《逆緣》驚現鬼影？《東張西望》緊急抽水
嗱，大家唔使慌張西望，皆因《東張西望》唔執輸攞番自己公司單嘢抽吓水，唔止搵番未出街嘅片段研究一番，又找來有份在場嘅黎諾懿做訪問⋯⋯
《逆緣》黎諾懿夏文汐忘年戀
黎諾懿喺《逆緣》戲份唔算太多，不過37歲的「馬壯」同52歲夏文汐發展忘年戀感情線，兩人喺劇中有唔少親密鏡頭，其中兩人喺月光下錫錫一幕真係… 令人難忘！不過劇情已經講到黎諾懿癌症病逝，忘年戀不再！
驚現女鬼黑影？
但講番早前一集，講述患末期癌症的黎諾懿與家人爭吵後頭暈不適，於是夏文汐扶佢上房，坐喺床邊休息。呢個時候，畫面偏右位置竟然出現一個神秘黑影，感覺似係一個長髮女性，該黑影只見上半身，正正位於椅子上方。望真啲，個黑影仲好似伸手拎住杯一樣..
該黑影由始至終都係一動不動，仿似望住黎諾懿同夏文汐演戲咁…
《東張西望》緊急抽水
《逆緣》牆上現鬼影，昨晚的《東張西望》立即做嘢，先做街訪問途人睇唔睇到黑影、驚唔驚呀咁⋯之後就播番當日未經剪接片段話要釐清真相，就係個黑影未roll機前已經喺度，所以唔會係燈光師唔小心將夏文汐嘅影子打喺木板上⋯⋯
跟住有工作人員埋去整理床單，個黑影仍然動也不動！
未曝光片段
之後《東張西望》又摷埋未曝光片段，話黎諾懿同夏文汐在後邊stand by，到正式roll機，人動機動影不動⋯過咗冇耐有工作人員似乎見到有啲奇怪，行埋去黑影上方附近用手揚來揚去，而個影都繼續坐喺度…
黎諾懿：Pat姐啲粉絲
睇完片，唔少得問番該場戲男主角黎諾懿，黎諾懿笑話：「非科學嚟講，可能Pat姐啲粉絲，知Pat姐返嚟拍劇咁難得，嚟觀摩一番！」佢又大讚網友好勁，兩位演員做得咁好，居然留意到側邊啲嘢⋯又話嗰啲嘢只係錦上添花，可能後面有仲多！
網民齊搵鬼！起底 & 查證！
到底係嚇一跳定係得啖笑？話說電視城經常有撞鬼傳聞，今次在片場的異物，難免引起觀眾亂諗嘢！網友甚至幫手用Photoshop查證：
延伸閱讀：
其實TVB電視城長年不見天日，尤其以密封嘅錄影廠陰氣最重，無論係以前嘅清水灣定依家嘅將軍澳電視城都一樣咁猛，當中發生嘅靈異事件，真係講極都講唔完！好似張家輝、鄭伊健、林峰、吳卓羲、姚子羚等曾經喺電視城拍劇、做節目嘅藝人，都遇過各種驚心動魄嘅靈異事件：
電視城明星撞鬼實錄 張家輝 鄭伊健 林峯 都有份！
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
