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!